ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵙⴻⴼⴽⴻⵏⵜ ⵜⴻⵣⵔⴰⵡⵉⵏ ⵉ ⵓⵇⴻⵢⵢⴻⵎ ⵏ ⵍⴰⵜⴻⵕ ⵏ ⵓⴱⴻⴷⴷⴻⵍ ⵏ ⵓⵏⴻⵣⵡⵉ ⵖⴻⴼ ⵜⴻⵖⴱⵓⵍⴰ ⵏ ⵡⴰⵎⴰⵏ (ⴰⵎⵏⴰⴷⵉ)
ⵎⴰⴷⵔⵉⴷ – « ⵙⵙⴻⴼⴽⴻⵏⵜ ⵜⴻⵣⵔⴰⵡⵉⵏ ⵉ ⵓⵇⴻⵢⵢⴻⵎ ⵏ ⵍⴰⵜⴻⵕ ⴷ ⵡⴰⵢⴻⵏ ⴰⴷ ⴷ-ⵢⴻⵙⵇⴰⵎ ⵓⴱⴻⴷⴷⴻⵍ ⵏ ⵓⵏⴻⵣⵡⵉ (ⵎⴰⵏⴰⵅ) ⵖⴻⴼ ⵜⴻⵖⴱⵓⵍⴰ ⵏ ⵡⴰⵎⴰⵏ ⴰⴽⴽⴻⵏ ⴰⴷ ⴷ-ⵜⵜⵡⴰⵙⵡⴻⵊⴷⴻⵏⵜ ⵜⵉⴼⵔⴰⵜⵉⵏ ⵉⵡⴰⵜⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵎⴰⴷⵔⵉⴷ, ⵡⴻⵒⵕⵓⴼⵉⵙⵓⵔ ⴱⵧⵓⴷⴳⵀⴻⵏⴻ ⵙⵜⴰⵎⴱⵧⵓⵍⵉ, ⴷⴻⴳ ⵓⵙⴰⵔⴰⴳ ⴰⴳⵔⴰⵖⵍⴰⵏ ⵖⴻⴼ ⵜⴻⵥⵡⴰⵔ ⴷ-ⵢⴻⵜⵜⵓⵖⴰⵍⴻⵏ ⴷ ⵜⵖⴰⵔⴰ (ⵏⴰⵡⵄⵉⵢⵢⴰ) ⵏ ⵜⴻⵥⵡⴻⵔⵜ.
ⴷⴻⴳ ⵓⵙⴰⵔⴰⴳ-ⵏⵏⴻⵙ ⵓⵎⵉ ⵉⵙⴻⵎⵎⴰ « ⴰⵙⵙⴻⴽⵢⴻⴷ ⵏ ⵢⴻⵃⵔⵉⵛⴻⵏ ⵏ ⵡⴰⵎⴰⵏ ⴷ ⵜⴻⵥⵡⴻⵔⵜ ⴷⴻⴳ ⵍⴻⵣⵣⴰⵢⴻⵔ, ⴰⵔⵉⴷ, ⵉⵙⵉⵏⴰⵕⵢⵓⵜⴻⵏ ⴷ ⵜⴻⵎⵙⴰⵍ ⵏ ⵓⴷⵓⵎⵓ », ⵢⴻⵏⵏⴰ-ⴷ ⵡⴻⵎⵏⴰⴷⵉ-ⴰ ⵏ ⵜⴻⵙⴷⴰⵡⵉⵜ ⵏ ⵡⴻⵀⵕⴰⵏ ⴷⴰⴽⴽⴻⵏ « ⴰⵃⵔⵉⵛ ⵏ ⵡⴰⵎⴰⵏ ⴷⴻⴳ ⵍⴻⵣⵣⴰⵢⴻⵔ ⵡⴻⵔⵄⴰⴷ ⵓⵔ ⵢⴻⴼⴽⵉ ⴰⵣⴰⵍ ⵉ ⵓⴱⴻⴷⴷⴻⵍ ⵏ ⵓⵏⴻⵣⵡⵉ ⵢⴻⵔⵏⵓ ⵢⴻⵇⵇⴻⵏ ⵜⵉⵟ ⵖⴻⴼ ⵍⴰⵜⴻⵕ-ⵏⵏⴻⵙ ⵖⴻⴼ ⵜⴻⵖⴱⵓⵍⴰ ⵏ ⵡⴰⵎⴰⵏ ».
