ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵏⵡⴰⵍⵉ ⴰⵣⴳⴰⵔ ⵏ ⵓⵎⵜⵉⵡⴻⴳ ⵎⴰⵔⴽⵓⵔ ⴷⴻⴳ ⵍⴻⵣⵣⴰⵢⴻⵔ ⴰⵙⵙ ⵏ ⵍⴻⵜⵏⵉⵢⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⴷⵢⴰⵏⵜ ⵜⴰⵙⵏⴰⵍⵍⵓⵏⴰⵏⵜ ⵏ ⵓⵣⴳⴰⵔ ⵏ ⵓⵎⵜⵉⵡⴻⴳ ⵎⴰⵔⴽⵓⵔ ⴰⴷ ⵢⴻⴹⵔⵓ ⴰⵙⵙ ⵏ ⵍⴻⵜⵏⵉⵢⴻⵏ ⵉ ⴷ-ⵉⵜⴻⴷⴷⵓⵏ (9 ⵎⴰⵢⵓ 2016), ⴰⴷ ⵏⴻⵣⵎⴻⵔ ⴰⴷ ⵜⴻⵏ-ⵡⴰⵍⵉ ⴷⴻⴳ ⵍⴻⵣⵣⴰⵢⴻⵔ ⴰⵣⴰⵍ ⵏ ⵟⴰⵎ (8) ⵏ ⵜⵉⵎⴰⵔ (ⵜⵙⴰⵄⵜⵉⵏ), ⵙⴻⴳ ⵡⴰⴽⵓⴷ ⵏ ⵢⵉⵎⴻⴽⵍⵉ (12ⵀ) ⴰⵍⴰⵎⵎⴰ ⵢⴻⵖⵍⵉ ⵢⵉⵟⵉⵊ, ⵉ ⴰⵖ-ⴷ-ⵏⵏⴰⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵓⵍⴻⵎⵎⴰⵙ ⵏ ⵜⴻⴳⵎⵉ ⵏ ⵜⴻⵙⵏⴰⵍⵍⵓⵏⵜ (ⵛⵔⴰⴰⴳ).

ⵜⴰⴷⵢⴰⵏⵜ-ⴰ ⴷ ⴰⵢⴻⵏ ‘’ⵇⵍⵉⵍⴻⵏ’’, ⴰⴷ ⵜⴻⴹⵔⵓ ⵙⴻⴳ ⵜⴰⵎⵉⵔⵜ ⵏ 12ⵀ12 ⴰⵍⴰⵎⵎⴰ ⵜⴻⵖⵍⵉ ⵜⴰⴼⵓⴽⵜ, ⵎⵉ ⴰⵔⴰ ⴷ-ⵉⵄⴻⴷⴷⵉ ⵓⵎⵜⵉⵡⴻⴳ ⵎⴰⵔⴽⵓⵔ ⴳⴰⵔ ⵓⵎⵜⵉⵡⴻⴳ ⵏ ⵡⴰⴽⴰⵍ ⴰⴽⴽⴻⴷ ⵢⵉⵜⵔⵉ-ⵏⵏⴻⵖ (ⵉⵟⵉⵊ) ⴰⴷ ⵜⴻⵏ-ⵡⴰⵍⵉ ⴷⴻⴳ ⵜⴰⵍⵖⴰ ⵏ ⵜⵏⴻⵇⵇⵉⴹⵜ ⵜⴰⴱⴻⵔⴽⴰⵏⵜ ⵉⵣⴻⴳⵔⴻⵏ ⴰⴹⴻⴱⵙⵉ ⴰⴼⵓⴽⴰⵏ, ⵖⴻⴼ ⵡⴰⴽⴽⴻⵏ ⵉ ⴷ-ⵙⵙⴻⴳⵣⵉⵏ ⴷⴻⴳ ⵓⵍⴻⵎⵎⴰⵙ ⵏ ⵜⴻⴳⵎⵉ ⵏ ⵜⴻⵙⵏⴰⵍⵍⵓⵏⵜ(ⵛⵔⴰⴰⴳ).

