Asebter amenzawi

Ufan yiwet n tnaffart n yimrigen deg Lberǧ Baǧi Mexttar

LEZZAYER TAMANEɣT – Yiwet n tnaffart deg-s ddeqs n yimrigen akked rrṣaṣ, tufa-tt ass n ttlata deg Lberǧ Baǧi Mexttar (tawilayt n Adrar), yiwet n tsensirt n Tredsa taɣelnawt taɣerfant (ANP), i d-yenna yiwen n ulɣu n uɣlif n Temḥaddit taɣelnawt (MDN).

Deg ukatar n usɣelles n tlisa akked umennuɣ mgal taremɣa, almend n tɛessast akked tikin n yiɣallen n Tredsa Taɣelnawt Taɣerfant, yiwet tsensirt tufa, ass n ttlata n 10 mayu 2016, degLberǧ Baǧi Mexttar (Tamnaḍt taredsant tis 6), yiwet n tnaffart ideg ufanddeqs n yimrigen akked yikarṭucen, deg yiwen n unadi deg tlisa n tmurt’’, i d-tesded teɣbalut-nni.

Deg wayen yerzan imrigen, tamzelt-a tegla-d s usegrew ‘’yiwen n umcir n tmeẓdit bu 12 iqulas (107 imilimitren), yiwet n tmeẓdit BM-21, snat (2) temkeḥlin azun n FMPK, yiwet (1) n tmekḥelt azun RPK, snat (2) temkeḥlin azun n Kalachnikov, akked snat (02) temkeḥlin n wallus’’.