« ⵜⵉⵎⵓⴷⵎⵉⵏ (ⵏⴰⵎⴰⴷⵉⴵ) ⵏ ⵓⴱⴻⴷⴷⴻⵍ ⵏ ⵓⵏⴻⵣⵡⵉ ⵙⵙⴽⴰⵏⴰⵢⴻⵏⵜ-ⴷ ⴷⴰⴽⴽⴻⵏ ⴰⴳⴻⴼⴼⵓⵔ ⵢⴻⵣⵎⴻⵔ ⴰⴷ ⵢⴻⵏⵇⴻⵙ ⵙ 20% ⵙⴻⴳ-ⴰ ⵖⴻⵔ 2050, ⴷⵖⴰ ⴷ ⴰⵢⴰ ⴰⴷ ⴷ-ⵢⴻⴳⵍⵓⵏ ⵙ ⵍⴻⵅⵚⴰⵚ ⵏ ⵡⴰⵎⴰⵏ ⴷⴻⴳ ⵜⵎⴻⴷⵡⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵍⴻⵣⵣⴰⵢⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⴷⴻⴳ ⵓⵙⴰⵔⴰⴳ-ⴰ ⴰⵢⴷⴻⴳ ⵜⵜⴻⴽⴽⴰⵏ ⵢⴻⵎⵏⴰⴷⵉⵢⴻⵏ ⵙⴻⴳ ⵡⴰⵛⵃⴰⵍ ⵏ ⵜⵎⵓⵔⴰ. ⵙ ⵡⴰⵢⴰ, ⵢⴻⵙⵙⴻⴼⴽ ⴰⴷ ⵜⴻⵙⵙⴻⴼⵔⴻⴽ ⵍⴻⵣⵣⴰⵢⴻⵔ ⵜⵉⵖⴱⵓⵍⴰ-ⵏⵏⴻⵙ ⵙ ⵍⴻⵃⴷⴻⵔ ⵢⴻⵔⵏⵓ ⴰⴷ ⵜⴻⵙⵙⴻⴱⴳⴻⵙ ⵜⵉⵖⴱⵓⵍⴰ ⵢⴻⵅⴹⴰⵏ ⴰⴳⴰⵎⴰ (ⴰⵎ ⵓⵙⵙⵉⵥⴻⴷ ⵏ ⵡⴰⵎⴰⵏ ⵏ ⵢⵉⵍⴻⵍ ⴷ ⵓⵄⴰⵡⴻⴷ ⵏ ⵓⵙⵙⴻⵇⴷⴻⵛ ⵏ ⵡⴰⵎⴰⵏ ⵢⴻⵜⵜⵡⴰⵙⵇⴻⴷⵛⴻⵏ) ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵉⵡⴻⴽⴽⴻⴷ-ⴷ ⵡⴻⵎⵙⴰⵔⴰⴳ-ⴰ (ⵎⵓⵃⴰⴹⵉⵔ) ⵙⴻⴳ ⵢⵉⴷⵉⵙ ⵏⵉⴹⴻⵏ ⴷⴰⴽⴽⴻⵏ ⵜⴰⴳⵔⴰⵡⵍⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵥⵡⴰⵔ ⴷ-ⵢⴻⵜⵜⵓⵖⴰⵍⴻⵏ (ⵜⵉⴼⴻⵔⴼⴰⵔⵉⵏ ⴷ ⵢⵉⴳⴰⵍⵉⵙⴻⵏ ⵏ ⵜⴰⴼⵓⴽⵜ) ⴷ ⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵙⴻⵏⵇⴻⵙ ⴰⵙⵙⵓⴷⴻⵔ (ⵉⵙⵜⵉⵀⵍⴰⴽ) ⵏ ⵢⵉⵙⴻⵔⵖⴰ ⵏ ⴷⴷⴰⵡ ⵜⵎⵓⵔⵜ, ⴰⵎ ⵡⴰⴽⴽⴻⵏ ⴰⵢ ⵢⴻⵃⵔⴻⵣ ⵡⴰⵢⴰ ⵍⵄⵓⵍⴰⵜ ⵏ ⵜⴻⵥⵡⴻⵔⵜ-ⴰ ⵉ ⵜⵙⵓⵜⵡⵉⵏ ⴰⵢ ⴷ-ⵢⴻⵜⵜⴻⴷⴷⵓⵏ. ⵢⴻⵔⵏⴰ-ⴷ ⴷⴰⵖ ⴷⴰⴽⴻⴽⵏ ⵍⴻⵣⵣⴰⵢⴻⵔ ⵜⴻⵙⵙⴻⴼⵔⴰ, ⵙⴻⴳ-ⴰ ⵖⴻⵔ 2030, ⴰⴷ ⵜⵓⵖⴰⵍ ⴰⴷ ⵜⴻⵔⵔ ⴳⴰⵔ 30 ⴷ 40% ⵙⴻⴳ ⵜⴻⵥⵡⴻⵔⵜ-ⵏⵏⴻⵙ ⴷ ⵜⴰⵥⵡⴻⵔⵜ ⴷ-ⵢⴻⵜⵜⵓⵖⴰⵍⴻⵏ.
ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ-ⵏⵏⴻⵙ ⵏ ⵜⵏⴻⴼⵍⵉⵜ ⵉ ⵍⵎⴻⵏⴷ ⵏ ⵓⵙⵙⴻⵕⵡⵓ ⵏ ⵓⵙⵙⵓⵜⴻⵔ ⵏ ⵢⵉⵙⴻⵇⴷⴰⵛⴻⵏ, ⵜⴻⵅⴷⴻⵎ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵜⴻⵙⵙⴰⵡⴰⴹ ⴰⵎⴰⵏ ⵍⴰⴷⵖⴰ ⵉ ⵜⴻⵎⴷⵉⵏⵉⵏ ⴷ ⵜⴽⴻⵔⵔⴰⵣⵜ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⵙ ⵍⴻⴱⵏⵉ ⵏ ⵡⵓⴳⴳⵓⴳⴻⵏ (ⵙⵓⴷⵓⴷ). ⴷ ⴰⵛⵓ ⴽⴰⵏ, ⵖⴻⴼ ⵍⴻⵃⵙⴰⴱ ⵏ ⵡⴻⵎⵙⴰⵔⴰⴳ, ⴰⵃⵔⵉⵛ ⵏ ⵡⴰⵎⴰⵏ ⵎⴰⵣⴰⵍ ⵢⴻⵙⵄⴰ ⵓⴳⵓⵔⴻⵏ ⴰⵢ ⵉⵣⴻⵎⵔⴻⵏ ⴰⴷ ⴷ-ⵉⵍⵉⵏⵜ ⴷ ⵜⴰⵍⴰⵙⵜ ⵉ ⵓⵏⵏⴻⵔⵏⵉ ⴰⴷⴰⵎⵙⴰⵏ.
ⵓⴳⵓⵔⴻⵏ-ⴰ ⵇⵇⵏⴻⵏ ⵖⴻⵔ ⵡⴻⵏⵇⴰⵙ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⵖⴻⴼ ⵍⴵⴰⵍ ⵏ ⵓⵏⴻⵣⵡⵉ ⵢⴻⵔⵏⵓ ⴰⵙⵏⴻⴼⵍⵉ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⴷⴻⴳ ⵢⵉⵎⴰⵍ ⴰⴷ ⵢⴻⵇⵇⴻⵏ ⵖⴻⵔ ⵜⵉⴼⵔⴰⵜⵉⵏ ⴰⵢ ⵢⴻⵜⵜⴻⵜⵜⴻⵏ ⴰⵟⴰⵙ ⵏ ⵜⴻⵥⵡⴻⵔⵜ ⴰⵎ ⵜⴻⵖⵙⴰⵔⵜ (ⵎⴰⵃⴰⵟⵟⴰⵜ) ⵏ ⵓⵙⵙⵉⵥⴻⴷ ⵏ ⵡⴰⵎⴰⵏ ⵏ ⵢⵉⵍⴻⵍ, ⴰⵍⵍⵓⵙ ⵏ ⵓⵙⵙⴻⵇⴷⴻⵛ ⵏ ⵡⴰⵎⴰⵏ ⵢⴻⵜⵜⵡⴰⵙⵇⴻⴷⵛⴻⵏ ⴷ ⵡⴻⵙⵙⵡⴰⵢ ⵜⵉⵇⵇⵉⵜ ⵙ ⵜⵉⵇⵇⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
