ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵅⴻⵎⵎⴻⵎ ⵖⴻⴼ ⵜⵜⴰⵡⵉⵍ ⴰⵜⵔⴰⵔ ⵉ ⵍⴼⴰⵢⴷⴰ ⵏ ⵢⵉⴳⵓⵔⴷⵉⵙⴻⵏ ⴰⴷ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵍⴻⵎⵄⴰⵡⵏⴰ ⵏ ⵓⵏⵏⵓⵎⵎⴻⴷ ⴰⵏⵎⴻⵜⵜⵉ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ), ⵎⵧⵓⵏⵉⴰ ⵎⴻⵙⵍⴻⵎ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵍⴰ ⴷ-ⵢⴻⵜⵜⵉⵍⵉ ⵓⵅⴻⵎⵎⴻⵎ ⵖⴻⴼ ⵜⵉⴷⴷⵉⵜ ⵜⴰⵎⴰⵢⵏⵓⵜ ⵉ ⵍⴼⴰⵢⴷⴰ ⵏ ⵢⵉⴳⵓⵔⴷⵉⵙⴻⵏ (ⵃⴰ’ⵉⵣⵉⵏ ⵄⴰⵍⴰ ⵛⴰⵀⴰⴷⴰⵜ) ⴰⴷ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵜⵜⴰⵡⵉⵍⴰⵜ ⵏ ⵍⴻⵎⵄⴰⵡⵏⴰ ⵉ ⵓⵏⵏⵓⵎⵎⴻⴷ ⴰⵏⵎⴻⵜⵜⵉ ⴷ ⵡⴻⵙⵏⵓⵎⵎⴻⴷ ⵏ ⵢⵉⴳⵓⵔⴷⵉⵙⴻⵏ.
ⴷⴻⴳ ⵢⵉⵊⵉⴼⴻⵕ ⵏ ⵓⵏⴻⵙⴽⵉⵏ (ⵄⴰⵔⴹ) ⴰⵢ ⴷ-ⵜⵇⴻⴷⴷⴻⵎ ⵙⴷⴰⵜ ⵜⴻⵙⵎⵉⵍⵜ ⵏ ⵜⴻⴷⵔⵉⵎⵜ ⴷ ⵓⵎⴰⵔⵓⴷ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴷⴻⴳ ⵓⴽⴰⵜⴰⵔ ⵏ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵍⵇⴰⵏⵓⵏ ⵏ ⵡⴻⵙⵍⴰⴳⴰⵏ ⴰⵎⴰⵔⵓⴷⴰⵏ ⵏ 2013, ⵜⴻⵏⵏⴰ-ⴷ ⵎⴰⵙⵙⴰ ⵎⴻⵙⵍⴻⵎ ⴷⴰⴽⴽⴻⵏ ⵍⴰ ⴷ-ⵜⵜⵉⵍⵉⵏⵜ ⵜⴻⵎⵍⵉⵍⵉⵢⵉⵏ ⴰⵢⴷⴻⴳ ⵜⵜⴻⴽⴽⴰⵢⴻⵏ ⵢⵉⴳⴻⵏⵙⴰⵙⴻⵏ ⵏ ⵢⴻⵖⵍⵉⴼⴻⵏ ⵏⵉⴹⴻⵏ, ⴰⵎ ⵡⴻⵖⵍⵉⴼ ⵏ ⵓⵅⴻⴷⴷⵉⵎ ⴻⴷ ⵡⵉⵏ ⵏ ⵜⴻⴷⵔⵉⵎⵜ, ⴰⴽⴽⴻⵏ ⴰⴷ ⴷ-ⴰⴼⴻⵏ ⵜⵉⴼⵔⴰⵜⵉⵏ ⴷⴻⴳ ⵓⴽⴰⵜⴰⵔ ⵏ ⵜⵜⴰⵡⵉⵍⴰⵜ ⵢⴻⵍⵍⴰⵏ ⵉ ⵍⴼⴰⵢⴷⴰ ⵏ ⵢⵉⵍⴻⵎⵥⵉⵢⴻⵏ ⵉⴳⵓⵔⴷⵉⵙⴻⵏ.
