Asebter amenzawi

Ass war tikeṛṛusin ass n ljemɛa deg Lezzayer Talemmast

LEZZAYER TAMANEɣT– Ad ssuddsent Ṛṛadyu n Lezzayer d Twilayt n Lezzayer ass n ljemɛa-a ass war tikeṛṛusin deg tlemmast n tmaneɣt, ɣef wakken ay d-yenna yiwen n welɣu (bayan) n Ṛṛadyu Taɣelnawt.

Imi ay rebḥent 7 n teẓrigin (ṭabɛat) tineggura n « wass war tikeṛṛusin », ɣetsent Ṛṛadyu n Lezzayer d twilayt n Lezzayer ad ɛawdent ad ssuddsent tadyant-a ass-a n ljemɛa seg tis 9 n tṣebḥit ɣer tis 7 n tmeddit, ɣef wakken ay d-yenna welɣu-nni.

Taẓrigt-a tis 8 ad d-tḥaz tamnaḍt yellan gar weɣlif n tnezduɣt (135 azniq n Didouche Mourad) arma d Amṛaḥ n Yimeɣrusen, yernu ad d-ddunt deg-s temnaḍin n Tesreqqest Tameqrant, azniq n Zighout Youcef, azniq n Che Guevara d wezniq n Asselah Hocine, ɣef wakken ay d-yenna welɣu-nni.

Iswi n tedyant-a d aḥuddu n twennaḍt s ussenqes n lgaz, d assebɣes n wegdud akken ad yetteddu yernu ad yessen tamdint n Lezzayer, d assifses n tiddit i yemsebriden d tmussni n ccbaḥa n Lezzayer Tamaneɣt, ɣef wakken ay d-nnan yemsuddsen (munaḍḍimin).