ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴰⴳⴻⵏ ⵏ ⵡⴻⵀⵕⴰⵏ: ⵉⵡⴰⵎⵏⵉⵢⴻⵏ ⵜⴻⵛⵖⴻⴱ-ⵉⵜⴻⵏ ⵜⴻⵎⵙⴰⵍⵜ ⵏ ⵓⵙⵙⴻⵡⵊⴻⴷ ⵉ ⵓⵎⵎⴰⴳⴻⵔ ⵏ ⵢⵉⵎⵉⵏⵉⴳⴻⵏ
ⵡⴻⵀⵕⴰⵏ – ⵙⴼⴻⵇⴷⴻⵏ ⴽⵔⴰ ⵏ ⵢⵉⵎⴰⵙⵍⴰⴹⴻⵏ ⵏ ⵜⴻⵙⵎⵉⵍⵜ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ, ⴰⵙⴰⴳⴻⵏ (ⵎⵉⵏⴰ’) ⵏ ⵡⴻⵀⵕⴰⵏ ⴰⴽⴽⴻⵏ ⴰⴷ ⵥⵔⴻⵏ ⵙⴰⵏⴷⴰ ⴰⵢ ⵢⴻⵡⵡⴻⴹ ⵓⵙⵙⴻⵡⵊⴻⴷ ⵉ ⵓⵎⵎⴰⴳⴻⵔ ⵏ ⵢⵉⵎⵉⵏⵉⴳⴻⵏ.
ⵙ ⵡⴰⵢⴰ, ⵥⵔⴰⵏ-ⴷ ⵜⵜⴰⵡⵉⵍⴰⵜ ⴰⵢ ⴷ-ⵢⴻⵜⵜⵡⴰⵀⴻⵢⵢⴰⵏ ⵉ ⵡⴰⵢⴰ, ⵍⴰⴷⵖⴰ ⵜⴰⵍⵍⵓⵏⵜ-ⵏⵏⵉ ⵜⵓⵄⴹⵉⵍⵜ ⵏ ⵔⵔⴻⴽⴱⴰ ⴷ ⵡⴰⵡⵡⴰⴹ ⴰⵢ ⴷ-ⵢⴻⵜⵜⵡⴰⵅⴻⴷⵎⴻⵏ ⵙⴻⴳ ⵍⴻⵄⴹⵉⵍ ⴰⴷ ⵉⴼⴰⴽ ⵓⵙⴻⵏⴼⴰⵔ ⵏ ⵓⵙⵙⴻⵜⵔⴻⵔ (ⵄⴰⵚⵔⴰⵏⴰ) ⵏ ⵓⵙⴰⴳⴻⵏ-ⴰ.
ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵇⴻⵢⵢⴻⵎ ⴰⵢⴷⴻⴳ ⵃⴻⴷⵕⴻⵏ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵢⵉⵎⴻⵥⵍⴰ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷⴻⴳ ⵓⵙⴰⴳⴻⵏ-ⴰ, ⴳⴰⵔ-ⴰⵙⴻⵏ ⵉⴳⴻⵏⵙⴰⵙⴻⵏ ⵏ ⵜⴻⴷⵡⴰⵏⵜ, ⵏ ⵜⴻⵎⵙⵓⵍⵜⴰ (ⵛⵓⵔⵟⴰ) ⵏ ⵜⵍⵉⵙⴰ, ⵏ ⵜⴻⵕⵎⵉⵙⵜ ⵜⴰⵙⴰⴳⵏⴰⵏⵜ ⵏ ⵡⴻⵀⵕⴰⵏ, ⵜⴰⵕⵎⵉⵙⵜ ⵏ ⵓⵎⴻⵙⵏⵉ ⴰⵡⵍⴰⵍ ⵏ ⵢⴻⵎⵙⵉⴽⵍⴻⵏ, ⵙⵃⴰⵙⵙⴼⴻⵏ ⵢⵉⵡⴰⵎⵏⵉⵢⴻⵏ ⵉⵎⵉ ⵡⴻⵔⵄⴰⴷ ⵓⵔ ⵉⴼⵓⴽ ⵓⵙⴻⵏⴼⴰⵔ ⵏ ⵓⵙⵙⴻⵜⵔⴻⵔ ⵏ ⵓⵙⴰⴳⴻⵏ ⵍⴰⴷⵖⴰ ⵉⵎⵉ ⴰⵢ ⴷ-ⵢⴻⴳⵍⴰ ⵡⴰⵢⴰ ⵙ ⵍⴰⵜⴻⵕ ⵖⴻⴼ ⵓⵎⵎⴰⴳⴻⵔ ⵏ ⵢⴻⵎⵙⵉⴽⵍⴻⵏ.
