Asebter amenzawi
Yeqbel uneɣlaf n tɣawsiwin n ddin ad d-yettili usarag agraɣlan n wemciweṛ gar tɣermiwin deg Bgayet
BGAYET– Yeqbel uneɣlaf n tɣawsiwin n ddin, Mohamed Aissa, ass n lexmis akken ad yettwassudu (ma’sasa) n yiwen n usarag agraɣlan ɣef wemciweṛ gar yidelsan d tɣermiwin deg Bgayet d ukemmel n usarag-a s terkeft (qafila) ad d-yezzin ɣef temnaḍin yemgerraden i uweṣṣi n medden ɣef tuḍḍfan n tlemmast d yimenɣi mgal tekta timeḍḍurfa.
« Wa ur d-yettili kan d asarag agraɣlan ɣef wemciweṛ gar tɣermiwin d yidelsan, wanag ad d-yili d amciweṛ d yedles s teɣzef n useggas, d amciweṛ gar ddyanat ad d-yekken seg Bgayet yernu ad yettwazreɛ deg wakk timnaḍin n Lezzayer s terkeft n ddin d yedles aydeg ad ttekkin yimassanen d waggagen (mutaqqafin) n Bgayet d twilayin ayɣef ad terzu », ɣef wakken ay d-yenna uneɣlaf.
Mass Aissa yenna-d daɣ dakken ta d tagnit i wemciweṛ, maci ala gar kan ddyanat yemgerraden, wanag ula gar warraw n yiwen n ddin.
Dɣa, i lmend n waya, yenna-d dakken tirkeft-a tezmer ad d-terr lwelha-nnes ɣer ṣṣifat tidiganin (maḥalliyya) n temnaḍin ayɣef ad terzu, am temnaḍt n Tɣerdayt d twilayin niḍen.
ɣef leḥsab n uneɣlaf, afran n Bgayet akken ad d-yili waya ur d-yelli deg lbaṭel. Nnig n ussuter n yimezdaɣen n temdint-a akken ad d-tili tedyant-a deg Bgayet, « tamnaḍt-a tella-d daɣ d aɣrab iḥerzen tamurt seg tenbaẓt (ɣazw) n ṭṭayfat d tiḍḍurfa, yernu tewjed akken ad tesnerni idles n weskar (iɛtidal) d tuḍḍfa n tlemmast yellan d timuɣliwin ay d-yettwaweṛten seg Tqerṭubt d Icbiyla », ɣef wakken ay d-yenna.
S waya, yenna-d uneɣlaf dakken Bgayet tuklal ad tettwafren d amkan i waya imi ay d-tewṛet amur ameqran seg yimassanen andalusiyen.
Asarag-a ad yili d akemmel n uxeddim n teẓrigt 1ut n Wussan Iɣelnawen n Twelhiwin Tinselmin Tidzayriyin ay yebdan ass n lexmis deg Wammas Adelsan ed Yislaman n Bgayet, ɣef wakken ay d-yenna uneɣlaf ay d-ixebbren dakken tawilayt teqbel asarag-a yernu yers ddaw leɛnaya n uselway n tegduda.
