ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵔⵥⴰⵎ ⵏ ⵜⴼⴰⵙⴽⴰ ⵜⵓⵕⵓⴼⵉⵜ ⵜⵉⵙ 17 ⴷⴻⴳ ⵍⴻⵣⵣⴰⵢⴻⵔ ⵙ ⵓⵥⴰⵡⴰⵏ ⵏ ⵓⵛⴻⵏⵏⴰⴽ ⴰⵏⵉⵊⵉⵔⵉ ⴱⴰⵎⴱⵉⵏⵧ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵙ ⵓⵥⴰⵡⴰⵏ ⴷ ⵛⵛⵏⴰ ⵏ ⵓⵛⴻⵏⵏⴰⵢ ⴰⵏⵉⵊⵉⵔⵉ ⴱⵧⵎⴱⵉⵏⵧ ⴰⵢ ⵜⴻⵔⵥⴻⵎ, ⴰⵙⵙ ⵏ ⵍⴻⵜⵏⵉⵢⴻⵏ ⵜⴼⴰⵙⴽⴰ ⵜⴰⴷⴻⵍⵙⴰⵏⵜ ⵜⵓⵕⵓⴼⵉⵜ ⵜⵉⵙ 17 ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⵜⵉⵏ ⴰⴷ ⵢⴻⴹⴹⴼⴻⵏ ⴳⴰⵔ 9 ⴷ 21 ⵎⴰⵢⵓ, ⵢⴻⵔⵏⵓ ⵃⴻⴷⵕⴻⵏ ⴷⴻⴳ-ⵙ ⴰⵟⴰⵙ ⵏ ⵍⵖⴰⵛⵉ ⴷⴻⴳ ⵢⵉⵡⴻⵜ ⵏ ⵜⴻⵙⵡⵉⵄⵜ ⵏ ⵣⵣⵀⵓ ⴷ ⵜⵎⴻⵖⵔⴰ.

ⴷⴻⴳ ⵙⵏⴰⵜ-ⵏⵏⵉ ⵏ ⵜⵙⴰⵄⵜⵉⵏ ⴰⵢ ⵢⴻⴹⴹⴻⴼ ⵓⴱⴰⵔⴰⵣ-ⵏⵏⴻⵙ, ⵢⴻⵛⵏⴰ-ⴷ ⴱⵧⵎⴱⵉⵏⵧ 20 ⵏ ⵜⴻⵣⵍⴰⵜⵉⵏ ⵙ ⵜⵎⴰⵛⴻⵖⵜ ⴷⴻⴳ ⵜⵣⴻⵇⵇⴰ ⵏ ⵉⴱⵏ ⵣⴻⵉⴷⵧⵓⵏ ⵏ ⵔⵉⴰⴷⵀ ⴻⵍ ⴼⴻⵜⵀ ⴷⴻⴳ ⵢⵉⵡⴻⵏ ⵏ ⵢⴻⵙⵡⴰⵖ ⵏ ⵜⵓⵎⴻⵔⵜ (ⵍⴼⴻⵕⵃ).

ⴰⵥⴰⵡⴰⵏ ⵏ ⴱⵧⵎⴱⵉⵏⵧ ⴷⵉⵏⴷⵉⵏ ⵢⴻⵄⵊⴻⴱ ⵉ ⵢⴻⵎⴼⴻⵕⵕⴵⴻⵏ ⴰⵢ ⵉⴱⴻⴷⴷⴻⵏ ⵓⵍⴰ ⴷⴻⴳ ⵢⴻⴳⵏⵉⵔⴻⵏ ⵏ ⵓⵄⴻⴷⴷⵉ, ⵉⵎⵉ ⴰⵢ ⴷ-ⵢⴻⵙⵙⴰⴽⵉ ⴷⴻⴳ-ⵙⴻⵏ ⴰⵃⵓⵍⴼⵓ ⵏ ⵜⵏⴻⵚⵍⵉⵜ ⵙ ⵓⵥⴰⵡⴰⵏ-ⵏⵏⵉ ⴰⵎⴰⵛⴻⵖ ⵓⵛⴱⵉⵃ ⴰⵢ ⴷ-ⵉⵏⴻⵛⵛⴷⴻⵏ ⵡⵉⵏ ⵉⵙⴻⵍⵍⴻⵏ ⴰⴷ ⵢⴻⵡⵍⵉⵡⴻⵍ, ⴰⴷ ⵢⴻⵛⴹⴻⵃ.

