ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⵙⴻⴼⵀⴰⵎⴻⵏⵜ ⵍⴻⵣⵣⴰⵢⴻⵔ ⴷ ⵜⵓⵏⴻⵙ ⴰⴷ ⴷ-ⵙⴱⴻⴷⴷⴻⵏⵜ ⵙⵙⵓⵇ ⵓⵛⵔⵉⴽ ⵉ ⵡⴻⵙⵎⴰⵍ ⵏ ⵙⵙⴻⵍⵄⴰ-ⵏⵙⴻⵏⵜ ⴷⴻⴳ ⵡⴻⵣⵖⴰⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵎⵙⴻⴼⵀⴰⵎⴻⵏ ⵓⵏⴻⵖⵍⴰⴼ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ), ⴱⴰⴽⵀⵜⵉ ⴱⴻⵍⴰⵉⴱ, ⴷ ⵡⴻⵎⵜⵉⵍ-ⵏⵏⴻⵙ ⴰⵜⵓⵏⵙⵉ, ⵎⵧⵀⵙⴻⵏ ⵀⴰⵙⵙⴰⵏ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏ ⵙⵙⵓⵇ ⵓⵛⵔⵉⴽ ⵉ ⵡⴻⵙⵎⴰⵍ (ⵜⴰⵔⵡⵉⴵ) ⵏ ⵙⵙⴻⵍⵄⴰ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴷⴻⴳ ⵡⴻⵣⵖⴰⵔ, ⵍⴰⴷⵖⴰ ⴷⴻⴳ ⵙⵙⵓⵇ ⴰⴼⵔⵉⵇⵉ, ⵢⴻⵔⵏⵓ ⴰⴷ ⴷ-ⵢⵉⵍⵉ ⵡⴰⵢⴰ ⴷⴻⴳ ⵓⴽⴰⵜⴰⵔ ⵏ ⵜⵉⵛⵛⵓⵔⴽⵉⵡⵉⵏ ⵜⵉⴷⴰⵎⵙⴰⵏⵉⵏ.
ⵙⵏⴰⵜ-ⴰ ⵏ ⵜⵎⵓⵔⴰ ⴰⴷ ⵅⴻⴷⵎⴻⵏⵜ ⴰⴽⴽⴻⵏ ⴰⴷ ⵙⴻⵎⵍⴻⵏⵜ ⴰⵙⵙⴰⵖⴻⵏ ⵉⵎⵙⴻⵏⵣⵉⵢⴻⵏ (ⵜⵉⴵⴰⵔⵉⵢⵢⴰ) ⴷ ⵢⵉⴷⴰⵎⵙⴰⵏⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⴼⴰⵣⴻⵏ ⴰⴽⴽⴻⵏ ⴰⵢ ⴼⴰⵣⴻⵏ ⵡⴰⵙⵙⴰⵖⴻⵏ-ⵏⵙⴻⵏⵜ ⵉⵙⴻⵔⵜⴰⵏⴻⵏ, ⵢⴻⵔⵏⵓ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵜⵉⵛⵛⵓⵔⴽⵉⵡⵉⵏ ⴰⴷ ⵢⴻⵙⵙⴻⴼⵜⵉⵏ ⴷⴻⴳ ⵙⵙⵓⵇ ⴰⴼⵔⵉⵇⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵍⴰⵉⴱ ⴷⴻⴳ ⵜⴻⵎⵍⵉⵍⵉⵜ ⵏ ⵜⴻⴷⵡⵉⵍⵜ ⵜⵉⵙ 4 ⵏ ⵜⵙⴻⵇⵇⴰⵎⵓⵜ ⵜⴰⴷⵣⴰⵢⵔⵉⵜ-ⵜⴰⵜⵓⵏⵙⵉⵜ ⵏ ⵡⴻⴹⴼⴰⵔ ⵏ ⵢⴻⵎⴱⴰⴷⴷⵍⴻⵏ ⵉⵎⵙⴻⵏⵣⵉⵢⴻⵏ.
ⵍⴻⵣⵣⴰⵢⴻⵔ ⵍⴰ ⵜⵅⴻⴷⴷⴻⵎ ⴰⴽⴽⴻⵏ ⴰⴷ ⴷ-ⵙⵙⴻⵄⵊⴻⵍ ⴰⵙⵙⴻⴱⴷⴻⴷ ⵏ ⵜⴻⵎⵏⴰⴹⵜ ⵏ ⵡⴻⵎⴱⴰⴷⴷⴻⵍ ⵉⵍⴻⵍⵍⵉ ⴷⴻⴳ ⵜⴻⴼⵔⵉⵇⵜ, ⵢⴻⵔⵏⵓ ⴷ ⴰⵢⴰ ⴰⴷ ⵢⴻⵙⵊⴻⵀⴷⴻⵏ ⴰⵎⵄⴰⵡⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ, ⵢⴻⵔⵏⵓ ⴰⴷ ⵢⴻⵙⵎⴻⵍ ⵙⵙⴻⵍⵄⴰ ⵏ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⴰⵜⵓⵏⵙⵉ ⵏ ⵜⵏⴻⵣⵣⵓⵜ, ⵙⴻⴳ ⵢⵉⴷⵉⵙ-ⵏⵏⴻⵙ, ⵖⴻⴼ ⵜⴻⵍⵇⴰⵢⵜ ⵏ ⵡⴰⵙⵙⴰⵖⴻⵏ ⵉⵙⴻⵔⵜⴰⵏⴻⵏ ⴷ ⵓⵙⵙⴻⵎⵢⵓⴷⴷⴻⵙ ⴰⵖⴻⵍⵍⵉⵙⴰⵏ (ⵜⴰⵏⵙⵉⵇ ⴰⵎⵏⵉ) ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ, ⴷ ⴰⵛⵓ ⴽⴰⵏ ⵢⴻⵙⵃⴰⵙⵙⴻⴼ ⵉⵎⵉ ⵓⵔ ⵜⴻⵍⵍⵉ ⵜⴻⵍⵇⴰⵢⵜ ⴰⵎ ⵜⴰ ⵓⵍⴰ ⴷⴻⴳ ⵡⴰⵙⵙⴰⵖⴻⵏ ⵉⴷⴰⵎⵙⴰⵏⴻⵏ ⴰⵢ ⵉⵛⴻⵔⴽⴻⵏ ⵙⵏⴰⵜ-ⴰ ⵏ ⵜⵎⵓⵔⴰ.
« ⵏⴻⴱⵖⴰ ⵜⵉⵛⵛⵓⵔⴽⴰ ⵏ ⵜⵉⴷⴻⵜ ⴷ ⵍⴻⵣⵣⴰⵢⴻⵔ ⵉ ⵡⴻⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵓⵙⵙⴻⴼⵜⵉ ⵓⵛⵔⵉⴽ ⴷ ⵓⵙⵙⴻⴼⵜⵉ ⴷⴻⴳ ⵍⴻⵙⵡⴰⵇ ⵓⴼⴼⵉⵖⴻⵏ, ⵍⴰⴷⵖⴰ ⵙⵙⵓⵇ ⴰⴼⵔⵉⵇⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.
