ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
« ⵓⵔ ⵏⴻⵜⵜⴰⴵⴵⴰ ⵢⵉⵡⴻⵏ ⴰⴷ ⴷ-ⵢⴻⵔⵔ ⵛⵛⴻⴽ ⴷⴻⴳ ⵜⵣⴻⵎⵎⴰⵔ-ⵏⵏⴻⵖ » ⴷⴻⴳ ⵓⵎⵎⴰⴳⴻⵔ ⵏ ⵢⵉⵎⵉⵏⵉⴳⴻⵏ ⵉⴼⵔⵉⵇⵉⵢⴻⵏ (ⴱⴻⴷⵧⵓⵉ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ ⵍⴻⵣⵣⴰⵢⴻⵔ « ⵓⵔ ⵜⴻⵜⵜⴰⴵⴵⴰ ⵢⵉⵡⴻⵏ ⴰⴷ ⴷ-ⵢⴻⵔⵔ ⵛⵛⴻⴽ » ⴷⴻⴳ ⵜⵣⴻⵎⵎⴰⵔ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⵙⴻⴼⵔⴻⴽ ⵏ ⵜⴻⵎⵙⴰⵍⵜ ⵏ ⵢⵉⵎⵉⵏⵉⴳⴻⵏ ⵉⴼⵔⵉⵇⵉⵢⴻⵏ ⴰⵢ ⵢⴻⵃⵡⴰⵊⴻⵏ ⵍⴻⵎⵄⴰⵡⵏⴰ.
ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵏ ⵏ ⵓⵏⴻⵙⴽⵉⵏ (ⵄⴰⵔⴹ) ⴰⵢ ⴷ-ⵢⴻⵜⵜⵡⴰⵇⴻⴷⴷⵎⴻⵏ ⵉ ⵜⴻⵙⵎⵉⵍⵜ ⵏ ⵜⴻⴷⵔⵉⵎⵜ ⴷ ⵓⵎⴰⵔⵓⴷ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵙ ⵡⴻⵃⴷⴰⵕ ⵏ ⵓⵏⴻⵖⵍⴰⴼ ⵏ ⵡⴰⵙⵙⴰⵖⴻⵏ ⴷ ⵡⴻⵎⵏⵉ (ⴱⴰⵔⵍⴰⵎⴰⵏ), ⵜⴰⵀⴰⵔ ⴽⵀⴰⵧⵓⴰ, ⵉ ⵍⵎⴻⵏⴷ ⵏ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵍⵇⴰⵏⵓⵏ ⵏ ⵡⴻⵙⵍⴰⴳⴰⵏ ⴰⵎⴰⵔⵓⴷⴰⵏ ⵏ 2013, ⵢⴻⵏⵏⴰ-ⴷ ⵎⴰⵙⵙ ⴱⴻⴷⵧⵓⵉ ⴷⴰⴽⴽⴻⵏ ⵍⴻⵣⵣⴰⵢⴻⵔ « ⵍⴰ ⵜⴻⵜⵜⵎⴰⴳⴰⵔ ⵉⵖⴻⵔⵎⴰⵏⴻⵏ ⵉⴼⵔⵉⵇⵉⵢⴻⵏ ⵙ ⵢⵉⵙⴻⵎ-ⵏⵙⴻⵏ ⴷ ⵉⵏⴻⴱⴳⵉⵡⴻⵏ ⵢⴻⵔⵏⵓ ⵢⴻⵍⵍⴰ ⵡⴰⵢⴰ ⴷ ⵜⵉⵎⴻⵔⵡⵉⵏ ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵉⵎⵉ ⴰⵢ ⵢⴻⵥⵥⴰ ⵡⴰⵢⴰ ⴷⴻⴳ ⵡⴰⵣⴰⵍⴻⵏ ⵏ ⵡⴻⵖⵔⴻⴼ ⴰⴷⵣⴰⵢⵔⵉ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⵓⵍⴰ ⴷ ⵢⵉⵡⴻⵏ ⵙⴻⴳ ⵢⵉⵏⴻⴱⴳⵉⵡⴻⵏ-ⴰ ⵓⵔ ⵢⴻⴼⴼⵉⵍ ⵉ ⵜⵍⵉⵙⴰ ⵜⵉⵣⴻⵡⵡⴰⵖⵉⵏ » ⵢⴻⵔⵏⵓ ⵉⵎⴷⴰⵏⴻⵏ-ⴰ ⵃⵡⴰⵊⴻⵏ ⵍⴻⵎⵄⴰⵡⵏⴰ.
