Asebter amenzawi

Axemmem ɣef ttawil atrar i lfayda n yigurdisen ad d-yesfaydin seg lemɛawna n unnummed anmetti

LEZZAYER TAMANEɣT– Tenna-d tneɣlaft n temsetlelt (taḍamun), Mounia Meslem, ass n ttlata deg Lezzayer Tamaneɣt, dakken la d-yettili uxemmem ɣef tiddit tamaynut i lfayda n yigurdisen (ḥa’izin ɛala cahadat) ad d-yesfaydin seg ttawilat n lemɛawna i unnummed anmetti d wesnummed n yigurdisen.

Deg yijifeṛ n uneskin (ɛarḍ) ay d-tqeddem sdat tesmilt n tedrimt d umarud n Wegraw Aɣerfan Aɣelnaw deg ukatar n ussukku n tiṭ ɣef lqanun n weslagan amarudan n 2013, tenna-d Massa Meslem dakken la d-ttilint temliliyin aydeg ttekkayen yigensasen n yeɣlifen niḍen, am weɣlif n uxeddim ed win n tedrimt, akken ad d-afen tifratin deg ukatar n ttawilat yellan i lfayda n yilemẓiyen igurdisen.

Txebber-d dakken tettwassebded-d yiwet n tesmilt (laǧna) i uɛawed n tmuɣli deg tukci n yedrimen i yisenfaren ayyes d-telha Tnegga n Tneflit Tanmettit, gar-asen Lezzayer Tamellalt d yixeddimen inefɛen agdud i lmend n ussexdem n yilemẓiyen ay la yettnadin axeddim.

Twekked-d tneɣlaft dduṛ n tiddukliwin tinmettiyin d talsanin (insaniyya) d nitenti ay d ticrikin tigejdanin n weɣlif n temsetlelt, llant deg twilayin yemgerraden yernu xeddment s wemɛawen d yinemhalen (mudara’) n tigawt tanmettit d temsetlelt.

Txebber-d daɣ tneɣlaft s usenfar n ussebded n ufaylu (siǧil) n tiddukliwin ay la ixeddmen s tidet deg wenrar i lmend n tmerniwt n lemɛawna ay tent-id-yettṣaḥen.