Asebter amenzawi

Tamendawt 2016 s tmaziɣt tewjed

LEZZAYER TAMANAɣT- Tamendawt yettwaqeblen di fuṛar 2016 attan tewjed seg wass n laṛebɛa d afella s tutlayt n tmaziɣt ama di lkaɣeḍ neɣ s ttawil anemḍayan, ayagi dayen yexdem useqqamu unnig n timmuzɣa (HCA).

Tasuqqilt-agi yellan s usekkil alaṭini tekcem u tewjed deg wadeg n useqqamu unnig n timmuzɣa akk d win n tnegga isallen n Lezzayer deg weḥric « idlisen n tnegga ».

Deg-s 45 n twṛiqin, Tamendawt yuran s tutlayt n tmaziɣt , deg-s 218 imagraden, ttwebḍan ɣef 4 n yizwal akk d 11 n yexfawen n weḍṛis agejdayan n uwanek yettwaqeblen di fuṛar yezrin sɣur snat n texxamin n wumni.

Tamendawt-agi yettwaqeblen tura deg umagrad-ines wis 4 belli Tamaziɣt daɣen d tutlayt taɣelnawt tunṣibt, awanek ad yexdem ɣef unegmu-ines di yakk tantaliwin-ines yellan deg wakal n tmurt.

Yella daɣen deg usurrif-agi n unegmu n tutlayt, asbeddi n tkadimit tazzayrit n tutlayt n tmaziɣt yeqqnen ɣer uselway n Tegduda. Ad texdem s wayen akk yellan di tezrawin n yimusnawen d unadi ɣef yiberdan unegmu n Tmaziɣt.