ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵅⴻⴷⴷⵉⵎ ⴷⴻⴳ ⵍⴻⴱⵍⵉⴷⴰ ⴰⴽⴽⴻⵏ ⴰⴷ ⵜⵓⴽⵍⴰⵍ ⵉⵙⴻⵎ-ⵏⵏⴻⵙ ⵏ « ⵜⴻⵎⴷⵉⵏⵜ ⵏ ⵜⵍⴻⵍⵍⴰⵛ »

ⵍⴻⴱⵍⵉⴷⴰ – ⴱⴷⴰⵏ-ⴷ ⵢⵉⴷⵓⴱⴰ (ⵙⵓⵍⵓⵟⴰⵜ) ⵏ ⵍⴻⴱⵍⵉⴷⴰ ⴰⵅⴻⴷⴷⵉⵎ, ⵙ ⵡⴻⵎⵄⴰⵡⴻⵏ ⴷ ⵜⵉⴷⴷⵓⴽⵍⵉⵡⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵡⴻⵏⵏⴰⴹⵜ ⴷ ⵢⴻⵛⵔⵉⴽⴻⵏ ⵏⵉⴹⴻⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ (ⵎⵓⴵⵜⴰⵎⴰⵄ ⵎⴰⴷⴰⵏⵉ) ⴰⴽⴽⴻⵏ ⴰⴷ ⴰⵙ-ⴷ-ⵔⵔⴻⵏ ⵉ ⵜⴻⵎⴷⵉⵏⵜ-ⴰ ⵉⵙⴻⵎ-ⵏⵏⵉ ⵏ « ⵜⴻⵎⴷⵉⵏⵜ ⵏ ⵜⵍⴻⵍⵍⴰⵛ ».

ⴰⵙⴻⴳⴳⴰⵙ ⵢⴻⵣⵔⵉⵏ ⴰⵢ ⴷ-ⵜⴻⴱⴷⴰ ⵜⵡⵉⵍⴰⵢⵜ ⵏ ⵍⴻⴱⵍⵉⴷⴰ ⴰⵅⴻⴷⴷⵉⵎ-ⴰ ⵙ ⵡⴻⵎⵄⴰⵡⴻⵏ ⴷ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵜⴰⴷⵉⴳⴰⵏⵜ ⵏ ⵜⵏⴻⵣⵣⵓⵜ ⴷ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵜⵖⴻⵍⵍⵉⵙⵜ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⵙ ⵜⵃⴻⵎⵍⴰ ⵜⴰⵎⴻⵇⵔⴰⵏⵜ ⵏ ⵜⵓⴽⴽⵙⴰ ⵏ ⵜⵏⴻⵣⵣⵓⵜ ⵓⵔ ⵢⴻⵜⵜⵅⴻⵍⵍⵉⵚⴻⵏ ⵍⴻⵖⵔⴰⵎⴰ, ⵜⵓⴽⴽⵙⴰ ⵏ ⵍⴻⵙⵡⴰⵇ ⵉⵡⴻⵃⵛⵉⵢⴻⵏ ⴷⴻⴳ ⵍⴻⴱⵍⵉⴷⴰ ⴷ ⵓⵙⵙⵓⴷⴷⴻⵙ ⵏ ⵍⴻⵙⵡⴰⵇ ⵏ ⵎⴻⵏⵡⴰⵍⴰ.

ⵙ ⵡⴰⵢⴰ, ⵜⵜⵡⴰⴽⴽⵙⴻⵏ ⵍⴻⵙⵡⴰⵇ ⵉⵡⴻⵃⵛⵉⵢⴻⵏ ⵉⵎⴻⵇⵔⴰⵏⴻⵏ ⵏ ⴱⴰⴱ ⴷⵣⴰⵢⴻⵔ (ⵢⴻⵍⵍⴰⵏ ⴷⴻⴳ ⵜⴻⵎⴷⵉⵏⵜ ⵏ ⵍⴻⴱⵍⵉⴷⴰ), ⴵⵡⴰⴵⵍⴰ (ⴷⴻⴳ ⵡⵍⴰⴷ ⵉⵄⵉⵛ), ⴱⵓⴼⴰⵔⵉⴽ, ⵍⵄⴻⴼⵕⵓⵏ ⴷ ⵎⵓⵥⴰⵢⴰ, ⴰⵎ ⵡⴰⴽⴽⴻⵏ ⴰⵢ ⵜⵜⵡⴰⴽⴽⵙⴻⵏ ⵡⵉⴷ ⵢⴻⵙⵏⵓⵣⵓⵢⴻⵏ ⴷⴻⴳ ⵜⵏⴻⴷⴷⴰ (ⴰⵔⵚⵉⴼⴰ), ⵢⴻⵔⵏⵓ ⴷ ⴰⵢⴰ ⴰⵢ ⵢⴻⵙⵙⵓⵎⴰⵔⴻⵏ (ⵢⴻⵙⵙⴻⴼⵕⴻⵃ) ⵉⵎⵙⴻⴱⵔⵉⴷⴻⵏ.

ⵖⴻⴼ ⵍⴻⵃⵙⴰⴱ ⵏ ⵜⵎⴻⵀⵍⴰ ⵏ ⵜⵏⴻⵣⵣⵓⵜ ⵏ ⵜⵡⵉⵍⴰⵢⵜ ⵏ ⵍⴻⴱⵍⵉⴷⴰ, ⴰⵣⴰⵍ ⵏ 33 ⵙⴻⴳ ⴳⴰⵔ 74 ⵏ ⵍⴻⵙⵡⴰⵇ ⵉⵡⴻⵃⵛⵉⵢⴻⵏ ⴰⵢ ⵢⴻⵜⵜⵡⴰⴽⴽⵙⴻⵏ ⴰⵔ ⴰⵙⵙ-ⴰ ⵙⴻⴳ ⵜⵡⵉⵍⴰⵢⵜ-ⴰ, ⵢⴻⵔⵏⵓ ⵎⴰⵣⴰⵍ ⵍⴰ ⵢⴻⵜⵜⴽⴻⵎⵎⵉⵍ ⵛⵛⵖⴻⵍ-ⴰ ⴰⵔ ⴰⵙⵙ-ⴰ.

ⵖⴻⴼ ⵍⴻⵃⵙⴰⴱ ⵏ ⵜⵏⴻⵣⵣⵓⵜ-ⴰ, ⵜⵜⵡⴰⵃⴻⵙⴱⴻⵏ-ⴷ ⴰⵣⴰⵍ ⵏ 3000 ⵏ ⵢⴻⵎⵙⴻⵏⵣⴰ ⴰⵢ ⵍⴰ ⵉⵅⴻⴷⴷⵎⴻⵏ ⵡⴰⵔ ⵎⴰ ⵅⴻⵍⵍⵚⴻⵏ ⵍⴻⵖⵔⴰⵎⴰ, ⴳⴰⵔ-ⴰⵙⴻⵏ 2000 ⴷⴻⴳ ⵜⴻⵎⴷⵉⵏⵜ ⴽⴰⵏ ⵏ ⵍⴻⴱⵍⵉⴷⴰ, ⵢⴻⵔⵏⵓ ⵉⵎⵙⴻⵏⵣⴰ-ⴰ « ⴰⴷ ⵜⵜⵡⴰⵙⵙⵉⴷⴼⴻⵏ ⵛⵡⵉⵟ, ⵛⵡⵉⵟ, ⴷⴻⴳ ⵍⴻⵙⵡⴰⵇ ⵏ ⵎⴻⵏⵡⴰⵍⴰ ».