ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵜⴰⵡⴰ ⵏ ⵓⵙⵙⵉⴽⵏⴻⵡ ⴷ ⵢⴻⵙⴱⵉⵟⴰⵔⴻⵏ ⵉⵎⴰⵔⵉⴽⴰⵏⵉⵢⴻⵏ ⵉ ⵓⴷⴰⵡⵉ ⵏ ⵢⵉⵎⵓⴹⵉⵏⴻⵏ (ⴰⵏⴻⵖⵍⴰⴼ)

ⵡⴻⵀⵕⴰⵏ– ⴰⵡⴰⵏⴰⴽ (ⴷⴰⵡⵍⴰ) ⵍⴰ ⵢⴻⵙⵙⴻⴼⵄⴰⵍ ⵉⵎⵜⴰⵡⴰⵢⴻⵏ ⵏ ⵓⵙⵙⵉⴽⵏⴻⵡ ⴳⴰⵔ ⵢⴻⵙⴱⵉⵟⴰⵔⴻⵏ ⵉⴷⵣⴰⵢⵔⵉⵢⴻⵏ ⴷ ⵢⴻⵙⴱⵉⵟⴰⵔⴻⵏ ⵉⵎⴰⵔⵉⴽⴰⵏⵉⵢⴻⵏ ⵉ ⵓⴷⴰⵡⵉ ⵏ ⵢⵉⵎⵓⴹⵉⵏⴻⵏ ⵉⴷⵣⴰⵢⵔⵉⵢⴻⵏ ⴷⴰ, ⴷⴻⴳ ⵍⴻⵣⵣⴰⵢⴻⵔ, ⵍⴰⴷⵖⴰ ⴷⴻⴳ ⵓⵛⴻⵍⵍⴻⵃ ⵏ ⵡⵓⵍ ⴷ ⵢⵉⵥⵓⵔⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵡⴻⵀⵕⴰⵏ, ⵓⵏⴻⵖⵍⴰⴼ ⵏ ⵜⴷⴰⵡⵙⴰ (ⵚⵉⵃⵃⴰ), ⴰⴱⴷⴻⵍⵎⴰⵍⴻⴽ ⴱⵧⵓⴷⵉⴰⴼ.

ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ ⵜⵖⴻⵎⵙⴰ ⴰⵢ ⵉⴳⴰ ⵖⴻⵔ ⵢⵉⴷⵉⵙ ⵏ ⵓⵏⴻⵖⵍⴰⴼ ⵏ ⵓⵎⴰⵀⵉⵍ (ⵄⴰⵎⴰⵍ), ⵎⵧⵀⴰⵎⴻⴷ ⴳⵀⴰⵣⵉ, ⴷⴻⴳ ⵢⵉⵊⵉⴼⴻⵕ ⵏ ⵡⴻⵔⵥⴰⵎ ⵏ ⵡⴻⵙⵡⵉⵔ ⵡⵉⵙ 16 ⵏ ⵡⴻⵙⵔⵉⵔ ⵏ ⵢⴻⵎⵙⵓⵊⵊⵉⵢⴻⵏ ⵏ ⵡⵓⵍ, ⵢⴻⵏⵏⴰ-ⴷ ⴰⴱⴷⴻⵍⵎⴰⵍⴻⴽ ⴱⵧⵓⴷⵉⴰⴼ ⴷⴰⴽⴽⴻⵏ ⵢⴻⵍⵍⴰ-ⴷ ⵢⴰⴳⵉ ⵓⵙⵙⵉⴽⵏⴻⵡ ⴰⵎⴻⵣⵡⴰⵔⵓ ⴳⴰⵔ ⵡⴻⵙⴱⵉⵟⴰⵔ ⵏ ⵍⴻⵎⴷⴻⵢⵢⴰ ⴷ ⵢⴻⵎⵙⵓⵊⵊⵉⵢⴻⵏ ⵉⵎⴰⵔⵉⴽⴰⵏⵉⵢⴻⵏ.

