Asebter amenzawi

Tiɣri i weḥraz n Tdukli n Lmeɣreb Aɛṛab seg tuggziwin ay izemren ad swaɣent tamnaḍt

TUNES – Wekkden-d yemttekkiyen deg tedwilt tis 34 n Useqqamu n Yineɣlafen n Tɣawsiwin n Wezɣar n Tdukli n Lmeɣreb Aɛṛab dakken yessefk ad ikemmel uxeddim ucrik i ussejhed n Tdukli i lmend n uqabel n tuggziwin (taḥaddiyat) ay izemren ad swaɣent tamnaḍt, gar-asent taremmiɣt (irhab).

« Timerniwt n tuggziwin (tahdidat) deg wenrar n tɣellist, izegren i tlisa d wezraɛ n tremmiɣt, assetti n leslaḥ d tehyufin d tegnit tadrimant iweɛṛen ay d-yellan seg tezɣint (azma) tadamsant tanmaḍalt d ayen ay d-yessuturen seg tmura n Tdukli n Lmeɣreb Aɛṛab » ad sdukklent idurra-nsent yernu ad zdint iɣallen-nsent, ɣef wakken ay d-yenna umaru amatu n Tdukli n Lmeɣreb Aɛṛab, Lahbib Benyahia deg yiwet n tinawt ay d-yeɣra deg temlilit-a.

Deg wayen yerzan uguren izegren i tlisa, yessefk ad ten-qablent tmura n Lmeɣreb Aɛṛab ddukli yernu s wemɛawen, ɣef wakken ay d-yenna.

Ma d aneɣlaf atunsi n tɣawsiwin n wezɣar, Khemaies Jhinaoui, yenna-d dakken tamurt-nnes teḍḍef deg Tdukli n Lmeɣreb Aɛṛab yellan d « afran asuddsan (istratiǧi) », am wakken ay d-iger tiɣri i uxeddim d tmura n Tdukli n Lmeɣreb Aɛṛab « akken ad d-sduqqsent akala (masar) amɣarbi akken ad d-yili deg nnfeɛ n yiɣerfan n temnaḍt ».

Anesmigal (muwaffad) n Useqqamu Aselwayan Alibi, Mohamed Siyala, yeckeṛ-d ussisen (maǧhudat) n yiwanaken n Tdukli n Lmeɣreb Aɛṛab d uɛawen ay la ttɛawanen Libya akken ad d-terr taɣellist d werkad, am wakken ay d-iger tiɣri i ussejhed n uxeddim ucrik gar tmura n Tdukli n Lmeɣreb Aɛṛab.

Ma d taneɣlaft tanesmigalt (manduba) n uneɣlaf n tɣawsiwin n wezɣar n Muriṭanya, tenna-d dakken icqirrwen imnaḍanen d yegraɣlanen d wid ay d-yessuturen seg tmura n Tdukli ad gent ugar n wussisen yernu yessefk daɣ ad xedment akken ad ssuffɣent assirem n yiɣerfan n temnaḍt ɣer tafat.