ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵔ ⵢⵓⵎⴰⵔ ⵓⵏⴻⵖⵍⴰⴼ ⵙ ⵢⵉⵅⴻⴷⴷⵉⵎⴻⵏ ⵏ ⵓⵙⵙⴻⵊⵀⴻⴷ ⵏ ⵢⴻⴳⵏⴻⵏⵏⴰⵜⴻⵏ ⵏ ⵓⵙⴰⴳⴻⵏ ⵏ ⵡⴻⵀⵕⴰⵏ

ⵡⴻⵀⵕⴰⵏ – ⵓⵔ ⵢⵓⵎⴰⵔ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ (ⴰⵛⵖⴰⵍ ⵄⵓⵎⵓⵎⵉⵢⵢⴰ), ⴰⴱⴷⴻⵍⴽⴰⴷⴻⵔ ⵧⵓⴰⵍⵉ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵡⴻⵀⵕⴰⵏ, ⵙ ⵡⴻⵏⵢⴰ (ⵡⴰⵜⵉⵔⴰ) ⵏ ⵓⵙⵙⴻⵊⵀⴻⴷ ⵏ ⵢⴻⴳⵏⴻⵏⵏⴰⵜⴻⵏ ⵏ « ⵛⵧⵏⴰⴽⵔⵢ » ⴷ « ⵙⵉⵏⵉⴳⴰⵍ » ⴷⴻⴳ ⵓⵙⴰⴳⴻⵏ ⵏ ⵡⴻⵀⵕⴰⵏ.

ⴰⵏⵢⴰ ⵏ ⵓⵎⴰⵀⵉⵍ, ⵍⴰⴷⵖⴰ ⵡⵉⵏ ⵏ ⵢⵉⴼⴻⵔⴷⵉⵙⴻⵏ ⴰⵢ ⴷ-ⵢⴻⵜⵜⵡⴰⵅⴻⴷⵎⴻⵏ ⵢⴰⴳⵉ ⴷⴻⴳ ⵍⵍⵓⵣⵉⵏ, ⵓⵔ ⵢⴻⵍⵀⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵃⴰⵙⵙⴻⴼ ⴰⴱⴷⴻⵍⴽⴰⴷⴻⵔ ⵧⵓⴰⵍⵉ ⴰⵢ ⴷ-ⵉⵡⴻⴽⴽⴷⴻⵏ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ ⵢⴻⵙⵙⴻⴼⴽⴻⵏ ⵉ ⵡⴻⵅⴷⴰⵎ ⵏ ⵢⵉⵃⴻⴷⵔⴻⵏ ⵏ ⵓⴱⵉⵟⵓⵏ ⴱⴻⵕⵕⴰ ⵉ ⵜⴻⵎⵏⴰⴹⵜ ⵏ ⵓⵙⴰⴳⴻⵏ (ⵎⵉⵏⴰ’). ⵛⵛⴻⵜⴽⴰⵏ-ⴷ ⴷⴰⵖ ⵢⵉⵎⴰⵙⴰⵢⴻⵏ ⵉⴷⵉⴳⴰⵏⴻⵏ ⵖⴻⴼ ⵍⴻⵅⵚⴰⵚ ⵏ ⴽⵔⴰ ⵏ ⵜⵏⴻⴳⵡⴰ (ⵎⴰⵡⴰⴷ) ⵏ ⵍⴻⴱⵏⵉ, ⵍⴰⴷⵖⴰ ⴰⵙⵉⵎⴰⵏ ⵓⵣⵣⵉⴳ ⴰⵢ ⵢⴻⵜⵜⵡⴰⵙⵙⴻⵇⴷⴰⵛⴻⵏ ⴷⴻⴳ ⵢⵉⵎⴰⵀⵉⵍⴻⵏ ⵉⵡⵍⴰⵍⴻⵏ.

