Asebter amenzawi

Tamsalt taṣeḥrawit d tamsalt n tuḍḍfa n wakal d tukksa n ussehres (imttekkiyen)

LEZZAYER TAMANEɣT– Tamsalt n Uneẓruf Utrim d tamsalt n tuḍḍfa n wakal d tukksa n ussehres (istiɛmar), ɣef wakken ay d-wekkden yemttekkiyen deg yiwen n wass n temsetlelt (taḍamun) d weɣref aṣeḥrawi ay d-yellan ass n ssebt deg Lezzayer Tamaneɣt.

Tagnit tamirant deg Uneẓruf Utrim tuɣal d « tuggza » (tahdid) n tidet ɣef tɣellist d werkad deg temnaḍt, dɣa ɣef waya ay yessefk ad d-yaf Useqqamu n Tɣellist, war leɛḍil, tifrat tuɣdimt ad yefrun taluft-a i lebda s ussuddes n tsefrant n ugguccelman, ɣef wakken ay d-nnan yemttekkiyen.

Deg wemyager-a n temsetlelt d weɣref aṣeḥrawi ay d-yessuddes ukabar n Tajamaoue Amel El-Djazair (TAJ) deg ukatar n wesfugel n umulli wis 71 n tedyanin n 8 Mayu 1945, s weḥdaṛ n wenmahal (safir) aṣeḥrawi deg Lezzayer Tamaneɣt, yenna-d Mass Amar Ghoul, aselway n ukabar-a, dakken tamsalt taṣeḥrawit d « tamsalt n tuḍḍfa n wakal d tukksa n ussehres », am wakken ay d-iwekked dakken tagnit tamirant tezmer ad tesswaɣ s tidet arkad n temnaḍt.

S waya, iger-d tamawt i tukci n wazal n tidet i temsalt-a yerzan tamnaḍt s lekmal-nnes, yernu iɛeyyen-d dakken yessefk ad teḥbes taɣert n yiɣef deg temsalt-a, ladɣa imi aya yettili-d s werkaḍ n yizerfan n wemdan n Yiṣeḥrawiyen, yernu ma tkemmel akka, aya yezmer ad yesṭerḍeq tagnit deg Tefriqt.

I lmend n waya, iger-d Mass Ghoul tiɣri i « uwanak (dawla), aɣref, tadɣert (nuxba) d yimasnagen n Meṛṛuk akken ad sqenɛen imḍebbren-nsen ad ǧǧen asenfar-a n ussemɣer n tuḍḍfa n Uneẓruf Utrim yernu ad ḥebsen tiddit-a ay izemren ad tesṭerḍeq tamnaḍt ».