ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

Amesni s uɣerrabu gar Uẓeffun d Lezzayer seg unebdu-a d asawen

ⴰⵎⴻⵙⵏⵉ ⵙ ⵓⵖⴻⵔⵔⴰⴱⵓ ⴳⴰⵔ ⵓⵥⴻⴼⴼⵓⵏ ⴷ ⵍⴻⵣⵣⴰⵢⴻⵔ ⵙⴻⴳ ⵓⵏⴻⴱⴷⵓ-ⴰ ⴷ ⴰⵙⴰⵡⴻⵏ ⵜⵉⵣⵉ ⵡⴻⵣⵣⵓ – ⴰⴷ ⵢⴻⴱⴷⵓ ⵓⵎⴻⵙⵏⵉ (ⵏⴰⵇⵍ) ⵏ ⵢⴻⵎⵙⵉⴽⵍⴻⵏ ⵙ ⵓⵖⴻⵔⵔⴰⴱⵓ ⴳⴰⵔ ⵓⵥⴻⴼⴼⵓⵏ ⴷ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵙⴻⴳ « ⵓⵏⴻⴱⴷⵓ-ⴰ » ⴷ ⴰⵙⴰⵡⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵏⴻⵎⵀⴰⵍ (ⵎⵓⴷⵉⵔ) ⴰⵎⴰⵜⵓ ⵏ ⵜⴻⵕⵎⵉⵙⵜ ⵏ ⵓⵙⵙⴻⴼⵔⴻⴽ ⵏ ⵢⵉⵙⵓⴳⴰⵏ ⵏ ⵡⴻⴳⵎⴰⵔ ⵏ ⴱⴳⴰⵢⴻⵜ (ⴻⴳⵒⵒ).

ⵖⴻⴼ ⵍⴻⵃⵙⴰⴱ ⵏ ⴱⴻⵏⴰⵍⵉ ⴱⴰⴷⵔⵉ, ⴰⵢ ⵏⴻⵎⵍⴰⵍ ⴷⴻⴳ ⵓⵙⴰⴳⴻⵏ (ⵎⵉⵏⴰ’) ⵏ ⵓⵥⴻⴼⴼⵓⵏ, ⴰⵖⴻⵔⵔⴰⴱⵓ ⵏ ⵜⴻⵎⵔⴰⵔⴰⵢⵜ ⴳⴰⵔ ⴱⴳⴰⵢⴻⵜ ⴷ ⵍⴻⵣⵣⴰⵢⴻⵔ ⵜⴰⵍⴻⵎⵎⴰⵙⵜ ⴰⵢ ⵢⴻⴱⴷⴰⵏ ⵢⴻⵙⵙⴰⵡⴰⴹ ⵎⴻⴷⴷⴻⵏ ⴽⵔⴰ ⵏ ⵡⴰⵢⵢⵓⵔⴻⵏ ⴰⵢⴰ, ⴰⴷ ⵢⵓⵖⴰⵍ ⴰⴷ ⵉⵃⴻⴱⴱⴻⵙ ⴷⴻⴳ ⵓⵙⴰⴳⴻⵏ ⵏ ⵓⵥⴻⴼⴼⵓⵏ ⴰⴽⴽⴻⵏ ⴰⴷ ⵜⵜⴻⴷⴷⵓⵏ ⴷⴻⴳ-ⵙ ⵎⴻⴷⴷⴻⵏ ⵖⴻⵔ ⵜⵎⴰⵏⴻⵖⵜ.

« ⵏⴻⵎⵙⴻⴼⵀⴰⵎ ⴷ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵙⵏⵉ ⴰⵡⵍⴰⵍ ⵢⴻⵔⵏⵓ ⵏⴻⴼⵔⴰ ⵢⵉⴷ-ⵙⴻⵏ ⵓⴳⵓⵔⴻⵏ ⵉⵜⵡⵉⵍⴰⵏⴻⵏ ⵢⴻⵇⵇⵏⴻⵏ, ⵍⴰⴷⵖⴰ, ⵖⴻⵔ ⵡⴰⴷⴰⴼ ⴷ ⵡⴻⵃⴱⴰⵙ ⵏ ⵓⵖⴻⵔⵔⴰⴱⴻⵏ ⴷⴻⴳ ⵓⵙⴰⴳⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.