ⴰⵙⴻⵏⴼⴰⵔ ⵏ ⵓⵙⵙⴻⵊⵀⴻⴷ ⵏ ⵢⴻⴳⵏⴻⵏⵏⴰⵜⴻⵏ (ⴰⵔⵚⵉⴼⴰ) ⵏ « ⵛⵧⵏⴰⴽⵔⵢ » ⴷ « ⵙⵉⵏⵉⴳⴰⵍ » ⵃⴰⵣⴻⵏ-ⴰⵙ-ⴷ ⵜⴰⵊⴻⵍⵍⴰⴱⵜ ⵏ 11 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵢⴻⵔⵏⵓ ⵙⵙⴻⴼⵔⴰⵏ ⴰⴷ ⵢⴻⴹⴹⴻⴼ 20 ⵏ ⵡⴰⵢⵢⵓⵔⴻⵏ, ⴷ ⴰⵛⵓ ⴽⴰⵏ ⵉⵄⴻⴹⴹⴻⵍ ⵏⵏⵉⴳ ⵡⴰⵢⴰ. ⴰⴼⵎⵉⴹⵉ ⵏ ⵜⵉⴷⴷⵉⵜ ⵏ ⵓⵎⴰⵀⵉⵍ ⵢⴻⵡⵡⴻⴹ ⵖⴻⵔ 20% ⴽⴰⵏ. ⴰⵚⴻⴳⴳⴻⵎ ⵏ ⵢⴻⴳⵏⴻⵏⵏⴰⵜⴻⵏ-ⴰ ⴷ ⴰⵃⵔⵉⵛ ⵙⴻⴳ ⵓⵄⴰⵡⴻⴷ ⵏ ⵓⵙⵙⴰⵍⵉ ⵏ ⵡⴻⵙⵡⵉⵔ ⵏ ⵓⵙⴰⴳⴻⵏ ⵏ ⵡⴻⵀⵕⴰⵏ ⵙⴻⴳ ⵍⴻⵄⴹⵉⵍ ⴰⴷ ⵜ-ⵙⵎⴻⵖⵔⴻⵏ ⴰⴽⴽⴻⵏ ⴰⴷ ⵢⴰⵡⴻⴹ ⵖⴻⵔ ⵜⵊⵓⵎⵎⴰ (ⵎⵉⵙⴰⵃⴰ) ⵏ 31 ⵏ ⵢⵉⵇⴻⵟⵟⴰⵔⴻⵏ.

ⴰⵙⵙⴻⵎⵖⴻⵔ ⵏ ⵓⵙⴰⴳⴻⵏ-ⴰ ⴷ ⵡⵉⵏ ⴰⴷ ⵢⴻⵙⵙⵉⴼⴻⵙⵙⴻⵏ ⴰⵙⵙⴻⵔⵙⵉ ⵏ ⵜⵡⵉⵏⴰⵙ (ⵎⵉ’ⴰⵜ) ⵏ ⵢⵉⵏⴻⴳⴱⴰⵔⴻⵏ (ⵃⴰⵡⵉⵢⴰⵜ) ⴷ ⵓⵄⴻⴱⴱⵉ-ⵏⵙⴻⵏ ⵙ ⵜⵖⴰⵡⵍⴰ ⴷⴻⴳ ⵢⵉⴽⴰⵎⵢⵓⵏⴻⵏ ⵏ ⵍⵎⵉⵣⴰⵏ ⴰⵎⴰⵥⴰⵢ ⴰⴽⴽⴻⵏ ⴰⴷ ⵜⴻⵏ-ⴰⵡⵉⵏ ⵢⴰ ⵖⴻⵔ ⵓⵙⴰⴳⴻⵏ ⴰⴽⵉⵡⴰⵏ ⵏ ⵡⴻⵀⵕⴰⵏ, ⵢⴰ ⵖⴻⵔ ⵢⵉⵎⴰⵡⵍⴰⵏ-ⵏⵙⴻⵏ.

ⴰⵙⴰⴳⴻⵏ ⵏ ⵡⴻⵀⵕⴰⵏ ⵢⴻⵙⵄⴰ, ⵉⵎⵉⵔ-ⴰ, ⵜⴰⵊⵓⵎⵎⴰ ⵏ 23 ⵏ ⵢⵉⵇⴻⵟⵟⴰⵔⴻⵏ, ⵎⴰⵛⴰ ⵢⵓⵖⴰⵍ ⵓⵔ ⴷ-ⵢⴻⵜⵜⴽⴰⴼⵉ ⵉ ⵓⵎⵎⴰⴳⴻⵔ ⵏ ⵙⵙⴻⵍⵄⴰ ⴰⵢ ⴷ-ⵢⴻⵜⵜⵡⴰⴵⵡⴻⵏ ⵙⴻⴳ ⵜⵎⵓⵔⴰ ⵢⴻⵎⴳⴻⵔⵔⴰⴷⴻⵏ. Ɣⴻⴼ ⵍⴵⴰⵍ ⵏ ⵢⵉⵛⴰⵏⵟⵉⵢⴻⵏ ⴰⵢ ⵉⵏⴻⴽⵔⴻⵏ ⴷⴻⴳ-ⵙ, ⴰⵙⴰⴳⴻⵏ-ⴰ ⵢⴻⵙⵕⵓⵃ 30% ⵙⴻⴳ ⵜⵣⴻⵎⵎⴰⵔ-ⵏⵏⴻⵙ ⵏ ⵓⵎⴰⴳⴻⵔ ⴷⴻⴳ ⵓⴽⴰⵜⴰⵔ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ) ⵜⵓⴼⴼⵉⵖⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⴻⵜⵜⵡⴰⵅⴻⴱⴱⴻⵔ.