Asebter amenzawi
Seg Tasanayt s tmaziɣt imunen
Yermes Mass Messahel amaray amatu n UMA
TUNES – Aneɣlaf n Tɣawsiwin n tmazɣa, n Tdukli tafriqit akked Temɣunt n Yiwunak aɛraben, Abdelkader Messahel, yermes ass n larebɛa amaray amatu n UMA, Lahbib Benyahia.
Timlilit-a, i d-yeɣlin deg tmeddit n wass qbel ass n tɣimit tis 34 n Useqqamu n yineɣlafen n Tɣawsiwin n berra n UMA ara d-yeḍrun ass n lexmis deg Tunes, ad tesweḍ liḥala n yimir-a n Tdukli Tameɣrabit akked yimal-is.
Yermes daɣen anmazul amezwaru n uselway n Useqqamu n yiwamnan alibi, Mohamed Ali Chaib d umi yemmeslay ɣef umhaz n liḥala yellan deg tmurt n Libya, yules-as i waddud n Lezzayer ɣer yidis n ukala asertan akken ad yefru ṭṭrad deg tmurt-a.
