ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵏⴼⴰⵔ ⵏ ⵜⴼⵉⵍⵉⵏ ⵏ ⵜⵔⵉⵙⵉⵜⵉ ⵏ ⵜⴰⴼⵓⴽⵜ ⵢⴻⵃⵡⴰⵊ ⵜⵜⴰⵡⵉⵍ ⴰⴷ ⴷ-ⵢⴻⵜⵜⵡⴰⵅⴻⴷⵎⴻⵏ ⴷⴻⴳ ⵍⴻⵣⵣⴰⵢⴻⵔ (ⴰⵏⴻⵖⵍⴰⴼ)
ⵙⵉⴷⵉ ⴱⴻⵍⵄⴻⴱⴱⴰⵙ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵥⵡⴻⵔⵜ, ⵙⴰⵍⴰⵀ ⴽⵀⴻⴱⵜⵉ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵙⵉⴷⵉ ⴱⴻⵍⵄⴻⴱⴱⴰⵙ, ⴷⴰⴽⴽⴻⵏ ⴰⵙⴻⵏⴼⴰⵔ ⵏ ⵜⴼⵉⵍⵉⵏ (ⵍⴰⵡⵃⴰⵜ) ⵏ ⵜⵔⵉⵙⵉⵜⵉ ⵏ ⵜⴰⴼⵓⴽⵜ ⴷ ⴰⵣⵉⵜⴰⵍ (ⵟⴰⵎⵓⵃ) ⵢⴻⵔⵏⵓ ⵢⴻⵃⵡⴰⵊ ⵜⵜⴰⵡⵉⵍ ⴰⴷ ⴷ-ⵢⴻⵜⵜⵡⴰⵅⴻⴷⵎⴻⵏ ⴷⴻⴳ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⴷ-ⵜⴻⵙⵙⵉⴳⴻⵔ ⵜⵎⵓⵔⵜ ⵉⴷⵔⵉⵎⴻⵏ ⵢⴻⵔⵏⵓ ⴰⴷ ⴷ-ⵉⵚⴰⵃ ⵓⵅⴻⴷⴷⵉⵎ ⵉ ⵢⵉⴷⵣⴰⵢⵔⵉⵢⴻⵏ.
ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⵉ ⵍⵎⴻⵏⴷ ⵏ ⵜⴻⵔⵣⵉ-ⵏⵏⴻⵙ ⵖⴻⴼ ⵜⵡⵉⵍⴰⵢⵜ-ⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵙⵙⴻⵊⵀⴻⴷ ⵏ ⵢⵉⵙⴻⵏⴼⴰⵔⴻⵏ ⵏ ⵜⵉⴳⴳⵜⵉⵏ (ⵡⴰⵃⴰⴷⴰⵜ) ⵏ ⵜⴻⵥⵡⴻⵔⵜ ⵏ ⵜⴰⴼⵓⴽⵜ ⴷ ⵡⵉⵏ ⴰⴷ ⴷ-ⵢⵉⵍⵉⵏ ⵙ ⵜⵜⴰⵡⵉⵍⴰⵜ ⴰⵢ ⴷ-ⵢⴻⵜⵜⵡⴰⵅⴻⴷⵎⴻⵏ ⴷⴻⴳ ⵜⵎⵓⵔⵜ ⵉⵎⵉ ⴷ ⴰⵢⴰ ⴰⴷ ⴷ-ⵢⴻⵙⵙⵉⴳⵔⴻⵏ ⵉⴷⵔⵉⵎⴻⵏ ⵢⴻⵔⵏⵓ ⴰⴷ ⵢⴻⴵⴵ ⴰⴷ ⴷ-ⵏⵏⵓⵍⴼⵓⵏ ⵓⴳⴰⵔ ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ.
ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⴽⵀⴻⴱⵔⵉ ⴷⴰⴽⴽⴻⵏ ⴰⵅⴷⴰⵎ ⵏ ⵜⴼⵉⵍⵉⵏ ⵏ ⵜⵔⵉⵙⵉⵜⵉ ⵏ ⵜⴰⴼⵓⴽⵜ ⵙ ⵜⵜⴰⵡⵉⵍ ⵢⴻⵍⵍⴰⵏ 100% ⴷ ⴰⴷⵣⴰⵢⵔⵉ ⴷ ⴰⵢⴻⵏ ⴰⴷ ⴷ-ⵢⴻⵙⵏⴻⵇⵙⴻⵏ ⴷⴻⴳ ⵙⵙⵓⵎⴰ ⵏ ⵓⴽⵉⵍⵓⵡⴰⵟ ⵢⴻⵙⵡⴰⵏ, ⴰⵙⵙ-ⴰ, 11 ⵏ ⵢⵉⴷⵉⵏⴰⵕⴻⵏ, ⵍⴰⴷⵖⴰ ⵉⵎⵉ ⵙⵙⵓⵎⴰ-ⴰ ⵖⵍⴰⵢⴻⵏⵜ ⴰⵟⴰⵙ.
ⵉⵡⴻⴽⴽⴻⴷ-ⴷ ⴷⴰⵖ ⵓⵏⴻⵖⵍⴰⴼ ⴷⴰⴽⴽⴻⵏ, ⴰⴽⴽⴻⵏ ⴰⴷ ⴷ-ⵜⵜⵡⴰⵅⴻⴷⵎⴻⵏⵜ ⵜⴼⵉⵍⵉⵏ ⵏ ⵜⵔⵉⵙⵉⵜⵉ ⵏ ⵜⴰⴼⵓⴽⵜ ⴷⴻⴳ ⵍⴻⵣⵣⴰⵢⴻⵔ, ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⵊⵀⴻⴷ ⴷⴰⵖ ⵡⴻⵏⵔⴰⵔ ⵏ ⵓⵏⴰⴷⵉ ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⴷ-ⵉⵍⵉⵏⵜ ⵜⵉⵛⵛⵓⵔⴽⵉⵡⵉⵏ ⴳⴰⵔ ⵜⴻⵕⵎⵉⵙⵉⵏ ⵏ ⵡⴻⵖⵔⴰⴼ (ⵛⴰⵔⵉⴽⴰⵜ ⵜⴰⵚⵏⵉⵄ) ⴷ ⵢⵉⵎⵓⵣⵣⴰⴳ (ⵎⵓⵅⵜⴰⵚⵚⵉⵏ) ⴷⴻⴳ ⵜⴻⵥⵡⴰⵔ ⴷ-ⵢⴻⵜⵜⵓⵖⴰⵍⴻⵏ.
ⵜⴰⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵜⴻⵎⴳⵓⵔⵉⵢⵉⵏ ⵜⵉⵍⵉⴽⵜⵕⵓⵏⴰⵏⵉⵏ (ⴻⵏⵉⴻ) ⵏ ⵙⵉⴷⵉ ⴱⴻⵍⵄⴻⴱⴱⴰⵙ ⴷ ⵜⵉⵏ ⴰⵢ ⵢⴻⵣⵡⴰⵔⴻⵏ ⵖⴻⵔ ⵡⴻⵏⵔⴰⵔ ⴷⴻⴳ ⵡⴻⵖⵔⴰⴼ ⵏ ⵜⴼⵉⵍⵉⵏ ⵏ ⵜⵔⵉⵙⵉⵜⵉ ⵏ ⵜⴰⴼⵓⴽⵜ ⴷⴻⴳ ⵍⴻⵣⵣⴰⵢⴻⵔ, ⵢⴻⵔⵏⵓ ⵜⴻⵣⵎⴻⵔ ⴰⴷ ⵜⴻⵙⵙⴻⵎⵖⴻⵔ ⴰⴼⴰⵔⴻⵙ-ⵏⵏⴻⵙ (ⵉⵏⵜⴰⴵ) ⵙ ⵓⵙⵙⴻⵊⵀⴻⴷ ⵏ ⵜⵉⵛⵛⵓⵔⴽⴰ ⴷ ⵜⴻⵙⴷⴰⵡⵉⵜ ⵏ « ⴷⵊⵉⵍⵍⴰⵍⵉ-ⵍⵉⴰⴱⴻⵙ » ⵏ ⵜⵡⵉⵍⴰⵢⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.
