Asebter amenzawi

Talɣuɣa n Tefriqt n werfad n tẓayanin: 3 n tazlɣiwin i Lezzayer

YAOUNDE– Terbeḥ-d tnaddalt tadzayrit Ikram Cherrara 3 n tzalɣiwin (1 n weẓref d snat n webṛunz) deg Yaounde, deg telɣuɣa n Tefriqt n werfad n tẓayanin (imeqranen) yellan d tagnit i uɛeddi ɣer Wuraren Ulimpiyen n Rio n 2016.

Cherrara tettekka deg taggayt (fi’a) n 69 n yikilugṛamen yernu terbeḥ-d tazalɣi-nnes n weẓref mi terfed afeggag n 183 n yikilugṛamen, deg wakud aydeg tizalɣiwin n webṛunz terbeḥ-itent-id deg umussu n « weḥwaṣ » (80 n yikilugṛamen) d umussu n « ussersi ɣef tuyat d uzelli » s lmizan n 103 n yikilugṛamen.

Tizalɣiwin n wureɣ deg taggayt-a ṣaḥent-d Takamrunit Fouodji Sonkbou (81 n yikilugṛamen deg umussu n weḥwaṣ) 105 n yikilugṛamen (deg usenned ɣef tuyat ed uzelli) d 186 n yikilugṛamen deg wuɣrid.

Deg taggayt-a daɣ, Maghnia Hammadi tusa-d d tis 6 deg umussu n weḥwaṣ (72 n yikilugṛamen), amussu n usenned ɣef tuyat d uzelli (90 n yikilugṛamen) d 162 n yikilugṛamen (uɣrid).

Ma d tilemẓit Benmiloud Meryem Nada (58 n yikilugṛamen) tusa-d d tis 4 deg taggayt-nnes deg usenned ɣef tuyat d uzelli (91 n yikilugṛamen) yernu d tis 5 deg umussu n weḥwaṣ (73 n yikilugṛamen). Ma deg wuɣrid s sin n yimussa, tessaweḍ ad terfed 164 n yikilugṛamen yernu tessaweḍ s yegmaḍ-a ad terẓ sin n yeklisen (arqam qiyasiyya) idzayriyen.