Asebter amenzawi
« Ur nettaǧǧa yiwen ad d-yerr ccek deg tzemmar-nneɣ » deg ummager n yiminigen ifriqiyen (Bedoui)
LEZZAYER TAMANEɣT– Yenna-d uneɣlaf n tɣawsiwin n daxel, Noureddine Bedoui, ass n lḥedd deg Lezzayer Tamaneɣt dakken Lezzayer « ur tettaǧǧa yiwen ad d-yerr ccek » deg tzemmar n Lezzayer deg ussefrek n temsalt n yiminigen ifriqiyen ay yeḥwajen lemɛawna.
Deg yijifeṛ n yiwen n uneskin (ɛarḍ) ay d-yettwaqeddmen i tesmilt n tedrimt d umarud n Wegraw Aɣerfan Aɣelnaw, s weḥdaṛ n uneɣlaf n wassaɣen d wemni (barlaman), Tahar Khaoua, i lmend n ussukku n tiṭ ɣef lqanun n weslagan amarudan n 2013, yenna-d Mass Bedoui dakken Lezzayer « la tettmagar iɣermanen ifriqiyen s yisem-nsen d inebgiwen yernu yella waya d timerwin n yiseggasen aya imi ay yeẓẓa waya deg wazalen n weɣref adzayri », am wakken ay d-yenna dakken « ula d yiwen seg yinebgiwen-a ur yeffil i tlisa tizewwaɣin » yernu imdanen-a ḥwajen lemɛawna.
« Ur nettaǧǧa yiwen ad d-yerr ccek deg tzemmar-nneɣ deg ussefrek n temsalt-a », ɣef wakken ay d-iwekked.
Yerra uneɣlaf tajmilt i wussisen (maǧhudat) n Tredsa Taɣelnawt Taɣerfant akken ad teḥrez taɣellist (amn) d werkad yernu ad tḥudd tilisa, am wakken ay d-yenna dakken Lezzayer « la tettekk ɣef yiwet n tegnit d taweɛṛant seg yidis n tɣellist, d tagnit ay yeḥwajen tamsetlelt, azday n wussisen d webgas i uḥuddu n werkad » n tmurt.
« Llant tnezmarin (qiwa) timeqranin (n umaḍal) ay yesteɛṛfen s tzemmar n Lezzayer deg temsalt n tɣellist, n wumel (muxabarat) d temḥaddit », ɣef wakken ay d-yenna, am wakklen ay d-yesmekti dakken Lezzayer « tettekka deg weḥraz n tɣellist n wacḥal n tmura niḍen ».
