ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵣⵉⴽⴽⴻⵏⵜ ⵜⴰⵎⴰⵣⴷⴰⵢⵜ ⵏ « ⵓⵎⴻⵏⵏⵓⴹ ⵏ ⵜⴼⵉⵔⵄⴻⵇⵇⴻⵙⵜ » ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴱⴷⴰ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵓⵙⴰⵍⴰⵢ (ⵎⵓⵜⵃⴰⴼ) ⴰⵖⴻⵍⵏⴰⵡ ⵏ ⴱⴰⵔⴷⵧ, ⵢⵉⵡⴻⵜ ⵏ ⵜⵣⵉⴽⴽⴻⵏⵜ ⵜⴰⵎⴰⵣⴷⴰⵢⵜ ⵏ ⵜⵓⴳⵏⵉⵡⵉⵏ ⵉⵙⴻⵎ-ⵏⵏⴻⵙ « ⴰⵎⴻⵏⵏⵓⴹ ⵏ ⵜⴼⵉⵔⵄⴻⵇⵇⴻⵙⵜ » ⴰⵢⴷⴻⴳ ⴷ-ⵜⴻⵜⵜⴱⴰⵏ ⵜⵎⴻⴷⴷⵓⵔⵜ ⵏ ⵢⴰⵍ ⴰⵙⵙ ⴷ ⵍⴱⴻⵏⵢⴰⵏ ⵏ ⵜⴻⵎⴷⵉⵏⵉⵏ ⵏ ⴽⵓⴱⴰ. ⵜⴰⵣⵉⴽⴽⴻⵏⵜ-ⴰ ⵍⵍⴰⵏⵜ ⴷⴻⴳ-ⵙ ⴰⵎⴰ ⴷ ⵜⵉⵡⵍⴰⴼⵉⵏ, ⴰⵎⴰ ⴷ ⵜⵉⴼⴻⵍⵡⵉⵢⵉⵏ (ⵍⴰⵡⴰⵃⴰⵜ) ⵏ ⵜⴻⴽⵍⵓⵜ.
ⵜⴰⵣⵉⴽⴽⴻⵏⵜ-ⴰ ⵜⴻⴽⴽⴰ-ⴷ ⵙⴻⴳ ⵢⵉⵡⴻⵏ ⵏ ⵡⴻⵎⵙⴻⴳⵔⴰⵡ ⴳⴰⵔ ⵢⵉⵏⴰⵥⵓⵔⴻⵏ ⵉⴷⵣⴰⵢⵔⵉⵢⴻⵏ ⴷ ⵢⵉⴽⵓⴱⵉⵢⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵓⵏⵢⵓ ⵏ 2015 ⵙ ⵕⵕⴰⵢ ⵏ ⵓⵙⴻⵡⵍⴰⴼ (ⵎⵓⵚⴰⵡⵡⵉⵔ) ⴽⴰⵔⵉⵎ ⴰⴱⴷⴻⵙⵙⴻⵍⴰⵎ. ⵜⵓⴳⵏⵉⵡⵉⵏ ⴰⵢ ⴷ-ⵢⴻⵔⵙⴻⵏ ⴷⴻⴳ-ⵙ ⴷ ⵜⵉⴷ ⴰⵢ ⵢⴻⵙⵏⴰⵔⵎⴻⵏ ⴰⵎⵛⴰⴱⵉ ⵢⴻⵍⵍⴰⵏ ⴷⴻⴳ ⵢⴻⴷⵍⴻⵙ ⴷ ⵜⵎⴻⵜⵜⵉ ⵏ ⵍⴻⵣⵣⴰⵢⴻⵔ ⴻⴷ ⴽⵓⴱⴰ.
ⵜⵓⴳⵏⵉⵡⵉⵏ ⵏ ⵓⵙⴻⵡⵍⴰⴼ ⴰⴽⵓⴱⵉ ⴰⵔⵉⴻⵍ ⴰⵔⵉⴰⵙ ⴷ ⵜⵉⴷ ⴰⵢ ⴷ-ⵢⴻⴹⴹⴼⴻⵏ ⵜⵓⴷⴻⵔⵜ ⵏ ⵢⴰⵍ ⴰⵙⵙ ⵏ ⵢⵉⴳⴻⵔⴷⴰⵏ ⵉⴽⵓⴱⵉⵢⴻⵏ, ⴷ ⵜⵉⴷ ⴰⵢ « ⴷ-ⵢⴻⵙⵏⵓⵍⴼⵓⵢⴻⵏ ⵜⵉⵃⴽⴰⵢⵉⵏ » ⵢⴻⵔⵏⵓ ⵜⵜⴳⴻⵏⵜ-ⴷ « ⴰⵙⵙⴰⵖ ⵏ ⵢⵉⵃⵓⵍⴼⴰⵏ » ⴳⴰⵔ ⵓⵏⴻⵔⵣⴰⴼ ⴷ ⵡⴻⵎⴷⴰⵏ ⴰⵢ ⵢⴻⵜⵜⵡⴰⵚⴻⵡⵡⵔⴻⵏ.
