Asebter amenzawi
Seg Tasanayt s tmaziɣt imunen
Tettwenɣ yiwet n tfalesṭinit s tmes n yiwen n ugallu isṛayili deg Ɣezza
ɣEZZA – Tettwenɣ yiwet n Tfalesṭinit ass n lexmis s tmes n yiwen n ugallu (dabbaba) isṛayili ay iwten axxam-nnes deg Khan Younes, deg wenẓul (ǧanub) n tesfift n Ɣezza, ɣef wakken ay d-nnant teɣbula (maṣadir) tifalesṭiniyin.
Tenna-d yiwet n teɣbalut tasnajyant (ṭibbiyya) dakken tameṭṭut-a isem-nnes Zeina Al-Amour yernu tesɛa 54 n yiseggasen.
Rnan wten yiɣallen n tuḍḍfa tisṛayilit, ass n lexmis, tasfift n Ɣezza seg yigenni.
Isṛayiliyen ssuggten atɛeddi ɣef weɣref afalesṭini deg yiseggasen-a ineggura, yernu atɛeddi ameqran aneggaru ay d-yellan d win n Yulyu d Ɣuct n 2014 aydeg mmuten 2.000 n Yifalesṭiniyen deg ɣezza.