ⵜⴰⴳⵏⵉⵜ ⵏ ⵓⵙⴰⴳⴻⵏ ⵏ ⵡⴻⵀⵕⴰⵏ ⴷ ⵜⵉⵏ ⵢⴻⵃⵡⴰⵊⴻⵏ ⵍⵡⴻⵍⵀⴰ ⵏ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ (ⵙⵓⵍⵓⵟⴰⵜ ⵄⵓⵎⵓⵎⵉⵢⵢⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⵙⵎⵉⵍⵜ-ⴰ ⵜⴰⵡⴰⵎⵏⵉⵜ (ⴱⴰⵔⵍⴰⵎⴰⵏⵉⵢⵢⴰ), ⵏⵧⵓⵔⴻⴷⵉⵏⴻ ⴱⴻⵍⵎⴻⴷⴷⴰⵀ, ⴰⵢ ⴷ-ⵉⵅⴻⴱⴱⵔⴻⵏ ⴷⴰⴽⴽⴻⵏ ⵜⴰⵙⵎⵉⵍⵜ-ⴰ « ⴰⴷ ⴰⵙ-ⵜⴻⵙⵙⵓⵜⴻⵔ ⵉ ⵓⵏⴻⵖⵍⴰⴼ ⵏ ⵓⵎⴻⵙⵏⵉ ⴰⴷ ⵢⴻⴳ ⴰⵃⵜⴰⵛ ⵖⴻⴼ ⵜⴻⴳⵏⵉⵜ-ⴰ ».
ⵎⴰ ⴷ ⴰⵎⴰⵙⴰⵢ (ⵎⴰⵙ’ⵓⵍ) ⵏ ⵜⴻⵕⵎⵉⵙⵜ ⵜⴰⵙⴰⴳⵏⴰⵏⵜ ⵏ ⵡⴻⵀⵕⴰⵏ ⵢⴻⵏⵏⴰ-ⴷ ⴷⴰⴽⴽⴻⵏ « ⵉⵎⴰⵀⵉⵍⴻⵏ (ⴰⵛⵖⴰⵍ) ⵓⵔ ⵣⴻⵎⵎⵔⴻⵏ ⴰⴷ ⴼⴰⴽⴻⵏ ⴰⵙⴻⴳⴳⴰⵙ-ⴰ ⵖⴻⴼ ⵍⴵⴰⵍ ⵏ ⵓⵄⴻⴹⴹⴻⵍ ⴷⴻⴳ ⵜⵙⴻⴽⴽⵉⵔⵉⵏ ⵏ ⵍⴻⵄⵇⵓⴷⴰⵜ ⵉⵏⴰⴳⴷⵓⴷⴻⵏ ⴷ ⵜⴻⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵜⴻⴷⵔⵉⵎⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵙⴻⵏⴼⴰⵔ-ⴰ ⵓⵔ ⴷ-ⵉⵡⴻⵊⵊⴻⴷ ⴰⵔⵎⴰ ⴷ ⴰⵏⴻⴱⴷⵓ ⵏ 2017.