3 ⵏ ⵢⴻⵎⵥⴰⵡⴰⵏⴻⵏ ⴰⵢ ⴰⵙ-ⵉⵡⵜⴻⵏ ⵉ ⵓⵛⴻⵏⵏⴰⵢ ⴱⵧⵎⴱⵉⵏⵧ ⵎⵉ ⵢⴻⵍⵍⴰ ⵉⵛⴻⵏⵏⵓ, ⵢⴻⵔⵏⵓ ⴰⵥⴰⵡⴰⵏ-ⵏⵏⴻⵙ ⴷ ⵡⵉⵏ ⴰⵢⴷⴻⴳ ⵅⴻⵍⴹⴻⵏ ⵢⵉⵖⴰⵏⵉⴱⴻⵏ ⵏ ⵓⵔⴻⴳⴳⴰⴻ, ⴰⵔⵧⵛⴽ ⴷ ⵡⴻⴱⵍⵓⴻⵙ. ⴳⴰⵔ ⵜⴻⵣⵍⴰⵜⵉⵏ ⴰⵢ ⴷ-ⵢⴻⵛⵏⴰ ⵍⵍⴰⵏⵜ « ⵜⴰⵔ ⵀⴰⵏⵉⵏ », « ⵊⴰⴳⵓⴰⵔ », « ⵜⵉⵎ ⵜⴰⵔ », « ⴰⵣⴰⵎⴰⵏ ⵜⵉⵍⵉⴰⴷⴻ », « ⵉⵢⴰⵜ ⵏⵉⵏⵀⴰⵢ », « ⴰⴽⵓⴽⴰⵙ », « ⴰⵎⵉⴷⵉⵏⵉⵏ » ⴷ « ⴰⵎⴰⵏ ».

ⵢⴻⵛⵏⴰ-ⴷ ⴱⵧⵎⴱⵉⵏⵧ ⵖⴻⴼ ⵛⵛⴱⴰⵃⴰ ⵏ ⵢⵉⵎⴻⵥⵔⵉⵢⴻⵏ (ⵎⴰⵏⴰⴹⵉⵔ) ⵏ ⵜⴻⵎⵏⴰⴹⵜ ⵏ ⵙⵙⴰⵃⴻⵍ, ⵜⵓⴷⴻⵔⵜ ⴷⴻⴳ ⵜⵎⴻⵜⵜⵉ, ⵜⴰⵎⵎⵉⴷⵡⴰ (ⵚⴰⴷⴰⵇⴰ), ⴰⵏⵙⴰⵢⴻⵏ ⵏ ⵢⵉⵎⵓⵛⴰⵖ, ⵜⴻⵎⵖⴻⵔ ⵏ ⵓⵏⴻⵥⵔⵓⴼ ⵙ ⵜⵎⵓⵖⵍⵉ ⵏ ⵜⵎⴻⴷⵢⴻⵣⵜ ⴷ ⵜⴰⵢⵔⵉ, ⵢⴻⵔⵏⵓ ⵢⴻⵏⵏⴰ-ⴷ ⵓⵛⴻⵏⵏⴰⵢ-ⴰ ⴷⴰⴽⴽⴻⵏ ⵢⴻⴱⵖⴰ ⴰⴷ ⴷ-ⵢⴻⵙⵙⵉⵡⴻⴹ ⵙ ⵛⵛⵏⴰ-ⵏⵏⴻⵙ « ⵉⵣⴻⵏ ⵏ ⵜⴰⵍⵡⵉⵜ ⴷ ⵜⴻⴳⵎⴰⵜ ».