ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴼⴰⵙⴽⴰ ⵜⵓⵕⵓⴼⵉⵜ ⵜⵉⵙ 17 ⴷⴻⴳ ⵍⴻⵣⵣⴰⵢⴻⵔ: ⵜⴰⵖⴻⵛⵜ ⵜⴰⵎⴰⵢⵏⵓⵜ ⵏ ⵓⵥⴰⵡⴰⵏ ⵏ ⵓⴼⴰⴷⵧ ⴷⴻⴳ ⵜⵎⴰⵏⴻⵖⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵍⵍⴰ-ⴷ ⵓⴱⴰⵔⴰⵣ (ⵃⴰⴼⵍ) ⵏ ⵓⵥⴰⵡⴰⵏ ⵏ ⵓⴼⴰⴷⵧ ⴰⵢⴷⴻⴳ ⵢⴻⵅⵍⴻⴹ ⵓⵥⴰⵡⴰⵏ ⴰⵎⴻⵏⵙⴰⵢ ⴷ ⵡⴻⵜⵔⴰⵔ ⴰⵙⵙ ⵏ ⵍⴻⵅⵎⵉⵙ ⵜⴰⵎⴻⴷⴷⵉⵜ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵙ ⵜⴰⵖⴻⵛⵜ ⵏ ⵜⵛⴻⵏⵏⴰⵢⵜ ⵜⴰⵒⵓⵕⵜⵓⴳⴰⵍⵉⵜ ⵛⵍⴰⵓⴷⵉⴰ ⵎⴰⴷⵓⵔ, ⴷ ⵜⴰⵎⴻⵖⵔⴰ ⴰⵢⴷⴻⴳ ⵃⴻⴷⵕⴻⵏ ⴰⵟⴰⵙ ⵏ ⵍⵖⴰⵛⵉ.
ⵎⴰⴷⵓⵔ, ⴰⵢ ⵢⴻⵜⵜⴻⴽⴽⴰⵏ ⵙ ⵢⵉⵙⴻⵎ ⵏ ⵒⵓⵕⵜⵓⴳⴰⵍ ⴷⴻⴳ ⵜⴻⵥⵔⵉⴳⵜ-ⴰ ⵜⵉⵙ 17 ⵏ ⵜⴼⴰⵙⴽⴰ ⵜⴰⴷⴻⵍⵙⴰⵏⵜ ⵜⵓⵕⵓⴼⵉⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵜⴻⵙⵙⴽⴻⵏ-ⴷ ⵉ ⵡⴰⵢⵜ ⵜⵎⴰⵏⴻⵖⵜ ⴰⴱⵔⵉⴷ ⴰⵎⴰⵢⵏⵓ ⴰⵢ ⵢⵓⵖ ⵓⵥⴰⵡⴰⵏ ⵏ ⵓⴼⴰⴷⵧ. ⵜⴰⴼⴰⵙⴽⴰ-ⴰ, ⵉ ⵡⴻⵙⵎⴻⴽⵜⵉ, ⵍⴰ ⴷ-ⵜⴻⵜⵜⵉⵍⵉ ⵙⴻⴳ ⵡⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ, ⴱⴳⴰⵢⴻⵜ ⴻⴷ ⵜⵉⵣⵉ ⵡⴻⵣⵣⵓ.
ⵙ ⵜⴰⵖⴻⵛⵜ-ⵏⵏⴻⵙ ⵜⵓⵃⵣⵉⵏⵜ, ⵉⵊⴻⵀⴷⴻⵏ ⵢⴻⵔⵏⵓ ⵢⴻⵜⵜⵀⴻⴷⴷⵉⵏⴻⵏ, ⵜⴻⵙⵙⴰⵡⴻⴹ ⵛⵍⴰⵓⴷⵉⴰ ⵎⴰⴷⵓⵔ ⴰⴷ ⵜⴻⵙⵙⴻⵙⴽⴻⵕ ⵍⴻⵅⵡⴰⴹⴻⵔ ⵏ ⵢⴻⵎⴼⴻⵕⵕⴵⴻⵏ ⵙ ⵢⵉⵙⴻⴼⵔⴰ ⵏ ⵓⵥⴰⵡⴰⵏ ⴰⴽⴻⵍⵙⴰⴽ ⵏ ⵓⴼⴰⴷⵧ, ⴷ ⴰⵥⴰⵡⴰⵏ ⵏ ⵓⵎⵎⴻⴽⵜⵉ ⵏ ⵡⴰⵢⴻⵏ ⵢⴻⵣⵔⵉⵏ, ⵏ ⵡⴻⵙⵃⵉⵙⵙⴻⴼ ⵖⴻⴼ ⵜⴰⵢⵔⵉ ⵓⵔ ⵢⴻⴵⴵⵓⴵⴳⴻⵏ ⴷ ⵓⵏⵏⴻⵊⵍⵉ. ⵢⴻⴼⴽⴰ-ⴷ ⴷⴰⵖ ⵓⵥⴰⵡⴰⵏ-ⵏⵏⴻⵙ ⵜⴰⵎⵓⵖⵍⵉ ⵖⴻⴼ ⵢⵉⵣⴻⵏⵇⴰⵏ ⵏ ⵍⵉⵙⴱⵓⵏ, ⵜⴰⵎⴰⵏⴻⵖⵜ ⵏ ⵒⵓⵕⵜⵓⴳⴰⵍ ⴰⵢⴷⴻⴳ ⴷ-ⵉⵍⵓⵍ ⵓⵥⴰⵡⴰⵏ-ⴰ ⵢⴻⵜⵜⵡⴰⵃⴻⵔⵣⴻⵏ ⵖⴻⵔ ⵓⵏⴻⵙⵛⵧ ⴷⴻⴳ 2011.
ⴷⴻⴳ ⵜⵓⵔⴰⵔⵜ-ⵏⵏⴻⵙ, ⵜⴻⴼⴽⴰ ⵜⵛⴻⵏⵏⴰⵢⵜ-ⴰ ⵜⵉⵍⴻⵍⵍⵉ ⵉ ⵢⵉⵎⴰⵏ-ⵏⵏⴻⵙ ⴷⴻⴳ ⵢⵉⵙⴻⴼⵔⴰ, ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⵍⵍⴰⵍⴻⵏ ⵢⴻⴷⴷⴰⵏ ⴷ ⵜⴰⵖⴻⵛⵜ-ⵏⵏⴻⵙ ⴷ ⵉⵎⴻⵏⵙⴰⵢⴻⵏ, ⴷ ⵡⵉⴷ ⴰⵢⵢⴻⵙ ⵢⴻⵜⵜⵡⴰⵙⵙⴻⵏ ⵓⵥⴰⵡⴰⵏ ⵏ ⵓⴼⴰⴷⵧ. ⵙ ⵡⴰⵢⴰ, ⵜⴻⵛⵏⴰ-ⴷ ⵛⵍⴰⵓⴷⵉⴰ ⵎⴰⴷⵓⵔ ⵙ ⵓⵥⴰⵡⴰⵏ ⵏ ⵜⴳⵉⵟⴰⵔⵜ ⵜⴰⵒⵓⵕⵜⵓⴳⴰⵍⵉⵜ (ⵉⴳⴰⵏ ⴰⵎ ⵜⵎⵓⵏⴷⵓⵍⵉⵏⵜ) ⴷ ⵙⵏⴰⵜ ⵏ ⵜⴳⵉⵟⴰⵔⵉⵏ ⵜⵉⴽⵉⵡⴰⵏⵉⵏ.
ⵛⵛⵏⴰ ⵏ ⵎⴰⴷⵓⵔ ⵜⴻⵎⵙⴻⴹⴼⴰⵔ ⴷⴻⴳ-ⵙ ⵜⵉⵥⴻⴹⵜ ⵏ ⵢⵉⵎⴻⵙⵍⵉ ⴷ ⵕⵕⵓⵃ ⵏ ⵜⵎⴻⵖⵔⴰ, ⴷ ⵓⵔⴰⵔ ⵢⴻⵜⵜⵄⴻⴷⴷⵉⵏ ⵙⴻⴳ ⵓⵃⵓⵍⴼⵓ ⵖⴻⵔ ⵡⴰⵢⴻⴹ, ⵙⴻⴳ ⵜⴰⵥⴻⵢⵜ ⵖⴻⵔ ⵓⵏⵏⴻⴼⵙⵓⵙⵉ, ⵢⴻⵔⵏⵓ ⴷ ⴰⵢⴰ ⴰⵢ ⵜⵜ-ⵢⴻⴵⴵⴰⵏ ⴰⴷ ⴷ-ⵜⴻⴼⴽ ⴰⵥⴰⵡⴰⵏ ⴰⵢⴷⴻⴳ ⵢⴻⵅⵍⴻⴹ ⵓⴼⴰⴷⵧ ⴰⴽⴻⵍⵙⴰⴽ ⴻⴷ ⵜⵓⴱⴱⵉⵢⵉⵏ ⴰⵢ ⴷ-ⵜⴻⵙⵏⵓⵍⴼⴰ ⵏⴻⵜⵜⴰⵜ ⵙ ⵓⵖⴰⵏⵉⴱ (ⵏⴰⵎⴰⵟ) ⴰⵜⵔⴰⵔ, ⵢⴻⵔⵏⵓ ⴷ ⴰⵢⴰ ⴰⵢ ⵉⵄⴻⵊⴱⴻⵏ ⵉⵎⴼⴻⵕⵕⴵⴻⵏ-ⵏⵏⴻⵙ ⴷⴻⴳ ⵜⵣⴻⵖⵖⴰ ⵏ ⵉⴱⵏ ⵣⴰⵢⴷⵧⵓⵏ, ⴷⴻⴳ ⵔⵉⴰⴷⵀ ⴻⵍ ⴼⴰⵜⵀ.
