ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴼⴰⵙⴽⴰ ⵏ ⵕⵕⴰⴷⵢⵓ ⴷ ⵜⵍⵉⵥⵔⵉ ⵏ ⵜⵓⵏⴻⵙ: ⴳⵔⵉⵏⴻ ⵢⴻⵔⵣⴰ ⵖⴻⴼ ⵜⵣⵉⴽⴽⴻⵏⵜ ⵏ ⵜⴼⴰⵙⴽⴰ
ⵜⵓⵏⴻⵙ – ⵢⴻⵔⵣⴰ ⵓⵏⴻⵖⵍⴰⴼ ⵏ ⵜⴻⵖⵡⴰⵍⵜ (ⵉⵜⵜⵉⵚⴰⵍ), ⵀⴰⵎⵉⴷ ⴳⵔⵉⵏⴻ, ⵖⴻⴼ ⵜⵣⵉⴽⴽⴻⵏⵜ ⵏ ⵕⵕⴰⴷⵢⵓⵡⴰⵜ ⴷ ⵜⵍⵉⵥⵔⵉ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴼⴰⵙⴽⴰ ⵜⵉⵙ 17 ⵏ ⵕⵕⴰⴷⵢⵓⵡⴰⵜ ⴷ ⵜⵍⵉⵥⵔⵉ ⵏ ⵜⴷⵓⴽⵍⵉ ⵏ ⵕⵕⴰⴷⵢⵓⵡⴰⵜ ⵜⴰⵄⵕⴰⴱⵉⵏ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴻⵅⵎⵉⵙ.
ⴰⵏⴻⵖⵍⴰⴼ ⴳⵔⵉⵏⴻ ⴰⵢ ⵢⴻⴷⴷⴰⵏ ⴷ ⵓⵏⴻⵖⵍⴰⴼ ⴰⵙⵓⴷⴰⵏⵉ ⵏ ⵜⴻⵖⵡⴰⵍⵜ ⴷ ⵎⴰⵙⵙ ⵜⴻⵡⴼⵉⴽ ⴽⵀⴻⵍⵍⴰⴷⵉ (ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵍⵉⵥⵔⵉ) ⴷ ⵛⵀⴰⴰⴱⴰⵏⴻ ⵍⵧⵓⵏⴰⴽⴻⵍ (ⴰⵏⴻⵎⵀⴰⵍ ⴰⵎⴰⵜⵓ ⵏ ⵕⵕⴰⴷⵢⵓ ⵜⴰⵖⴻⵍⵏⴰⵡⵜ) ⵙⵙⵓⴽⴽⴻⵏ-ⴷ ⵜⵉⵟ ⵖⴻⴼ ⵜⵏⴻⴼⵙⴰⵔⵉⵏ (ⴰⴵⵏⵉⵃⴰ) ⵢⴻⵎⴳⴻⵔⵔⴰⴷⴻⵏ ⵏ ⵜⴻⵖⵙⴰⵔ ⵏ ⵕⵕⴰⴷⵢⵓ ⴷ ⵜⵍⵉⵥⵔⵉ ⵏ ⵜⵎⵓⵔⴰ ⵜⴰⵄⵕⴰⴱⵉⵏ, ⴳⴰⵔ-ⴰⵙⴻⵏⵜ ⵜⵉⴷ ⵏ ⵍⴻⵣⵣⴰⵢⴻⵔ.
ⵢⴻⵔⵣⴰ ⵓⵏⴻⵖⵍⴰⴼ, ⵙⴰⴽⴽⵉⵏ, ⵖⴻⴼ ⵡⴻⴳⵏⵉ (ⴱⵍⴰⵟⵓ) ⵏ ⵜⵍⵉⵥⵔⵉ ⴰⵢ ⴷ-ⵢⴻⵍⵀⴰⵏ ⵙ ⵡⴻⵙⵏⴻⵣⵡⵉ (ⴱⴰⵜⵜ) ⵏ ⵢⴻⵔⵎⵓⴷⴻⵏ ⵏ ⵜⴼⴰⵙⴽⴰ ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵎⵙⴻⴳⵔⴰⵡ ⴰⵎ ⵡⴰ ⵢⴻⵙⵄⴰ ⴰⵣⴰⵍ.
ⴷⵖⴰ, ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵙⵎⴻⴽⵜⵉ-ⴷ ⵙ « ⵢⴻⵛⵇⵉⵔⵔⵡⴻⵏ ⴰⵢ ⵍⴰ ⵜⵜⵇⴰⴱⴰⵍⴻⵏⵜ ⵜⵎⵓⵔⴰ ⵜⴰⵄⵕⴰⴱⵉⵏ ⴷ ⵜⵜⴰⵡⵉⵍⴰⵜ-ⵏⵙⴻⵏⵜ ⵏ ⵢⵉⵙⴰⵍⴰⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⵅⴻⴷⵎⴻⵏ ⴰⴽⴽⴻⵏ ⴰⴷ ⵅⴻⴱⴱⵔⴻⵏ ⵉⴳⴷⵓⴷⴻⵏ ⴰⵄⵕⴰⴱⴻⵏ ⵖⴻⴼ ⵜⴻⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵓⵣⴻⴽⴽⴰ-ⵏⵙⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴰⵖⴻⵏ-ⵏⵙⴻⵏ ⴷ ⵓⵎⴰⴹⴰⵍ ».
ⵢⴻⵛⴽⴻⵕ-ⴷ ⴷⴰⵖ ⵎⴰⵙⵙ ⴳⵔⵉⵏⴻ ⵉⵙⵓⵔⵉⴼⴻⵏ ⵉⵎⴻⵇⵔⴰⵏⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵉⴽⴽⴰⵄⵕⴰⴱⴰⵏ ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵖⴻⴼ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴰⵢ ⵜⴳⴰ ⵍⴷⵣⴰⵢⴻⵔ ⴷⴻⴳ ⵍⴻⴱⵏⵉ ⵏ ⵜⴰⵍⵍⵓⵏⵜ ⵜⴰⵍⵖⴰⴳⴷⵓⴷⴰⵏⵜ (ⵉⵄⵍⴰⵎⵉⵢⵢⴰ) ⵜⴰⵄⵕⴰⴱⵜ ⵜⵓⵛⵔⵉⴽⵜ ⵉ ⵍⵎⴻⵏⴷ ⵏ ⵡⴻⵃⵔⴰⵣ ⵏ ⵏⵏⴼⴻⵄ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴷ ⵓⴼⴻⴵⴵⴻⴵ ⵏ ⵢⵉⴷⴻⵍⵙⴰⵏ-ⵏⵙⴻⵏⵜ.