ⵢⴻⵙⵙⴽⴻⵏ-ⴷ ⵓⵏⴰⵥⵓⵔ-ⴰ ⴷⴰⵖ, ⵙ ⵜⴻⵡⵍⴰⴼⵉⵏ ⴰⵢ ⴷ-ⵢⴻⴹⴹⴻⴼ ⴷⴻⴳ ⵀⴰⵠⴰⵏⴰ, ⴰⵎⴳⴻⵔⵔⴰⴷ ⴳⴰⵔ ⵍⴱⴻⵏⵢⴰⵏⴰⵜ ⵏ ⵜⴻⵎⴷⵉⵏⵜ-ⴰ ⵉⵃⴻⴱⵙⴻⵏ ⴷⴻⴳ ⵡⴰⴽⵓⴷ ⴷ ⵢⵉⵎⴻⵣⴷⴰⵖⴻⵏ-ⵏⵏⴻⵙ ⴰⵢ ⵍⴰ ⵢⴻⵜⵜⴻⵡⵍⵉⵡⵉⵍⴻⵏ ⴷⴻⴳ ⵜⵓⴷⴻⵔⵜ-ⵏⵙⴻⵏ. ⴰⵅⴻⴷⴷⵉⵎ-ⴰ ⵢⴻⵙⵙⴽⴰⵏⴰⵢ-ⴷ « ⴽⵓⴱⴰ ⵏ ⵡⴰⵙⵙ-ⴰ » ⵙⴷⴰⵜ ⵢⵉⴱⴻⴷⴷⵉⵍⴻⵏ ⵉⵎⴻⵇⵔⴰⵏⴻⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵜⴰⵍⵍⵉⵜ-ⴰ.
ⵎⴰ ⴷ ⵜⴰⵙⴻⵡⵍⴰⴼⵜ ⵜⴰⴼⵕⴻⵏⵙⵉⵙⵜ-ⵜⴰⵙⵒⴻⵏⵢⵓⵍⵉⵜ ⴱⴰⵔⴱⴰⵔⴰ ⵛⵧⴻⵍⵍⵧ ⵢⴻⵍⵍⴰⵏ ⴷ ⵜⴰⵎⴻⵖⵏⴰⵙⵜ ⵏ ⵜⴻⵖⴷⴻⵎⵜ (ⵄⴰⴷⴰⵍⴰ) ⵜⴰⵏⵎⴻⵜⵜⵉⵜ, ⵜⴻⵙⵙⴻⵔⵙ-ⴷ ⵓⵍⴰ ⴷ ⵏⴻⵜⵜⴰⵜ ⵜⵉⵡⵍⴰⴼⵉⵏ-ⵏⵏⴻⵙ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵜⴰⴳⵏⵉⵜ ⵏ ⵜⵙⴻⴷⵏⴰⵏ ⵜⵉⴽⵓⴱⵉⵢⵉⵏ, ⵜⴰⴳⴰⴷⴷⴰ ⴳⴰⵔ ⵡⴻⵔⴳⴰⵣ ⴷ ⵜⵎⴻⵟⵟⵓⵜ ⴷ ⵢⵉⵣⴻⵔⴼⴰⵏ ⵏ ⵢⵉⴳⴻⵔⴷⴰⵏ ⵙ ⵡⴻⵙⵙⴽⴰⵏ ⵏ ⴽⵔⴰ ⵏ ⵜⴻⵙⵡⵉⵄⵉⵏ ⵏ ⵜⵓⴷⴻⵔⵜ.
ⵜⴰⵏⴰⵥⵓⵔⵜ ⵙⵧⵓⴰⴷ ⴷⵧⵓⵉⴱⵉ, ⵙⴻⴳ ⵢⵉⴷⵉⵙ-ⵏⵏⴻⵙ, ⵜⴻⵙⵙⴻⵔⵙ-ⴷ ⵜⵉⴼⴻⵍⵡⵉⵢⵉⵏ, ⵜⵉⵡⵍⴰⴼⵉⵏ ⴷ ⵢⵉⵙⴻⵍⵙⴰ (ⴰⵣⵢⴰ’) ⴰⵢ ⴷ-ⵢⴻⵙⵙⴻⴽⵏⴻⵏ ⴰⵎⴻⴽ ⴰⵢ ⵜⴻⵜⵜⵡⴰⵍⵉ ⵉⴳⵎⴰⵎⴻⵏ (ⴰⵃⵢⴰ’) ⵉⵇⴱⵓⵔⴻⵏ ⵏ ⵀⴰⵠⴰⵏⴰ, ⴷ ⵜⵉⴷ ⴰⵢ ⴷ-ⵢⴻⵙⵙⴽⴰⵏⴻⵏ ⴰⵎⵛⴰⴱⵉ ⴷⴻⴳ ⵜⵙⴻⵔⵜⵉⵜ ⵜⴰⵏⵎⴻⵜⵜⵉⵜ ⴳⴰⵔ ⵍⴻⵣⵣⴰⵢⴻⵔ ⴷ ⴽⵓⴱⴰ.
