Asebter amenzawi

Akk ixeddimen yerzan ibriden imazzalen ad d-lhunt yid-sen teṛmisin tidzayriyin (aneɣlaf)

WEHṚAN– Yenna-d uneɣlaf n yimahilen inagduden (acɣal ɛumumiyya) dakken seg-a d asawen ad uɣalen akk yimahilen yeqqnen ɣer yebriden imazzalen ad d-lhunt yid-sen teṛmisin tidzayriyin yernu awanak (dawla) yessebɣas ttawilat iɣelnawen, ama d inagduden neɣ d usligen akken ad sseftin deg wenrar-ak. Nnig waya, yessefk ad yettweg kullec i lmend n ussefɛel n wahil n uselway n tegduda, Mass Abdelaziz Bouteflika, ɣef wakken ay d-iwekked uneɣlaf Abdelkader Ouali ass n ttlata deg Wehṛan.

Aneɣlaf, ay igan tirzi n umahil d ussefqed deg Wehṛan, yenna-d dakken 7 n yimelyunen n tkeṛṛusin ay la yetteddun deg Lezzayer, s waya, aṭas n ccɣel ay yeggunin Lezzayer yernu ɣef waya ay la yessebɣas uwanak tiṛmisin tinagdudin d tusligin akken ad sseftint deg wenrar n yimahilen n yebriden imazzalen.

« Deffir wayen nwala deg wayen yerzan asenfar n webrid amazzal Agmuḍ-Ataram, neɣtes (qarrarna) ad uɣalen yisenfaren n yebriden-a s lekmal-nsen d ccɣel n teṛmisin tidzayriyin. Nessebɣas tiṛmisin tidzayriyin akken ad sseftint ula deg yisenfaren iwlalen (baḥriyya) », ɣef wakken ay d-iwekked Abdelkader Ouali deg yiwet n terzi ɣef ucanṭi n lebni n tkuṛnict tamaynut.

Deg ucanṭi-nni, iḥettet-d uneɣlaf ɣef uqader n wakud n ufaki n usenfar d tɣara n yebriden d yebriden imazzalen.

« Taneflit (tanmiya) n uẓeḍḍa n yebriden d aḥric seg tneflit tadamsant n Wehṛan ay yesɛan azal d ameqran acku tawilayt-a la tetteddu akken ad temmager tidyanin d timeqranin am Wuraren Igrakalanen n 2021. S waya, yessefk ad nili newjed seg yidis adamsan, amerrayan d udelsan », ɣef wakken ay d-yessefhem uneɣlaf, am wakken ay d-iwekked dakken tallit n lebni n yisenfaren-a teqqen ɣer ttiɛadat imeqranen niḍen, dɣa ɣef waya ay yessefk ad yettwaqader wakud n ufaki n yisenfaren d tɣara-nsen.