ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⵙⵉⵍⴰ: ⴰⵙⵏⵓⵍⴼⵓ ⵏ 8 ⵏ ⵜⴻⵎⵏⴰⴹⵉⵏ ⵏ ⵜⴽⴻⵔⵔⴰⵣⵜ

ⵎⵙⵉⵍⴰ– ⵢⴻⵏⵏⴰ-ⴷ ⵓⵡⴰⵍⵉ ⵏ ⵎⵙⵉⵍⴰ, ⵎⵧⵀⴰⵎⴻⴷ ⴱⵧⵓⵙⵎⴰⵀⴰ, ⴰⵙⵙ ⵏ ⵍⴻⵜⵏⵉⵢⴻⵏ, ⴷⴰⴽⴽⴻⵏ ⵓⵔ ⵜⵜⵄⴻⴹⴹⵉⵍⴻⵏ ⴰⴷ ⴷ-ⵙⵏⵓⵍⴼⵓⵏ 8 ⵏ ⵜⴻⵎⵏⴰⴹⵉⵏ ⵏ ⵜⴽⴻⵔⵔⴰⵣⵜ ⴷⴻⴳ ⵜⵡⵉⵍⴰⵢⵜ-ⴰ.

ⴷⴻⴳ ⵜⵉⵏⴰⵡⵜ-ⵏⵏⴻⵙ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵡⴻⵔⵥⴰⵎ ⵏ ⵓⵙⴰⵔⴰⴳ ⵏ ⵜⵡⵉⵍⴰⵢⵜ ⵖⴻⴼ ⵓⵡⴻⵀⵀⵉ ⴷ ⵡⴻⵙⵎⴰⵍ ⵏ ⵓⵙⵙⴻⴼⵜⵉ ⴷⴻⴳ ⵡⴻⵃⵔⵉⵛ ⵏ ⵜⴽⴻⵔⵔⴰⵣⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴻⵅⵅⴰⵎ ⵏ ⵢⴻⴷⵍⴻⵙ ⵏ ⵜⴻⵎⴷⵉⵏⵜ-ⴰ ⵙ ⵡⴻⵃⴷⴰⵕ ⵏ ⵢⴻⵎⴹⴻⴱⴱⵔⴻⵏ ⵏ ⵜⴻⵕⵎⵉⵙⵉⵏ ⵜⵉⵎⴳⵓⵔⴰⵏⵉⵏ (ⵚⵉⵏⴰⵄⵉⵢⵢⴰ) ⴷ ⵢⴻⵎⵙⴻⴼⵜⵉⵢⴻⵏ ⵏ ⵜⴻⵎⵏⴰⴹⵜ-ⴰ, ⵢⴻⵏⵏⴰ-ⴷ ⵎⴰⵙⵙ ⴱⵧⵓⵙⵎⴰⵀⴰ ⴷⴰⴽⴽⴻⵏ ⵜⵉⵎⵏⴰⴹⵉⵏ-ⴰ ⴰⴷ ⵜⵜⵡⴰⵃⴰⵣⴻⵏⵜ ⵉ ⵢⵉⵍⴻⵎⵥⵉⵢⴻⵏ ⵉⵙⴷⴰⵡⴰⵏⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵜⵖⵉⵡⴰⵏⵉⵏ ⴰⵢⴷⴻⴳ ⴹⴹⴼⴻⵏⵜ ⵜⴽⴻⵔⵔⴰⵣⵜ ⴷ ⵜⴽⴻⵙⵙⴰⵡⵜ ⴰⵎⴽⴰⵏ ⵙ ⵡⴰⵣⴰⵍ-ⵏⵏⴻⵙ.

ⵙ ⵡⴰⵢⴰ, ⵉⴳⴻⵔ-ⴷ ⵜⵉⵖⵔⵉ ⵓⵡⴰⵍⵉ ⵉ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵡⴻⵃⵔⵉⵛ ⵏ ⵜⴽⴻⵔⵔⴰⵣⵜ ⵏ ⵜⵡⵉⵍⴰⵢⵜ ⴰⴽⴽⴻⵏ ⴰⴷ ⴱⴻⴷⴷⴻⵏ ⵉ ⵍⵎⴻⵏⴷⴰⴷ ⵉ ⵢⵉⵍⴻⵎⵥⵉⵢⴻⵏ ⴰⴷ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵡⴰⵀⵉⵍ ⵏ ⵜⴽⴻⵙⵙⴰⵡⵜ ⵏ ⵢⴻⵣⴳⴰⵔⴻⵏ ⵉ ⵍⵎⴻⵏⴷ ⵏ ⵓⵙⵙⴻⵎⵖⴻⵔ ⵏ ⵍⵖⴻⵍⵍⴰ ⵏ ⵡⴻⴽⵙⵓⵎ ⴰⵣⴻⵡⵡⴰⵖ ⴷ ⵡⴻⵙⵎⴰⵍ (ⵜⴰⵔⵇⵉⵢⴰ) ⵏ ⵡⴻⵃⵔⵉⵛ-ⴰ.

ⵎⵉ ⴰⴷ ⴷ-ⵜⵜⵡⴰⵙⵡⴻⵊⴷⴻⵏⵜ ⵜⴻⵎⵏⴰⴹⵉⵏ-ⴰ, ⴰⴷ ⵜⴻⵔⵏⵓ ⵍⵖⴻⵍⵍⴰ ⵏ ⵜⴽⴻⵔⵔⴰⵣⵜ ⵢⴻⵔⵏⵓ ⴰⴷ ⴷ-ⵏⵏⵓⵍⴼⵓⵏⵜ ⵜⵡⵉⵏⴰⵙ (ⵎⵉ’ⴰⵜ) ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵉ ⵍⴼⴰⵢⴷⴰ ⵏ ⵡⴰⵢⵜ ⵉⵖⴻⵔⵎⴰⵏ ⵉⵇⴻⵔⴱⴻⵏ ⵖⴻⵔ ⵜⴻⵎⵏⴰⴹⵉⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ).

ⵉⵚⴻⵔⵔⴻⴼ ⵓⵡⴰⵏⴰⴽ (ⴷⴰⵡⵍⴰ) 9 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⵉ ⵡⴻⵙⵎⴰⵍ ⵏ ⵜⴽⴻⵔⵔⴰⵣⵜ ⴷⴻⴳ ⵎⵙⵉⵍⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵍⴼⴰⵢⴷⴰ ⴰⵢ ⴷ-ⵢⴻⴽⴽⴰⵏ ⵙⴻⴳ ⵓⵙⵙⴻⴼⵜⵉ-ⴰ ⴰⵏⴰⴳⴷⵓⴷ (ⵄⵓⵎⵓⵎⵉ) ⴷ ⵜⵉⵏ ⵢⴻⵍⵀⴰⵏ.