‘’ⴷ ⴰⵢⴻⵏ ⵉⴱⴰⵏⴻⵏ, ⵜⴰⵎⵓⵖⵍⵉ ⵙⵔⵉⴷ ⵖⴻⵔ ⵜⴰⴼⵓⴽ ⵜⴻⵃⵡⴰⴵ ⴰⵎⴻⵙⵜⴻⵏ’’, ⵉ ⴷ-ⵙⵙⴻⴷⴷⵉⵏ, ⵔⵏⴰⵏ ⵏⵏⴰⵏ-ⴷ ⴷⴰⴽⴽⴻⵏ ‘’ⴰⵎⵜⵉⵡⴻⴳ ⵎⴰⵔⴽⵓⵔ ⴷ ⴰⵎⴻⵥⵥⵢⴰⵏ ⵎⵉ ⴰⵔⴰ ⴷ-ⵉⵄⴻⴷⴷⵉ ⵖⴻⴼ ⵓⴹⴻⴱⵙⵉ ⴰⴼⵓⴽⴰⵏ, ⵖⴻⴼ ⵡⴰⵢⴰ ⵜⴰⵎⵓⵖⵍⵉ-ⵙ ⵙ ⵜⴻⵙⵎⴰⵇⴰⵍⵉⵏ ⵎⴻⵏⵡⴰⵍⴰ ⴷⵔⵓⵙ, ⵢⴻⵙⵙⴻⴼⴽ ⴰⴷ ⵏⴻⵙⵙⴻⵅⴷⴻⵎ ⴰⴳⵓⴳⵥⴻⵔ ⵢⴻⵄⴰⵏ ⵜⴰⵖⴻⵔⴱⴰⵍⵜ ⵏ ⵓⵚⴻⴼⴼⵉ ⵜⴰⴼⵓⴽⴰⵏⵜ’’.

ⵢⴻⵙⵙⴻⴷⴷⵉ-ⴷ ⵓⵍⴻⵎⵎⴰⵙ ⵏ ⵜⴻⴳⵎⵉ ⵏ ⵜⴻⵙⵏⴰⵍⵍⵓⵏⵜ (ⴰⵙⵜⵔⵧⵏⵧⵎⵉⴻ) ⵛⵔⴰⴰⴳ ⴷⴰⴽⴽⴻⵏ ⵀⴻⵢⵢⴰⵏ-ⴷ ⴰⵍⵍⴰⵍⴻⵏ ⵉ ⵜⵎⵓⵖⵍⵉ, ⵙⵏⴻⴱⴳⵉⵏ-ⴷ ⵉⵎⴷⴰⵏⴻⵏ ⵢⴻⴱⵖⴰⵏ ⴰⴷ ⵡⴰⵍⵉⵏ ⴰⴽⴽⴻⵏ ⴰⴷ ⴷ-ⴰⵙⴻⵏ ⴰⵙⵙ ⵉⴷⴻⴳ ⴰⵔⴰ ⴷ-ⵜⴻⴹⵔⵓ ⵜⴻⴷⵢⴰⵏⵜ-ⴰ ⵙⴻⴳ ⵜⵎⵉⵔⵜ ⵜⵉⵙ 12ⵀ ⴷ ⴰⴼⴻⵍⵍⴰ.

