Asebter amenzawi

Amesni s uɣerrabu gar Uẓeffun d Lezzayer seg unebdu-a d asawen

TIZI WEZZU – Ad yebdu umesni (naql) n yemsiklen s uɣerrabu gar Uẓeffun d Lezzayer Tamaneɣt seg « unebdu-a » d asawen, ɣef wakken ay aɣ-d-yenna unemhal (mudir) amatu n Teṛmist n Ussefrek n Yisugan n Wegmar n Bgayet (EGPP).

ɣef leḥsab n Benali Badri, ay nemlal deg usagen (mina’) n Uẓeffun, aɣerrabu n temrarayt gar Bgayet d Lezzayer Talemmast ay yebdan yessawaḍ medden kra n wayyuren aya, ad yuɣal ad iḥebbes deg usagen n Uẓeffun akken ad tteddun deg-s medden ɣer tmaneɣt.

« Nemsefham d Teṛmist Taɣelnawt n Umesni Awlal yernu nefra yid-sen uguren itwilanen yeqqnen, ladɣa, ɣer wadaf d weḥbas n uɣerraben deg usagen », ɣef wakken ay d-yenna.