Asebter amenzawi

Asagen n Wehṛan: iwamniyen tecɣeb-iten temsalt n ussewjed i ummager n yiminigen

WEHṚAN – Sfeqden kra n yimaslaḍen n Tesmilt n Tɣawsiwin n Wezɣar n Wegraw Aɣerfan Aɣelnaw, ass n laṛebɛa tameddit, asagen (mina’) n Wehṛan akken ad ẓren sanda ay yewweḍ ussewjed i ummager n yiminigen.

S waya, ẓran-d ttawilat ay d-yettwaheyyan i waya, ladɣa tallunt-nni tuɛḍilt n rrekba d wawwaḍ ay d-yettwaxedmen seg leɛḍil ad ifak usenfar n ussetrer (ɛaṣrana) n usagen-a.

Deg yiwet n temlilit n uqeyyem aydeg ḥedṛen yigensasen (mumattilin) n yimeẓla ay terza temsalt deg usagen-a, gar-asen igensasen n tedwant, n temsulta (curṭa) n tlisa, n Teṛmist Tasagnant n Wehṛan, Taṛmist n Umesni Awlal n Yemsiklen, sḥassfen yiwamniyen imi werɛad ur ifuk usenfar n ussetrer n usagen ladɣa imi ay d-yegla waya s lateṛ ɣef ummager n yemsiklen.

Tagnit n usagen n Wehṛan d tin yeḥwajen lwelha n yiduba inagduden (suluṭat ɛumumiyya), ɣef wakken ay d-yenna uselway n tesmilt-a tawamnit (barlamaniyya), Nouredine Belmeddah, ay d-ixebbren dakken tasmilt-a « ad as-tessuter i uneɣlaf n umesni ad yeg aḥtac ɣef tegnit-a ».

Ma d amasay (mas’ul) n Teṛmist Tasagnant n Wehṛan yenna-d dakken « imahilen (acɣal) ur zemmren ad faken aseggas-a ɣef lǧal n uɛeḍḍel deg tsekkirin n leɛqudat inagduden d temsal yeqqnen ɣer tedrimt », am wakken ay d-yenna dakken asenfar-a ur d-iwejjed arma d anebdu n 2017.