Asebter amenzawi

Talɣuɣa Taɛṛabt n Tatlitit n yilemẓiyen n Tlemsan: tazalɣi n wureɣ i Lezzayer

TLEMSAN– Yerbeḥ-d Udzayri Mohammed Yasser Triki, ass n ssebt tameddit, tazalɣi n wureɣ deg uneggez awekraḍ (tulati) deg Telɣuɣa Taɛṛabt tis 17 n Tatlitit n Yilemẓiyen ay d-yellan deg usuddis (murakkab) n tatlitit deg wegni n Lalla Setti, deg Tlemsan.

Anaddal-a adzayri yessaweḍ ad ineggez 16,01 n lmitrat yernu yerẓa, s waya, aklis aɣelnaw, am wakken ay t-yeǧǧa waya ad iɛeddi ɣer telɣuɣa n umaḍal n tatlilit n yilemẓiyen ad d-yilin deg Pulunya, ɣef leḥsab n yemsuddsen (munaḍḍimin).

Terbeḥ-d Lezzayer yago tazalɣi n weẓref deg temsizzelt s wemyexlaf n 4x100 n lmitrat, 3 n tzalɣiwin n webṛunz deg temsizzelt n 3.000 n lmitrat (Hassini Yasminan), azelli n tefḍist (Khalloufi Chahrazed) d temsizzelt n 3000 n lmitrat n teqcicin (Belbey Katia).

S tzalɣiwin-a timaynutin, Ldzayer tesɛa ajemmal n 24 n tzalɣiwin gar-asent 4 n wureɣ, 9 n weẓref d 11 n webṛunz.