Asebter amenzawi

Ur yumar uneɣlaf s yixeddimen n ussejhed n yegnennaten n usagen n Wehṛan

WEHṚAN – Ur yumar uneɣlaf n yimahilen inagduden (acɣal ɛumumiyya), Abdelkader Ouali, ass n ttlata deg Wehṛan, s wenya (watira) n ussejhed n yegnennaten n « Conakry » d « Sinigal » deg usagen n Wehṛan.

Anya n umahil, ladɣa win n yiferdisen ay d-yettwaxedmen yagi deg lluzin, ur yelhi, ɣef wakken ay d-yesḥassef Abdelkader Ouali ay d-iwekkden dakken yessefk ad ttwaddmen yiḥezziben yessefken i wexdam n yiḥedren n ubiṭun beṛṛa i temnaḍt n usagen (mina’). Ccetkan-d daɣ yimasayen idiganen ɣef lexṣaṣ n kra n tnegwa (mawad) n lebni, ladɣa asiman uzzig ay yettwasseqdacen deg yimahilen iwlalen.

Asenfar n ussejhed n yegnennaten (arṣifa) n « Conakry » d « Sinigal » ḥazen-as-d tajellabt n 11 n yimelyaṛen n yidinaṛen yernu ssefran ad yeḍḍef 20 n wayyuren, d acu kan iɛeḍḍel nnig waya. Afmiḍi n tiddit n umahil yewweḍ ɣer 20% kan. Aṣeggem n yegnennaten-a d aḥric seg uɛawed n ussali n weswir n usagen n Wehṛan seg leɛḍil ad t-smeɣren akken ad yaweḍ ɣer tjumma (misaḥa) n 31 n yiqeṭṭaren.

Assemɣer n usagen-a d win ad yessifessen assersi n twinas (mi’at) n yinegbaren (ḥawiyat) d uɛebbi-nsen s tɣawla deg yikamyunen n lmizan amaẓay akken ad ten-awin ya ɣer usagen akiwan n Wehṛan, ya ɣer yimawlan-nsen.

Asagen n Wehṛan yesɛa, imir-a, tajumma n 23 n yiqeṭṭaren, maca yuɣal ur d-yettkafi i ummager n sselɛa ay d-yettwaǧwen seg tmura yemgerraden. Ɣef lǧal n yicanṭiyen ay inekren deg-s, asagen-a yesṛuḥ 30% seg tzemmar-nnes n umager deg ukatar n tnezzut (tiǧara) tuffiɣt, ɣef wakken ay d-nettwaxebber.