ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵢⴰⴳⴻⵔ ⴳⴰⵔ ⵜⴻⵏⵎⴰⵣⵓⵍⵜ ⵏ ⵓⵙⴻⵍⵡⴰⵢ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴷ ⵓⵎⴻⵙⵕⴰⴱⵓⵍ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵜⴷⴰⵡⵙⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ- ⵢⴻⵍⵍⴰ-ⴷ ⵡⴻⵎⵢⴰⴳⴻⵔ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴳⴰⵔ ⵜⴻⵏⵎⴰⵣⵓⵍⵜ ⵏ ⵓⵙⴻⵍⵡⴰⵢ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⴷⴰⵍⵉⴰ ⴳⵀⴰⵏⵉⴰ ⴷ ⵓⵎⴻⵙⵕⴰⴱⵓⵍ ⵓⵣⵣⵉⴳ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵡⴻⵣⵔⴻⴼ ⵏ ⵜⴷⴰⵡⵙⴰ (ⵚⵉⵃⵃⴰ), ⴷⴰⵉⵏⵉⵓⵙ ⵒⵓⵔⴰⵙ, ⴰⵢ ⴷ-ⵢⴻⵔⵣⴰⵏ ⵖⴻⴼ ⵍⴻⵣⵣⴰⵢⴻⵔ ⵙ ⵓⵏⴻⵄⵔⵓⴹ ⵙⵖⵓⵔ ⵓⵏⴰⴱⴰⴹ (ⵃⵓⴽⵓⵎⴰ).

« ⵢⴻⵍⵍⴰ-ⴷ ⵡⴻⵎⵢⴰⴳⴻⵔ-ⴰ ⵖⴻⴼ ⵜⴻⴳⵏⵉⵜ ⵏ ⵜⴷⴰⵡⵙⴰ ⴷⴻⴳ ⵍⴻⵣⵣⴰⵢⴻⵔ. ⵙⵙⵓⴽⴽⴻⵏ-ⴷ ⵜⵉⵟ, ⵙⵉⵏ-ⴰ ⵏ ⵢⵉⴷⵉⵙⴰⵏ, ⵖⴻⴼ ⵜⵙⴻⵎⵎⴻⵙⴽⴰⵍ (ⵉⵚⵍⴰⵃⴰⵜ) ⵜⵉⴳⴻⵊⴷⴰⵏⵉⵏ ⴰⵢ ⴷ-ⵜⴻⴱⴷⴰ ⵍⴻⵣⵣⴰⵢⴻⵔ ⵙ ⵕⵕⴰⵢ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵍⴰⴷⵖⴰ ⵜⴰⵎⴻⵏⴹⴰⵡⵜ ⴰⵢ ⵢⴻⵜⵜⵡⴰⵛⴻⴳⴳⵔⴻⵏ (ⵕⵓⴵⵉⵄⴰⵜ) ⴰⵢⴷⴻⴳ ⵜⵜⵓⵏⴻⴼⴽⴻⵏ ⵓⴳⴰⵔ ⵏ ⵢⵉⵣⴻⵔⴼⴰⵏ ⵉ ⵢⴻⵎⴷⴰⵏⴻⵏ ⴷ ⵜⵎⴰⵣⴷⴰⵢⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ ⵏ ⵡⴻⴳⵔⴰⵡ.

ⵜⴻⵏⵏⴰ-ⴷ ⵎⴰⵙⵙⴰ ⴷⴰⵍⵉⴰ ⴷⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⵙⵙⴻⵃⴱⵉⴱⵉⵔ ⵖⴻⴼ « ⵢⵉⵣⴻⵔⴼⴰⵏ ⵏ ⵢⵉⵖⴻⵔⵎⴰⵏⴻⵏ ⵉ ⵓⴷⴰⵡⵉ ⴷ ⵡⴻⴱⴷⴰⴷ ⴰⴷ ⴰⵙⴻⵏ-ⵢⴻⴱⴷⴻⴷ ⵓⵡⴰⵏⴰⴽ, ⵍⴰⴷⵖⴰ ⵙⴻⴳ ⵢⵉⴷⵉⵙ ⵏ ⵓⵃⴻⵣⵣⴻⴱ ⴷ ⵢⵉⵎⴻⵏⵖⵉ ⵎⴳⴰⵍ ⵡⴰⴹⴹⴰⵏⴻⵏ ⵉⵣⴻⵔⵔⵄⴻⵏ ⴷ ⵡⵉⴷ ⵉⵏⴻⵟⵟⴹⴻⵏ », ⵖⴻⴼ ⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.

ⵏⵏⵉⴳ ⵡⴰⵢⴰ, ⵜⵇⴻⴷⴷⴻⵎ-ⴷ ⴷⴰⵖ ⵎⴰⵙⵙⴰ ⴷⴰⵍⵉⴰ « ⵉⵖⴰⵡⴰⵙⴻⵏ (ⵎⵓⵅⴰⵟⵟⴰⵟⴰⵜ) ⵉⵃⵔⵉⵛⴰⵏⴻⵏ ⵉⴳⴻⵊⴷⴰⵏⴻⵏ ⴰⵢ ⴷ-ⵜⴻⴱⴷⴰ ⵍⴷⵣⴰⵢⴻⵔ ⴰⵎ ⵓⵖⴰⵡⴰⵙ ⴰⵖⴻⵍⵏⴰⵡ ⴰⵙⵓⴷⴷⵙⴰⵏ ⵏ ⵢⵉⵎⴻⵏⵖⵉ ⵎⴳⴰⵍ ⵢⵉⵙⴻⴽⴽⵉⵔⴻⵏ ⵏ ⵡⴰⴹⴹⴰⵏⴻⵏ ⵉⵏⴰⵍⵍⵉⵢⴻⵏ (2015-2018) ⴷ ⵓⵖⴰⵡⴰⵙ ⴰⵖⴻⵍⵏⴰⵡ ⵏ ⵢⵉⵎⴻⵏⵖⵉ ⵎⴳⴰⵍ ⵓⴽⴻⵏⵙⵉⵔ (2015-2019).

ⵎⴰ ⴷ ⴰⵎⴰⵣⴰⵏ (ⵏⴰ’ⵉⴱ) ⴽⴰⵎⴻⵍ ⴰⴱⴰⵣⵉ, ⵢⴻⵙⵙⴰⵡⴻⵍ-ⴷ ⵖⴻⴼ ⵜⴻⴳⵏⵉⵜ ⵏ ⵜⴷⴰⵡⵙⴰ ⴷⴻⴳ ⵜⵡⵉⵍⴰⵢⵉⵏ ⵏ ⵡⴻⵏⵥⵓⵍ (ⴵⴰⵏⵓⴱ) ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵡⵉⵍⴰⵢⵉⵏ-ⴰ ⵙⵄⴰⵏⵜ, ⵉⵎⵉⵔ-ⴰ, ⵉⵙⴱⵉⵟⴰⵔⴻⵏ ⵉⵙⴷⴰⵡⴰⵏⴻⵏ ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵢⵉⵎⴻⵥⵍⴰ ⵉⴷⴰⵡⵙⴰⵏⴻⵏ ⵏ ⵜⵖⴰⵔⴰ ⴷⴻⴳ ⵓⴽⴰⵜⴰⵔ ⵏ ⵜⵏⴻⴼⵍⵉⵜ ⵜⵓⵏⵣⵉⴳⵜ ⵢⴻⵔⵏⵓ ⵙ ⵓⵇⴰⴷⴻⵔ ⵏ ⵍⴻⵡⵚⴰⵢⴰⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.