ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⴷⵣⴰⵢⵔⵉⵢⴻⵏ ⵢⴻⴷⴷⵔⴻⵏ ⴷⴻⴳ ⵡⴻⵣⵖⴰⵔ ⴰⴷ ⵣⴻⵎⵔⴻⵏ ⴰⴷ ⵙⵔⵓⵙⵓⵢⴻⵏ ⵉⴷⵔⵉⵎⴻⵏ-ⵏⵙⴻⵏ ⵉⴱⴻⵕⵕⴰⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ
ⵡⴻⵀⵕⴰⵏ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⴷⵔⵉⵎⵜ, ⴰⴱⴷⴻⵔⵔⴰⵀⵎⴰⵏⴻ ⴱⴻⵏⴽⵀⴰⵍⴼⴰ, ⴰⵙⵙ ⵏ ⵍⴻⵅⵎⵉⵙ ⵜⴰⵎⴻⴷⴷⵉⵜ ⴷⴻⴳ ⵡⴻⵀⵕⴰⵏ, ⴷⴰⴽⴽⴻⵏ ⵙⴻⴳ ⵢⵓⵏⵢⵓ ⴷ ⴰⵙⴰⵡⴻⵏ, ⴰⴷ ⵓⵖⴰⵍⴻⵏ ⵢⵉⴷⵣⴰⵢⵔⵉⵢⴻⵏ ⵢⴻⴷⴷⴻⵏ ⴷⴻⴳ ⵡⴻⵣⵖⴰⵔ ⵣⴻⵎⵔⴻⵏ ⴰⴷ ⵔⴻⵥⵎⴻⵏ ⵉⵎⵉⴹⴰⵏⴻⵏ (ⵃⵉⵙⴰⴱⴰⵜ) ⵏ ⵜⴱⴰⵏⴽⴰ ⴷⴻⴳ ⵍⴻⵣⵣⴰⵢⴻⵔ ⵙ ⵢⴻⴷⵔⵉⵎⴻⵏ ⵉⴱⴻⵕⵕⴰⵏⵉⵢⴻⵏ.
« ⵍⴰ ⵏⴻⵙⵙⴻⴼⵔⴰⵢ ⴰⴷ ⴷ-ⵏⴻⴱⴷⵓ ⵛⵛⵖⴻⵍ ⴷ ⴰⵎⴰⵢⵏⵓ ⴷⴻⴳ ⵡⴰⵢⵢⵓⵔ-ⴰ ⵏ ⵢⵓⵏⵢⵓ, ⴷ ⵡⵉⵏ ⴰⴷ ⵢⴻⴵⴵⴻⵏ ⵉⴷⵣⴰⵢⵔⵉⵢⴻⵏ ⵢⴻⴷⴷⵔⴻⵏ ⴷⴻⴳ ⵡⴻⵣⵖⴰⵔ ⴰⴷ ⵔⴻⵥⵎⴻⵏ ⵉⵎⵉⴹⴰⵏⴻⵏ ⵉⴱⴰⵏⴽⴰⵏⴻⵏ ⵙ ⵢⴻⴷⵔⵉⵎⴻⵏ ⵉⴱⴻⵕⵕⴰⵏⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵙⵙⴻⴼⵇⴻⴷ ⵏ ⵡⴰⵛⵃⴰⵍ ⵏ ⵜⵏⴻⴳⴳⵉⵡⵉⵏ (ⵡⴰⴽⴰⵍⴰⵜ) ⵏ ⵜⴱⴰⵏⴽⵉⵡⵉⵏ ⵜⵉⵏⴰⴳⴷⵓⴷⵉⵏ (ⵄⵓⵎⵓⵎⵉⵢⵢⴰ) ⴷⴻⴳ ⵜⵡⵉⵍⴰⵢⵜ ⵏ ⵡⴻⵀⵕⴰⵏ.