ⵜⵅⴻⴱⴱⴻⵔ-ⴷ ⴷⴰⴽⴽⴻⵏ ⵜⴻⵜⵜⵡⴰⵙⵙⴻⴱⴷⴻⴷ-ⴷ ⵢⵉⵡⴻⵜ ⵏ ⵜⴻⵙⵎⵉⵍⵜ (ⵍⴰⴵⵏⴰ) ⵉ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵜⵓⴽⵛⵉ ⵏ ⵢⴻⴷⵔⵉⵎⴻⵏ ⵉ ⵢⵉⵙⴻⵏⴼⴰⵔⴻⵏ ⴰⵢⵢⴻⵙ ⴷ-ⵜⴻⵍⵀⴰ ⵜⵏⴻⴳⴳⴰ ⵏ ⵜⵏⴻⴼⵍⵉⵜ ⵜⴰⵏⵎⴻⵜⵜⵉⵜ, ⴳⴰⵔ-ⴰⵙⴻⵏ ⵍⴻⵣⵣⴰⵢⴻⵔ ⵜⴰⵎⴻⵍⵍⴰⵍⵜ ⴷ ⵢⵉⵅⴻⴷⴷⵉⵎⴻⵏ ⵉⵏⴻⴼⵄⴻⵏ ⴰⴳⴷⵓⴷ ⵉ ⵍⵎⴻⵏⴷ ⵏ ⵓⵙⵙⴻⵅⴷⴻⵎ ⵏ ⵢⵉⵍⴻⵎⵥⵉⵢⴻⵏ ⴰⵢ ⵍⴰ ⵢⴻⵜⵜⵏⴰⴷⵉⵏ ⴰⵅⴻⴷⴷⵉⵎ.
ⵜⵡⴻⴽⴽⴻⴷ-ⴷ ⵜⵏⴻⵖⵍⴰⴼⵜ ⴷⴷⵓⵕ ⵏ ⵜⵉⴷⴷⵓⴽⵍⵉⵡⵉⵏ ⵜⵉⵏⵎⴻⵜⵜⵉⵢⵉⵏ ⴷ ⵜⴰⵍⵙⴰⵏⵉⵏ (ⵉⵏⵙⴰⵏⵉⵢⵢⴰ) ⴷ ⵏⵉⵜⴻⵏⵜⵉ ⴰⵢ ⴷ ⵜⵉⵛⵔⵉⴽⵉⵏ ⵜⵉⴳⴻⵊⴷⴰⵏⵉⵏ ⵏ ⵡⴻⵖⵍⵉⴼ ⵏ ⵜⴻⵎⵙⴻⵜⵍⴻⵍⵜ, ⵍⵍⴰⵏⵜ ⴷⴻⴳ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ ⵢⴻⵔⵏⵓ ⵅⴻⴷⴷⵎⴻⵏⵜ ⵙ ⵡⴻⵎⵄⴰⵡⴻⵏ ⴷ ⵢⵉⵏⴻⵎⵀⴰⵍⴻⵏ (ⵎⵓⴷⴰⵔⴰ’) ⵏ ⵜⵉⴳⴰⵡⵜ ⵜⴰⵏⵎⴻⵜⵜⵉⵜ ⴷ ⵜⴻⵎⵙⴻⵜⵍⴻⵍⵜ.
ⵜⵅⴻⴱⴱⴻⵔ-ⴷ ⴷⴰⵖ ⵜⵏⴻⵖⵍⴰⴼⵜ ⵙ ⵓⵙⴻⵏⴼⴰⵔ ⵏ ⵓⵙⵙⴻⴱⴷⴻⴷ ⵏ ⵓⴼⴰⵢⵍⵓ (ⵙⵉⴵⵉⵍ) ⵏ ⵜⵉⴷⴷⵓⴽⵍⵉⵡⵉⵏ ⴰⵢ ⵍⴰ ⵉⵅⴻⴷⴷⵎⴻⵏ ⵙ ⵜⵉⴷⴻⵜ ⴷⴻⴳ ⵡⴻⵏⵔⴰⵔ ⵉ ⵍⵎⴻⵏⴷ ⵏ ⵜⵎⴻⵔⵏⵉⵡⵜ ⵏ ⵍⴻⵎⵄⴰⵡⵏⴰ ⴰⵢ ⵜⴻⵏⵜ-ⵉⴷ-ⵢⴻⵜⵜⵚⴰⵃⴻⵏ.