ⵜⴰⵎⵓⵖⵍⵉ ⵙⴻⴳ ⵓⵎⵜⵉⵡⴻⴳ ⵏ ⵡⴰⴽⴰⵍ ⵏ ⵓⵣⴳⴰⵔ ⵏ ⵎⴰⵔⴽⵓⵔ ⴷ ⵜⴰⵖⴰⵡⵙⴰ ⵢⴻⵍⵍⴰⵏ ⵇⵍⵉⵍⴻⵜ, ⵜⴻⵜⵜⵉⵍⵉ-ⴷ 13 ⵏⴻⵖ 14 ⵏ ⵜⵉⴽⴽⴰⵍ ⴷⴻⴳ ⵍⵇⴻⵔⵏ. ⵎⴰⵛⴰ ⵎⴰ ⵏⵇⵓⵔⴻⵏ-ⵉⵜ ⵙ ⴰⵣⴳⴰⵔ ⵏ ⵓⵎⵜⵉⵡⴻⴳ ⵡⴰⵏⴻⵙ (ⵠⴻⵏⵓⵙ), ⴰⴷ ⵏⴰⴼ ⴳⴳⵜⴻⵏ, ⵢⵓⴳⴰⵔ ⵉ ⴷ-ⵢⴻⵜⵜⵄⴻⴷⴷⵉ ⵎⴰⵔⴽⵓⵔ ⵡⴰⵍⴰ ⵡⴰⵏⴻⵙ ⴰⵛⴽⵓ ⴰⵎⵜⵉⵡⴻⴳ ⵏ ⵎⴰⵔⴽⵓⵔ ⵢⴻⵇⵔⴻⴱ ⵓⴳⴰⵔ ⵜⴰⴼⵓⴽⵜ, ⴰⵢⴰ ⵢⴻⴼⴽⴰ-ⴰⵙ ⴰⵃⴱⵓ ⵎⴻⵥⵥⵉⵢⴻⵏ ⵖⴻⴼ ⵡⴰⵏⴻⵙ, ⵉ ⵔⵏⴰⵏ ⵏⵏⴰⵏ-ⴷ.

ⵜⴰⴷⵢⴰⵏⵜ-ⴰ ⵜⴰⵙⵏⴰⵍⵍⵓⵏⴰⵏⵜ ⵉ ⵉⵣⴻⵎⵔⴻⵏ ⴰⴷ ⵜⴻⴹⵔⵓ ⴷⴻⴳ ⵡⴰⵢⵢⵓⵔ ⵏ ⵎⴰⵢⵓ, ⴷ ⵉⵎⴻⵛⵛⴰⵇⴻⵏ ⵏ 13 ⵏⴻⵖ 33 ⵉⵙⴻⴳⴳⴰⵙⴻⵏ, ⵏⴻⵖ ⴷⴰⵖⴻⵏ ⵣⴻⵎⵔⴻⵏ ⴰⴷ ⵉⵍⵉⵏ ⴷⴻⴳ ⵡⴰⵢⵢⵓⵔ ⵏ ⵡⴻⵎⴱⴻⵔ ⵢⴰⵍ 7, 13 ⵏⴻⵖ 33 ⵉⵙⴻⴳⴳⴰⵙⴻⵏ, ⵖⴻⴼ ⵡⴰⴽⴽⴻⵏ ⵉ ⴰⵖ-ⴷ-ⵙⵙⴻⴳⵣⵉⵏ ⴷⴻⴳ ⵛⵔⴰⴰⴳ, ⵢⴻⵔⵏⴰⵏ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵄⴻⴷⴷⵉⵢⴻⵏ ⵉⵏⴻⴳⴳⵓⵔⴰ ⵏ ⵓⵎⵜⵉⵡⴻⴳ ⵎⴰⵔⴽⵓⵔ ⴳⴰⵔ-ⴰⵖ ⴰⴽⴽⴻⴷ ⵜⴰⴼⵓⴽⵜ ⴹⵔⴰⵏ-ⴷ ⴷⴻⴳ ⵢⵉⵙⴻⴳⴳⴰⵙⴻⵏ ⵏ 2003 ⴰⴽⴽⴻⴷ 2006, ⵎⴰ ⴷ ⵙⵉⵏ ⵉ ⴷ-ⵉⵜⴻⴷⴷⵓⵏ ⴰⴷ ⵉⵍⵉⵏ ⴷⴻⴳ ⵢⵉⵙⴻⴳⴳⴰⵙⴻⵏ ⵏ 2016 ⴰⴽⴽⴻⴷ 2019.