Asebter amenzawi

Yemmuger Mass Mihoubi aneɣlaf uṛduni aqbur n usselɣu, Samir Motawie

LEZZAYER TAMANEɣT – Yemmuger uneɣlaf n yedles, Azzedine Mihoubi, ass n laṛebɛa tameddit deg Lezzayer Tamaneɣt, aneɣlaf uṛduni aqbur n usselɣu, amaru-aneɣmas d udiplumati, Aduktur Samir Motawie.

Deg yiwet n tseɣrut (taṣriḥ) i tɣemsa ay d-yellan deffir wemyager-a, iwekked Mass Motawie ɣef wassaɣen izaden yellan gar Luṛdun d Lezzayer, am wakken ay d-yessenfali leqder ay yettqadar Amgaru n Weslelli Aɣelnaw n Lezzayer ayɣef d-yenna « wa d iseɣ n Waɛṛaben, ladɣa imi ay d-yella deffir wemgaru aɛṛab-isṛayili n 1948 ».

Tirzi tamezwarut ay d-iga Mass Motawie ɣef Lezzayer tella-d deg yiseggasen imezwura aydeg tewwi Lezzayer azarug (istiqlal), yernu yenna-d dakken yettsemmi-as i Lezzayer, deg yimagraden d yirupuṛṭajen-nnes « umeg (usṭura) n tlelli deg lqern wis 20 ».

Amaru-a yura-d acḥal d adlis ɣef tsertit d umezruy, ladɣa ɣef tmurt n Lurḍun ed temsalt tafalesṭinit, yernu ixebber-d dakken atan la d-yettheyyi adlis ɣef Lezzayer.