Asebter amenzawi

Asettef n FIFA : Lezzayer teṭṭef deg wemḍiq-is wis 33

ZURICH- Tarbaɛt taɣelnawt tazzayrit n tcirt n uḍaṛ teqqim deg temkant-ines tis 33 deg usettef amaḍlan n wayyur-ayi n Mayu; i d-tefka ass n Lexmis Tfidiralit tagraɣlant (FIFA), deg wakud ideg mazal tarbaɛt n Argentine ɣef yixef n usettef-a , uqbel ad tt-id-ḍefṛent terbaɛin n Belgique akked Chili.

Deg ayen yerzan tirbaɛin n tmura n tefriqt, teṭṭef Lezzayer amkan-is amezwaru ɣef yixef n umenẓaw afriqi ( Lqaṛṛa L’Ifriqiyya) s 771 n tneqqiḍin, imi tezwar Côte d'Ivoire ( d-yezgan d tis 34 s 738 n tneqqiḍin) akked Ghana ( d-yezgan d tis 38 s 693 tneqqiḍin).

Seg tama-s, tarbaɛt n Seychelles, axṣim d-iteddun n Terbaɛt taɣelnawt tazzayrit deg tzizewrin uɛeddi n teqbuct tafriqit n yeɣlanen (CAN-2017), tezga-d deg wemḍiq wis 179, deg wakud ideg teṭṭef Lesotho ( ara yuraren mgal Lezzayer ilmend n wass wis 6 – Ass aneggaru- n -Tegrawt J-, amkan wis 148 s 202 n tneqqiḍin.

Asettef n FIFA n wayyur n Yunyu d-iteddun, ad yili d win yesɛan azal ameqṛan, imi fell-as ara ttwabnunt tseqqaṛ n tzizewrin uɛeddi ɣer Teqbuct umaḍal-2018 deg tmurt n Rrus (Asun n Tefriqt). Imi 5 terbaɛin timezwura ad ilint d ixfawen n yizurar di tseqqaṛ-a.

Asettef n FIFA n 5 Mayu 2016 :

1. Argentine

2. Belgique

3. Chili

4. Colombie

5. Lalman.

6. Spanya.

7. Brésil

8. Portugal

9. Uruguay

10. Legliz.

       ............

33. Lezzayer.

34. Côte d'Ivoire

38. Ghana

43. Sénégal

44. Maṣeṛ.

47. Cap Vert

-- Tunes .

51. Tagduda tamagdayt n Congo

58. Guinée

59. Congo

63. Cameroun

64. Merruk.

65.Mali.