Asebter amenzawi

Asseqdec n uzebg aliktṛunan deg wemkan n lḥebs uɛḍil

WEHṚAN – Yenna-d unezraf (qaḍi) Derradj Ishak, yellan d amaslaḍ (ɛuḍw) deg Tesmilt Taɣelnawt n Ussetrer n Teɣdemt, ass n ttlata deg Wehṛan, dakken ur yettɛeḍḍil unabaḍ ad yeqbel asseqdec n uzebg aliktṛunan deg wemkan n weḥbas uɛḍil.

Deg yiwen n usarag ay iga deg yijifeṛ n Tmesrit Tagraɣlant n Yimal Asnatwilan (tiknuluǧi) ay yebdan ass n letniyen deg Wehṛan, iwekked-d Mass Derradj dakken asseqdec n uzebg aliktṛunan d « asurif deg webrid n ussetrer » n teɣdemt yernu d ttawil n tɛessast ay sseqdacent aṭas n tmura.

Ttawil-a yella d aḥric seg tɛessast yernu yettqadar tilelliyin tinterrasanin (fardiyya), am wakken ay yettɛawan ameḥbus ad iɛawed ad yaf amkan-nnes deg tmetti.

Yenna-d daɣ Mass Derradj dakken ttwaheyyan-d akk ttawilat itwilanen (tiqniyya) i waya yernu asseqdec n uzebg-a ur tettɛeḍḍil ad yebdu, am wakken ay d-yerna dakken azebg-a ad d-yettwaxdam deg wezɣar, maca d imazzayen (xubara’) idzayriyen ad d-yelhun s lebni n uzadur n yisefka d wamek ad yetteddu uzebg-a.

Deg wayen yerzan afaki n ussetrer n teɣdemt, yenna-d unezraf-a dakken la d-ssewjaden yiwen n uzadur n yisefka n lateṛ ajinan (baṣma ǧiniyya) i uferru n temsal yeqqnen ɣer tejrimin.