Asebter amenzawi

Asɛeddi n usaru n « Tudert n tigganit: tasefrant d wezbu deg Uneẓruf Utrim » deg Bruxelles

BRUXELLES – Sɛeddan-d ass n lexmis tameddit, deg Tesdawit Tilellit n Bruxelles, afetraw (wata’iqi) n « Tudert n tigganit: tasefrant ed wezbu deg Uneẓruf Utrim » n temseḍrut tabrizilit Lara Lee, yernu feṛṛǧen-t yinelmaden ay d-yusan ad ssnen tamsalt taṣeḥrawit, d kra seg wid yellan seg zik kkaten ɣef temsalt-a.

Afetraw-a n 59 n tedqiqin iɛedda-d deg ukatar n dduṛ n tejmilt i yimeḥbas isertanen iṣeḥrawiyen ay d-yebdan ass n letniyen yernu yesskanay-d imenɣi n weɣref aṣeḥrawi mgal tuḍḍfa tameṛṛukit d uɛewwel-nnes ad ikemmel imenɣi-nnes akken ad yawi azref-nnes ur yettwenkaṛen n ugguccelman (taqrir maṣir), ɣef wakken ay d-twekked tmeɣnast Aminatou Haider yellan d azamul n umussu n uzarug n Uneẓruf Utrim.

Deg usaru-a, llant-d tdiwenniyin d yimeɣnasen isertanen ed wid n yizerfan n wemdan, ama d iṣeḥrawiyen neɣ d ibeṛṛaniyen, yernu yekcef-d usaru-a lbaṭel ay ttgen yiduba ihersanen (suluṭat istiɛmariyya) imeṛṛukiyen.

Aneẓruf Utrim ay teḍḍef Meṛṛuk seg 1975 tezga tella d anrar n tmeskanin ay ttgen Yiṣeḥrawiyen akken ad ssutren tilelliyin-nsen, maca, akken ay d-yesskanay usaru-a, Meṛṛuk dima tmeḥḥeq-itent s yiɣil.

Asaru-a iɛedda-d s uẓawan aṣeḥrawi aydeg d-tecna tcennayt tameṛḥumt Maryem Hassen, yernu yeḥka-d 40 n yiseggasen n yimenɣi ay d-wwin Yiṣeḥrawiyen i lmend n tlelli, d weɣnas-nsen amelwi (niḍal silmi) i lmend n tsefrant n ugguccelman, ula ma la yettkemmil wemḥaq.