ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵀⴻⵔⵜ: ⵉⵎⴻⴽⵙⴰⵡⴻⵏ ⵙⵙⵓⵜⵓⵔⴻⵏ-ⴷ ⴰⵎⵓⵔ ⵙⴻⴳ ⵡⴻⵎⵄⵉⵛ ⵏ ⵍⵎⴰⵍ
ⵜⵉⵀⴻⵔⵜ– ⴰⵣⴰⵍ ⵏ 50 ⵏ ⵢⵉⵎⴻⴽⵙⴰⵡⴻⵏ ⴰⵢ ⵉⴳⴰⵏ ⵜⵉⵖⵉⵎⵉⵜ ⵏ ⵓⵛⵛⴻⵜⴽⵉ ⴰⵙⵙ ⵏ ⵍⴰⵕⴻⴱⵄⴰ ⵙⴷⴰⵜ ⵜⴻⵙⵖⵉⵎⵜ (ⵎⴰⵇⴰⵔ) ⵏ ⵜⴻⵏⵎⵉⵔⴻⴳⵜ ⵏ ⵢⵉⵎⴻⵏⴷⵉ ⴷ ⵜⵉⴷⴰⵍ (ⵅⵓⴹⴰⵔ) ⵜⵉⴽⵉⵡⴰⵏⵉⵏ ⵏ ⵜⵉⵀⴻⵔⵜ ⴰⴽⴽⴻⵏ ⴰⴷ ⵙⵙⵓⵜⵔⴻⵏ ⴰⵎⵓⵔ ⵙⴻⴳ ⵡⴻⵎⵄⵉⵛ ⵏ ⵍⵎⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵡⴰⵍⴰ.
ⵉⵎⵛⴻⵜⴽⵉⵢⴻⵏ-ⴰ ⵏⵏⴰⵏ-ⴷ ⴷⴰⴽⴽⴻⵏ ⵜⴻⵍⵍⴰ « ⵜⵃⵉⵍⴻⵜ » ⴷⴻⴳ ⵓⵙⵙⴻⵏⵣⵉ ⵏ ⵡⴻⵎⵄⵉⵛ ⵏ ⵍⵎⴰⵍ ⴰⵢⴷⴻⴳ ⵍⴰ ⴷ-ⵢⴻⵜⵜⵄⴰⵡⴰⵏ ⵓⵡⴰⵏⴰⴽ (ⴷⴰⵡⵍⴰ), ⴰⵎ ⵡⴰⴽⴽⴻⵏ ⴰⵢ ⴷ-ⵔⵏⴰⵏ ⴷⴰⴽⴽⴻⵏ ⴽⵔⴰ ⵏ ⵢⵉⵎⴻⴽⵙⴰⵡⴻⵏ ⵢⴻⵜⵜⵓⵏⴻⴼⴽ-ⴰⵙⴻⵏ-ⴷ ⵓⵎⵓⵔ ⴰⵢ ⵜⵜⴰⵍⴰⵙⴻⵏ, ⵡⵉⵢⴰⴹ ⵜⵜⵓⵏⴻⴼⴽⴻⵏ-ⴰⵙⴻⵏ-ⴷ ⵓⵎⵓⵔ ⵡⵉⵙ ⵙⵉⵏ, ⵎⴰ ⴷ ⴰⵎⵓⵔ ⵡⵉⵙ ⴽⵔⴰⴹ, ⵢⴻⵜⵜⵓⵏⴻⴼⴽ ⴰⵍⴰ ⵉ ⴽⵔⴰ ⵏ ⵢⵉⵎⴻⴽⵙⴰⵡⴻⵏ.
ⵏⵏⴰⵏ-ⴷ ⴷⴰⵖ ⴷⴰⴽⴽⴻⵏ ⴷ ⵜⵉⵙⵎⴻⴽⵜⵉⵡⵉⵏ (ⴽⴰⵎⵎⵉⵢⵢⴰⵜ) ⵜⵉⵎⴻⵇⵔⴰⵏⵉⵏ ⵏ ⵡⴻⵎⵄⵉⵛ ⵏ ⵍⵎⴰⵍ ⴰⵢ ⵡⵡⵉⵏ ⵡⵉⴷ ⴰⴷ ⴰⵙⴻⵏⵜ-ⵉⵄⴰⵡⴷⴻⵏ ⴰⵙⵙⴻⵏⵣⵉ ⴷⴻⴳ ⵙⵙⵓⵇ ⴰⴱⴻⵔⴽⴰⵏ.
ⴰⵏⴻⵎⵀⴰⵍ ⵏ ⵜⴻⵏⵎⵉⵔⴻⴳⵜ ⵏ ⵢⵉⵎⴻⵏⴷⵉ ⴷ ⵜⵉⴷⴰⵍ ⵜⵉⴽⵉⵡⴰⵏⵉⵏ ⵏ ⵜⵉⵀⴻⵔⵜ, ⴽⴰⴷⴰ ⴳⵧⵓⵙⵙⴻⵎ, ⵢⴻⵏⵏⴰ-ⴷ ⴷⴰⴽⴽⴻⵏ ⵉⵎⴻⴽⵙⴰⵡⴻⵏ ⵏ ⵜⵡⵉⵍⴰⵢⵜ ⵏ ⵜⵉⵀⴻⵔⵜ ⵙⴼⴰⵢⴷⵉⵏ-ⴷ ⵙⴻⴳ ⵙⵉⵏ ⵏ ⵢⵉⵎⵓⵔⴻⵏ ⵏ ⵡⴻⵎⵄⵉⵛ ⵢⴻⵔⵏⵓ ⵓⵔ ⵢⴻⵜⵜⵡⴰⴼⵔⴻⵇ ⵓⵎⵓⵔ ⵡⵉⵙ ⴽⵔⴰⴹ.
4000 ⵏ ⵢⵉⵎⴻⴽⵙⴰⵡⴻⵏ ⴰⵢ ⵢⴻⵎⵎⴻⵕⴽⴰⵏ ⴷⴻⴳ ⵜⴻⵏⵎⵉⵔⴻⴳⵜ-ⴰ, ⵢⴻⵔⵏⵓ ⵍⴰ ⵜⴻⵜⵜⴻⴳ ⵢⵉⵡⴻⵜ ⵏ ⵜⴻⵙⵎⵉⵍⵜ (ⵍⴰⴵⵏⴰ) ⵜⴰⵖⵍⵉⴼⴰⵏⵜ ⴰⵃⵜⴰⵛ ⴷⴻⴳ ⵜⴻⵏⵎⵉⵔⴻⴳⵜ-ⴰ ⵖⴻⴼ ⵢⵉⵡⴻⵜ ⵏ ⵜⴻⵎⵙⴰⵍⵜ ⵏ ⵜⵊⵓⵄⴰⵍ. ⵜⴰⵙⵎⵉⵍⵜ-ⴰ ⴰⴷ ⴷ-ⵜⴻⵔⵣⵓ ⴰⵙⵙ ⵏ ⵍⴻⵅⵎⵉⵙ ⵉ ⵜⵉⴽⴽⴻⵍⵜ ⵜⵉⵙ ⵙⵏⴰⵜ ⵖⴻⴼ ⵜⴻⵏⵎⵉⵔⴻⴳⵜ-ⴰ ⴰⴽⴽⴻⵏ ⴰⴷ ⵜⴽⴻⵎⵎⴻⵍ ⴰⵃⵜⴰⵛ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵜⵡⵉⵍⴰⵢⵜ.