ⴷⴻⴳ ⵓⴽⴰⵜⴰⵔ-ⴰ, 36 ⵏ ⵜⵎⴻⵀⵍⵉⵏ (ⵄⴰⵎⴰⵍⵉⵢⵢⴰⵜ) ⴰⵢ ⴳⴰⵏ ⵉ ⵢⵉⵎⵓⴹⵉⵏⴻⵏ ⵉⴷⵣⴰⵢⵔⵉⵢⴻⵏ ⵢⴻⵙⵄⴰⵏ ⴰⴹⴹⴰⵏⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵡⵓⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵙⵙ-ⴰ ⵢⴻⵡⵡⴻⴹ-ⴷ ⵡⴰⴽⵓⴷ ⵉ ⵓⵙⵙⵉⴽⵏⴻⵡ ⵏ ⵜⵎⴻⵣⵣⵓⴳⵉⵏ (ⵉⵅⵜⵉⵚⴰⵚⴰⵜ) ⵜⵉⵙⵏⴰⵊⵢⴰⵏⵉⵏ ⵏⵉⴹⴻⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵛⴻⵍⵍⴻⵃ ⵏ ⵡⵓⵍ ⵉ ⵓⴷⴰⵡⵉ ⵏ ⵢⵉⴳⴻⵔⴷⴰⵏ ⵉⵎⵉ ⴰⵢ ⵅⵓⵚⵚⴻⵏ ⵢⴻⵎⵛⴻⵍⵍⵃⴻⵏ ⵏ ⵡⵓⵍ ⴷ ⵢⵉⵥⵓⵔⴰⵏ ⵏ ⵢⵉⴳⴻⵔⴷⴰⵏ ⴷⴻⴳ ⵍⴷⵣⴰⵢⴻⵔ.

« ⵢⴻⵍⵍⴰ ⵣⵉⴽ ⵡⵓⴳⵓⵔ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⴷⴻⴳ ⵡⴻⵏⵔⴰⵔ-ⴰ, ⵎⴰⵛⴰ ⴰⵜⴰⵏ ⵍⴰ ⵉⴼⴻⵔⵔⵓ ⵉⵎⵉⵔ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⵢⴻⵔⵏⵓ ⵜⵉⴼⵔⴰⵜ-ⴰ ⵜⴻⵍⵍⴰ-ⴷ ⵙ ⵡⴰⵣⵣⵓⵏ ⵏ ⵢⴻⵎⵙⵓⵊⵊⵉⵢⴻⵏ ⵉⴷⵣⴰⵢⵔⵉⵢⴻⵏ ⵖⴻⵔ ⵡⴻⵣⵖⴰⵔ ⴰⴽⴽⴻⵏ ⴰⴷ ⴷ-ⴽⴻⵙⴱⴻⵏ ⵜⵉⵜⵡⵉⵍⵉⵏ (ⵜⵉⵇⵏⵉⵢⵢⴰⵜ) ⵉ ⵓⵛⴻⵍⵍⴻⵃ ⵏ ⵡⵓⵍ ⵉ ⵓⴷⴰⵡⵉ ⵏ ⵢⵉⴳⴻⵔⴷⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⴱⴷⴻⵍⵎⴰⵍⴻⴽ ⴱⵧⵓⴷⵉⴰⴼ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵍⵀⵓ ⵏ ⵡⴻⵙⵡⵉⵔ ⵏ ⵜⴷⴰⵡⵙⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵢⴰ ⴰⴷ ⵢⴻⴱⴷⵓ ⴰⴷ ⵢⴻⵜⵜⵡⴰⵙⵙⴻⴼⵄⴰⵍ 8 ⵏ ⵡⴰⵢⵢⵓⵔⴻⵏ ⴷⴻⴼⴼⵉⵔ ⵡⴻⵙⵄⴻⴷⴷⵉ ⵏ ⵍⵇⴰⵏⵓⵏ ⴰⵎⴰⵢⵏⵓ ⵏ ⵜⴷⴰⵡⵙⴰ.