Asebter amenzawi

Msefhament Lezzayer d Tunes ad d-sbeddent ssuq ucrik i wesmal n sselɛa-nsent deg wezɣar

LEZZAYER TAMANEɣT– Msefhamen uneɣlaf n tnezzut (tiǧara), Bakhti Belaib, d wemtil-nnes atunsi, Mohsen Hassan, ass n letniyen deg Lezzayer Tamaneɣt, akken ad d-sbedden ssuq ucrik i wesmal (tarwiǧ) n sselɛa n snat-a n tmura deg wezɣar, ladɣa deg ssuq afriqi, yernu ad d-yili waya deg ukatar n ticcurkiwin tidamsanin.

Snat-a n tmura ad xedment akken ad semlent assaɣen imsenziyen (tiǧariyya) d yidamsanen ay yessefken ad fazen akken ay fazen wassaɣen-nsent isertanen, yernu ad d-yili waya s ticcurkiwin ad yesseftin deg ssuq afriqi, ɣef wakken ay d-yenna Mass Belaib deg temlilit n tedwilt tis 4 n Tseqqamut Tadzayrit-Tatunsit n Weḍfar n Yembaddlen Imsenziyen.

Lezzayer la txeddem akken ad d-sseɛjel assebded n temnaḍt n wembaddel ilelli deg Tefriqt, yernu d aya ad yesjehden amɛawen gar Lezzayer d Tunes, yernu ad yesmel sselɛa n snat-a n tmura, ɣef wakken ay d-yenna.

Iwekked-d uneɣlaf atunsi n tnezzut, seg yidis-nnes, ɣef telqayt n wassaɣen isertanen d ussemyuddes aɣellisan (tansiq amni) gar Lezzayer d Tunes deg yimenɣi mgal tremmiɣt, d acu kan yesḥassef imi ur telli telqayt am ta ula deg wassaɣen idamsanen ay icerken snat-a n tmura.

« Nebɣa ticcurka n tidet d Lezzayer i wesnefli (tanmiya) n ussefti ucrik d ussefti deg leswaq uffiɣen, ladɣa ssuq afriqi », ɣef wakken ay d-iwekked.