Asebter amenzawi

Awanak ur la d-yetteg idles wanag la d-yessewjad tagnit iwatan i wesnulfu (aneɣlaf)

SḌIF – Yenna-d uneɣlaf n yedles Azzedine Mihoubi, ass n letniyen deg Lɛelma (Sḍif), dakken awanak (dawla) ur la d-yetteg idles, wanag la d-yettheyyi tawennaḍt iwatan i wesnulfu d tigawt tadelsant.

Mi yerẓem amezgun amnaḍan (ǧihawi) n Lɛelma aydeg d-llan yixeddimen imeqranen n uṣeggem, yenna-d uneɣlaf dakken d timetti ay d « tamasayt (mas’ula) tawḥidt » n ufares adelsan d wesnulfu, am wakken ay d-yesmekti s lecɣal imeqranen ay d-yellan deg weḥric n yedles am umezgun n Tbeskert ay la yettwabnayen, ayɣef yedla uneɣlaf ass n lḥedd.

Dɣa, i lmend n waya, iwekked-d Mass Mihoubi dakken « aḥric n yedles yettarra tajmilt i uselway n tegduda, Abdelaziz Bouteflika ay as-yefkan « ttawilat ad yeǧǧen idles ad yuɣal d aferdis (ɛunṣur) agejdan deg tudert n yiɣermanen (muwaṭinin) ». Yesmekti-d, deg temsalt-a, dakken acegger aneggaru n tmenḍawt d win ay as-iḍemnen amkan i yedles deg Lez zayer imi ay t-yerra d azref n llsas, am wezref n udawi d wezref n ussegmi.

Yenna-d daɣ Mass Mihoubi dakken tallit n yedles n ussuder itfuk yernu tudef tmurt ɣer tallit n ufares (intaǧ) d ussefti deg yedles, yernu aya ad d-yeglu s lfayda i tmetti, am wakken ay d-iger tiɣri i yimeggiyen (faɛilin) n wenrar n yedles akken ad d-snulfun yernu ad d-farsen ugar n tɣawsiwin tidelsanin n tɣara.

Yebda-d uneɣlaf n yedles tirzi-nnes ɣef Lɛelma s werẓam n umezgun amnaḍan n temdint-a ay yettwaṣeggmen s tjellabt n 130 n yimelyunen n yidinaṛen. Tirzi-a ad tt-id-yeḍfer werẓam n wussan iseklanen n Lɛelma yellan d tadyant n 3 n wussan.