ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⵇⴷⴻⵛ ⵏ ⵢⵉⵙⴻⵊⵀⴰⴷⴻⵏ: ⵜⴰⵏⴻⵎⵙⴻⵍⵜ ⵜⴰⵎⵏⴰⴹⴰⵏⵜ ⴷⴻⴳ ⵜⴱⴰⵜⴻⵏⵜ ⴰⵙⵙ ⵏ 7 ⵎⴰⵢⵓ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ- ⴰⴷ ⵜⴻⵜⵜⵡⴰⵙⵙⵓⴷⴷⴻⵙ ⵜⵏⴻⵎⵙⴻⵍⵜ (ⵡⴰⵔⵛⴰ) ⵜⴰⵎⵏⴰⴹⴰⵏⵜ ⵜⵉⵙ ⵙⵏⴰⵜ ⵏ ⵢⵉⵎⴻⵏⵖⵉ ⵎⴳⴰⵍ ⵓⵙⵙⴻⵇⴷⴻⵛ ⵏ ⵢⵉⵙⴻⵊⵀⴰⴷⴻⵏ ⴰⵙⵙ ⵏ 7 ⵎⴰⵢⵓ ⴷⴻⴳ ⵜⴱⴰⵜⴻⵏⵜ, ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⵍⵖⵓ (ⵉⵄⵍⴰⵎ) ⴷ ⵡⴻⵙⵃⵓⵍⴼⵓ ⵎⴳⴰⵍ ⵓⵙⵙⴻⵇⴷⴻⵛ ⵏ ⵢⵉⵙⴻⵊⵀⴰⴷⴻⵏ ⴷⴻⴳ ⵡⴰⴷⴷⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⴻⵅⵎⵉⵙ, ⵡⴻⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ.

ⵜⴰⵏⴻⵎⵙⴻⵍⵜ-ⴰ ⵢⴻⵙⵙⵓⴷⴷⴻⵙ-ⵉⵜⵜ ⵡⴻⵖⵍⵉⴼ ⵙ ⵡⴻⵎⵄⴰⵡⴻⵏ ⴷ ⵓⵙⴻⵏⴷⵓⵇ ⵏ ⵓⵏⴻⵙⵛⵧ ⵉ ⵡⴻⵃⴱⴰⵙ ⵏ ⵓⵙⵙⴻⵇⴷⴻⵛ ⵏ ⵢⵉⵙⴻⵊⵀⴰⴷⴻⵏ, ⴰⵎⵎⴰⵙ ⴰⵖⴻⵍⵏⴰⵡ ⵏ ⵜⴻⵙⵏⴰⵊⵢⴰ ⵏ ⵡⴰⴷⴷⴰⵍ ⴷ ⵜⴻⵙⵎⵉⵍⵜ (ⵍⴰⴵⵏⴰ) ⵜⴰⵖⴻⵍⵏⴰⵡⵜ ⵏ ⵢⵉⵎⴻⵏⵖⵉ ⵎⴳⴰⵍ ⵓⵙⵙⴻⵇⴷⴻⵛ ⵏ ⵢⵉⵙⴻⵊⵀⴰⴷⴻⵏ. ⵉⵙⵡⵉ ⵏ ⵜⵏⴻⵎⵙⴻⵍⵜ-ⴰ ⴷ « ⴰⵅⴻⴱⴱⴻⵔ ⵏ ⵢⵉⵏⴰⴷⴷⴰⵍⴻⵏ ⴷ ⵓⵙⵙⴻⴳⵔⴻⵔ-ⵏⵙⴻⵏ (ⵜⴰ’ⵟⵉⵔ) ⴷⴻⴳ ⵓⵙⵙⴻⴼⵇⴻⴷ ⵏ ⵓⵙⵙⴻⵇⴷⴻⵛ ⵏ ⵢⵉⵙⴻⵊⵀⴰⴷⴻⵏ, ⵜⵉⵏⴻⴳⵡⴰ ⵢⴻⵜⵜⵡⴰⴳⴻⴷⵍⴻⵏ ⴷ ⵢⵉⵎⵉⵀⵉⵜⴻⵏ ⵢⴻⵇⵇⵏⴻⵏ ⵖⴻⵔ ⵓⵙⵙⴻⵇⴷⴻⵛ ⵏ ⵢⵉⵙⴻⵎⵎⴰⴷⴻⵏ ⵏ ⵜⵓⵞⵞⵉⵜ ⵓⵔ ⵢⴻⵜⵜⵡⴰⵙⴼⴻⵇⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ.

ⴰⴷ ⵜⵜⴻⴽⴽⵉⵏ ⴷⴻⴳ ⵜⵏⴻⵎⵙⴻⵍⵜ-ⴰ ⴰⵣⴰⵍ ⵏ 300 ⵏ ⵢⵉⵏⴰⴷⴷⴰⵍⴻⵏ, ⵉⵙⵍⴻⵖⵎⴰⵢⴻⵏ (ⵎⵓⴷⴰⵔⵔⵉⴱⵉⵏ) ⴷ ⵢⵉⵙⴻⴼⵔⴰⴽⴻⵏ (ⵎⵓⵙⴰⵢⵢⵉⵔⵉⵏ) ⵏ ⵜⴻⵖⵍⴰⵎⵉⵏ ⵜⴰⴷⴷⴰⵍⴰⵏⵉⵏ ⵏ ⵜⴱⴰⵜⴻⵏⵜ, ⴱⴳⴰⵢⴻⵜ, ⵜⵉⴱⴻⵙⴽⴻⵔⵜ, ⵙⴹⵉⴼ, ⵙⴽⵉⴽⴷⴰ, ⵄⴻⵏⵏⴰⴱⴰ, ⴳⴰⵍⵎⴰ, ⵇⵙⴻⵏⵟⵉⵏⴰ, ⵎⵙⵉⵍⴰ, ⵍⴱⵓⵕⵊ ⴱⵓⵄⵕⵉⵕⵉⵊ, ⵓⵎ ⵍⴻⴱⵡⴰⵇⵉ, ⵜⴱⴻⵙⵙⴰ, ⵜⵉⵅⴻⵏⵛⴻⵍⵜ, ⵙⵓⵇ ⴰⵀⵕⴰⵙ, ⴵⵉⴵⴻⵍ ⴷ ⵟⵟⴰⵔⴻⴼ, ⵙⴻⴳ 14 ⵏ ⵡⴰⴷⴷⴰⵍⴻⵏ.

ⴷⴻⴳ ⵜⵏⴻⵎⵙⴻⵍⵜ-ⴰ, ⴰⴷ ⵎⵙⴻⴼⵀⴰⵎⴻⵏ ⵢⴻⵎⵜⵜⴻⴽⴽⵉⵢⴻⵏ ⵖⴻⴼ ⵡⴰⵀⵉⵍ ⵉ ⵓⵃⴻⵣⵣⴻⴱ ⵎⴳⴰⵍ ⵓⵙⵙⴻⵇⴷⴻⵛ ⵏ ⵢⵉⵙⴻⵊⵀⴰⴷⴻⵏ ⴷⴻⴳ ⵜⴻⵎⵏⴰⴹⵜ-ⴰ ⵉ ⵓⵀⴻⵢⵢⵉ ⵏ ⵓⵙⵙⴻⴼⵄⴻⵍ ⵏ ⵡⴰⵀⵉⵍ ⴰⵖⴻⵍⵏⴰⵡ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ.