Asebter amenzawi

Tafaska n Ṛṛadyu d Tliẓri n Tunes: Grine yerza ɣef tzikkent n tfaska

TUNES – Yerza uneɣlaf n teɣwalt (ittiṣal), Hamid Grine, ɣef tzikkent n ṛṛadyuwat d tliẓri n tmura taɛṛabin ay yettekkan deg Tfaska tis 17 n Ṛṛadyuwat d Tliẓri n Tdukli n Ṛṛadyuwat Taɛṛabin ay d-yellan ass n lexmis.

Aneɣlaf Grine ay yeddan d uneɣlaf asudani n teɣwalt d Mass Tewfik Khelladi (anemhal amatu n Tliẓri) d Chaabane Lounakel (anemhal amatu n Ṛṛadyu taɣelnawt) ssukken-d tiṭ ɣef tnefsarin (aǧniḥa) yemgerraden n teɣsar n ṛṛadyu d tliẓri n tmura taɛṛabin, gar-asent tid n Lezzayer.

Yerza uneɣlaf, sakkin, ɣef wegni (blaṭu) n tliẓri ay d-yelhan s wesnezwi (batt) n yermuden n tfaska yernu iwekked-d dakken amsegraw am wa yesɛa azal.

Dɣa, deg temsalt-a, yesmekti-d s « yecqirrwen ay la ttqabalent tmura taɛṛabin d ttawilat-nsent n yisalan ay yessefken ad xedmen akken ad xebbren igduden aɛṛaben ɣef temsal yeqqnen ɣer uzekka-nsen deg wayen yerzan assaɣen-nsen d umaḍal ».

Yeckeṛ-d daɣ Mass Grine isurifen imeqranen ay d-yellan deg ttawilat n yisalan ikkaɛṛaban am wakken ay d-iwekked ɣef wussisen (maǧhudat) ay tga Ldzayer deg lebni n tallunt talɣagdudant (iɛlamiyya) taɛṛabt tucrikt i lmend n weḥraz n nnfeɛ n tmura taɛṛabin d ufeǧǧeǧ n yidelsan-nsent.