ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⵖⵍⵉ ⵢⵉⵡⴻⵜ ⵏ ⵜⴽⴻⵔⵔⵓⵙⵜ ⵙ ⴰⵙⵉⴼ ⵏ ⵍⵃⴻⵔⵔⴰⵛ : ⵢⴻⵎⵎⵓⵜ ⵢⵉⵡⴻⵏ, 9 ⴷ ⵉⵎⴻⵊⵔⴰⵃ (ⴰⵎⴻⵙⵜⴻⵏ ⴰⵖⴰⵔⵉⵎ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵖⵍⵉ-ⴷ ⵢⵉⵡⴻⵜ ⵏ ⵜⴽⴻⵔⵔⵓⵙⵜ ⴰⵣⵓⵏ 4ⵅ4, ⵙⴻⴳ ⵜⴻⵃⵏⵓⵛⵛⴻⴹ, ⵙⴻⴳ ⵜⵇⴻⵏⵟⴻⵔⵜ ⵢⴻⵍⵍⴰⵏ ⵏⵏⵉⴳ ⵡⴰⵙⵉⴼ ⵏ ⵍⵃⴻⵔⵔⴰⵛ, ⵖⴻⵔ ⵢⵉⴷⵉⵙ ⵏ ⵜⴻⴼⵜⵉⵙⵜ ⵏ ’’ⵙⴰⴱⵍⴻⵜⵜⴻⵙ’’ ⵜⴻⴳⵍⴰ-ⴷ ⵙ ⵜⵎⴻⵜⵜⴰⵏⵜ ⵏ ⵢⵉⵡⴻⵏ ⵏ ⵓⵎⴷⴰⵏ (ⴰⵏⴻⵀⵀⴰⵔ) ⴰⴽⴽⴻⴷ 9 ⵉⵎⴻⵊⵔⴰⵃ, ⴳⴰⵔ ⵛⵡⵉⵟ ⴰⴽⴽⴻⴷ ⵡⴰⵟⴰⵙ, ⵙⴻⴳ ⵢⴻⵎⵙⵓⴽⴽⵙⴻⵏ-ⵏⵏⵉ ⵉⵄⴻⵔⴹⴻⵏ ⴰⴷ ⵙⵙⵓⴽⵙⴻⵏ ⴰⵎⴷⴰⵏ-ⵏⵏⵉ, ⵉ ⴰⵖ-ⴷ-ⵢⴻⵏⵏⴰ ⵓⵎⴻⵙⵜⴻⵏ ⴰⵖⴰⵔⵉⵎ.

ⴰⴼⴻⵙⵢⴰⵏ ⴱⴻⵏⴽⵀⴰⵍⴼⴰⵍⵍⴰⵀ ⴽⵀⴰⵍⴻⴷ, ⵏ ⵓⴷⴻⴼⵔⵉⵔ ⵏ ⵜⴻⵖⵡⴰⵍⵜ ⵏ ⵜⵎⴻⵀⵍⴰ ⵏ ⵜⵡⵉⵍⴰⵢⵜ ⵏ ⵓⵎⴻⵙⵜⴻⵏ ⴰⵖⴰⵔⵉⵎ ⵢⴻⵏⵏⴰ-ⴷ ⵉ ⵜⵏⴻⴳⴳⴰ (ⴰⵒⵙ) ⴷⴰⴽⴽⴻⵏ ⴰⵙⴻⵀⵡⵓ-ⴰ ⵢⴻⴹⵔⴰ-ⴷ ⵖⴻⴼ ⵜⴰⵎⴻⵔⵜ (ⵜⴰⵙⴰⵄⴻⵜ) ⵜⵉⵙ 11 ⴷ 15 ⵜⵎⵉⴽⵉⵏ (ⵜⵉⴷⵇⵉⵇⵉⵏ) ⴷⴻⴳ ⵓⴱⵔⵉⴷ ⴰⵎⴻⵇⵇⵔⴰⵏ ⵉⵛⵓⴷⴷⴻⵏ ⴷⴷⴰⵔ ⵍⴱⴻⵢⴹⴰ ⵖⴻⵔ ⵍⴻⵣⵣⴰⵢⴻⵔ ⵜⴰⵍⴻⵎⵎⴰⵙⵜ. ⵡⵡⵉⵏ ⴰⵏⴻⵀⵀⴰⵔ, ⵢⴻⵚⵔⴰ, ⵖⴻⵔ ⵙⴱⵉⵟⴰⵔ ⵣⴻⵎⵉⵔⵍⵉ ⴰⵏⴷⴰ ⵢⴻⵡⵡⴻⴹ ⵍⴻⵄⴼⵓ ⵏ ⵔⴻⴱⴱⵉ, ⵉ ⴰⵖ-ⴷ-ⵏⵏⴰⵏ.

9 ⵉⵎⴻⵊⵔⴰ-ⵏⵏⵉ ⵡⵡⵉⵏ-ⵜⴻⵏ ⵖⴻⵔ ⵚⴱⵉⵟⴰⵔ ⵏ ⴱⴻⵏⴽⵀⴰⵍⴼⴰⵍⵍⴰⵀ. ⵎⴰⵣⴰⵍ ⵜⴰⵎⵣⴻⵍⵜ ⵏ ⵓⵏⴰⴷⵉ ⵖⴻⴼ ⵓⵎⴷⴰⵏ ⵡⵉⵙ ⵙⵉⵏ, ⵉⴷⴻⴳ ⵏⵛⵓⴽ ⴰⴷ ⵢⵉⵍⵉ ⵢⴻⴷⴷⴰ-ⴷ ⴰⴽⴽⴻⴷ ⵓⵏⴻⵀⵀⴰⵔ, ⵜⴻⵜⵜⴻⴷⴷⵓ.

ⵏⵛⵓⴽ ⴷⴰⴽⴽⴻⵏ ⴰⴷ ⵢⵉⵍⵉ ⵢⴻⵍⵍⴰ ⵡⴻⵎⴷⴰⵏ ⵏⵏⵉⴹⴻⵏ ⵉ ⴷ-ⵢⴻⴷⴷⴰⵏ ⴰⴽⴽⴻⴷ ⵓⵏⴻⵀⵀⴰⵔ, ⵓⵍⴰⵛ ⵡⵉⵏ ⵉ ⴷ-ⵉⵜⴻⴱⵜⴻⵏ ⴰⵢⴰ ⴰⵛⴽⵓ ⵎⵉ ⴷ-ⵏⴻⵙⵙⵓⴽⴻⵙ ⵙⴻⴳ ⵡⴰⵙⵉⴼ ⴰⵏⴻⵀⵀⴰⵔ-ⵏⵏⵉ ⵢⴻⵍⵍⴰ ⵢⴻⵚⵔⴰ, ⵉ ⴷ-ⵢⴻⵏⵏⴰ ⵓⴼⴻⵙⵢⴰⵏ ⴱⴻⵏⴽⵀⴰⵍⴼⴰⵍⵍⴰⵀ.