Asebter amenzawi

Tihert: imeksawen ssuturen-d amur seg wemɛic n lmal

TIHERT– Azal n 50 n yimeksawen ay igan tiɣimit n uccetki ass n laṛebɛa sdat tesɣimt (maqar) n Tenmiregt n Yimendi d Tidal (xuḍar) Tikiwanin n Tihert akken ad ssutren amur seg wemɛic n lmal, ɣef wakken ay d-nwala.

Imcetkiyen-a nnan-d dakken tella « tḥilet » deg ussenzi n wemɛic n lmal aydeg la d-yettɛawan uwanak (dawla), am wakken ay d-rnan dakken kra n yimeksawen yettunefk-asen-d umur ay ttalasen, wiyaḍ ttunefken-asen-d umur wis sin, ma d amur wis kraḍ, yettunefk ala i kra n yimeksawen.

Nnan-d daɣ dakken d tismektiwin (kammiyyat) timeqranin n wemɛic n lmal ay wwin wid ad asent-iɛawden assenzi deg ssuq aberkan.

Anemhal n Tenmiregt n Yimendi d Tidal Tikiwanin n Tihert, Kada Goussem, yenna-d dakken imeksawen n twilayt n Tihert sfaydin-d seg sin n yimuren n wemɛic yernu ur yettwafreq umur wis kraḍ.

4000 n yimeksawen ay yemmeṛkan deg Tenmiregt-a, yernu la tetteg yiwet n tesmilt (laǧna) taɣlifant aḥtac deg Tenmiregt-a ɣef yiwet n temsalt n tjuɛal. Tasmilt-a ad d-terzu ass n lexmis i tikkelt tis snat ɣef Tenmiregt-a akken ad tkemmel aḥtac-nnes, ɣef wakken ay d-nnan yimeẓla (maṣaliḥ) n twilayt.