« ⵓⵔ ⵏⴻⵜⵜⴰⴵⴵⴰ ⵢⵉⵡⴻⵏ ⴰⴷ ⴷ-ⵢⴻⵔⵔ ⵛⵛⴻⴽ ⴷⴻⴳ ⵜⵣⴻⵎⵎⴰⵔ-ⵏⵏⴻⵖ ⴷⴻⴳ ⵓⵙⵙⴻⴼⵔⴻⴽ ⵏ ⵜⴻⵎⵙⴰⵍⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.
ⵢⴻⵔⵔⴰ ⵓⵏⴻⵖⵍⴰⴼ ⵜⴰⵊⵎⵉⵍⵜ ⵉ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⴰⴽⴽⴻⵏ ⴰⴷ ⵜⴻⵃⵔⴻⵣ ⵜⴰⵖⴻⵍⵍⵉⵙⵜ (ⴰⵎⵏ) ⴷ ⵡⴻⵔⴽⴰⴷ ⵢⴻⵔⵏⵓ ⴰⴷ ⵜⵃⵓⴷⴷ ⵜⵉⵍⵉⵙⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵍⴻⵣⵣⴰⵢⴻⵔ « ⵍⴰ ⵜⴻⵜⵜⴻⴽⴽ ⵖⴻⴼ ⵢⵉⵡⴻⵜ ⵏ ⵜⴻⴳⵏⵉⵜ ⴷ ⵜⴰⵡⴻⵄⵕⴰⵏⵜ ⵙⴻⴳ ⵢⵉⴷⵉⵙ ⵏ ⵜⵖⴻⵍⵍⵉⵙⵜ, ⴷ ⵜⴰⴳⵏⵉⵜ ⴰⵢ ⵢⴻⵃⵡⴰⵊⴻⵏ ⵜⴰⵎⵙⴻⵜⵍⴻⵍⵜ, ⴰⵣⴷⴰⵢ ⵏ ⵡⵓⵙⵙⵉⵙⴻⵏ ⴷ ⵡⴻⴱⴳⴰⵙ ⵉ ⵓⵃⵓⴷⴷⵓ ⵏ ⵡⴻⵔⴽⴰⴷ » ⵏ ⵜⵎⵓⵔⵜ.
« ⵍⵍⴰⵏⵜ ⵜⵏⴻⵣⵎⴰⵔⵉⵏ (ⵇⵉⵡⴰ) ⵜⵉⵎⴻⵇⵔⴰⵏⵉⵏ (ⵏ ⵓⵎⴰⴹⴰⵍ) ⴰⵢ ⵢⴻⵙⵜⴻⵄⵕⴼⴻⵏ ⵙ ⵜⵣⴻⵎⵎⴰⵔ ⵏ ⵍⴻⵣⵣⴰⵢⴻⵔ ⴷⴻⴳ ⵜⴻⵎⵙⴰⵍⵜ ⵏ ⵜⵖⴻⵍⵍⵉⵙⵜ, ⵏ ⵡⵓⵎⴻⵍ (ⵎⵓⵅⴰⴱⴰⵔⴰⵜ) ⴷ ⵜⴻⵎⵃⴰⴷⴷⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⵍⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ ⵍⴻⵣⵣⴰⵢⴻⵔ « ⵜⴻⵜⵜⴻⴽⴽⴰ ⴷⴻⴳ ⵡⴻⵃⵔⴰⵣ ⵏ ⵜⵖⴻⵍⵍⵉⵙⵜ ⵏ ⵡⴰⵛⵃⴰⵍ ⵏ ⵜⵎⵓⵔⴰ ⵏⵉⴹⴻⵏ ».