ⴰⵃⴻⵣⵣⵉⴱ-ⴰ ⴰⴷ ⵢⴻⴵⴵ ⵉⴷⵣⴰⵢⵔⵉⵢⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵡⴻⵣⵖⴰⵔ ⴰⴷ ⵃⴻⵔⵣⴻⵏ ⵉⴷⵔⵉⵎⴻⵏ-ⵏⵙⴻⵏ ⴷⴻⴳ ⵜⵎⵓⵔⵜ-ⵏⵙⴻⵏ, ⵍⴰⴷⵖⴰ ⵖⴻⴼ ⵍⴵⴰⵍ ⵏ ⵢⵉⴱⴻⴷⴷⵉⵍⴻⵏ ⵉⵎⴻⵇⵔⴰⵏⴻⵏ ⴰⵢ ⵉⵃⵓⵣⴰⵏ ⴽⵔⴰ ⵏ ⵜⴻⵎⵏⴰⴹⵉⵏ ⵏ ⵓⵎⴰⴹⴰⵍ, ⴷ ⵉⴱⴻⴷⴷⵉⵍⴻⵏ ⴰⵢ ⵉⵣⴻⵎⵔⴻⵏ ⴰⴷ ⵃⴻⵜⵜⵎⴻⵏ ⴽⵔⴰ ⵏ ⵢⵉⴷⵣⴰⵢⵔⵉⵢⴻⵏ ⴰⴷ ⴷ-ⵓⵖⴰⵍⴻⵏ ⴰⴷ ⵣⴻⴷⵖⴻⵏ ⴷⴻⴳ ⵜⵎⵓⵔⵜ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵜⴰⵎⵀⴻⵍⵜ-ⴰ (ⵄⴰⵎⴰⵍⵉⵢⵢⴰ) ⵜⴻⵍⵍⴰ-ⴷ ⴷ ⴰⵃⵔⵉⵛ ⵙⴻⴳ ⵜⵏⴻⴼⵍⵉⵜ ⵏ ⵜⴱⴰⵏⴽⵉⵡⵉⵏ ⵜⵉⴷⵣⴰⵢⵔⵉⵢⵉⵏ ⴰⵢ ⵢⴻⴱⵖⴰⵏ ⴰⴷ ⵙⵎⴻⵖⵔⴻⵏⵜ ⴰⵎⴹⴰⵏ ⵏ ⵢⵉⵎⵉⴹⴰⵏⴻⵏ ⵉⴱⴰⵏⴽⴰⵏⴻⵏ ⵙⴻⴳ 7 ⵖⴻⵔ 17 ⵏ ⵢⵉⵎⴻⵍⵢⵓⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵄⴻⵢⵢⴻⵏ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵙⵙⴻⴽⴽⵉ ⵏ ⵢⴻⴷⵔⵉⵎⴻⵏ ⵙⴻⴳ ⵍⴻⵣⵣⴰⵢⴻⵔ ⵖⴻⵔ ⵜⴱⴰⵏⴽⵉⵡⵉⵏ ⵜⵉⴱⴻⵕⵕⴰⵏⵉⵢⵉⵏ ⵢⴻⵣⵎⴻⵔ ⴰⴷ ⴷ-ⵢⴻⴳⵍⵓ ⵙ ⵡⴰⵢⴻⵏ ⵏ ⴷⵉⵔⵉ, ⵍⴰⴷⵖⴰ ⵉⵎⵉ ⵉⴷⵔⵉⵎⴻⵏ-ⴰ ⵢⴻⵣⵎⴻⵔ ⴰⴷ ⵢⴻⵡⵄⴻⵕ ⴰⴷ ⵜⴻⵏ-ⵉⴷ-ⵢⴻⵔⵔ ⴱⴰⴱ-ⵏⵙⴻⵏ ⵎⴰ ⵉⴱⴻⴷⴷⴻⵍ ⵍⵇⴰⵏⵓⵏ (ⴰⴱⵟⴰⵍ ⵏ ⵍⵠⵉⵣⴰⵜ ⵏⴻⵖ ⵓⴳⵓⵔⴻⵏ ⵏⵉⴹⴻⵏ).
