ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵛⵉⵔⵜ ⵏ ⵓⴹⴰⵔ: ⵓⵍⵉⵎⵒⵉ ⵏ ⵍⴻⵎⴷⴻⵢⵢⴰ ⵢⴻⵕⵊⴰ-ⵜⵜ ⵡⴻⵛⵇⵉⵔⵔⴻⵡ ⴷ ⴰⵎⴻⵇⵔⴰⵏ ⴷⴻⴳ ⵜⴻⵎⵖⵓⵏⵜ 1ⵓⵜ
ⵍⴻⵎⴷⴻⵢⵢⴰ– ⵎⵉ ⵜⵄⴻⴷⴷⴰ ⵜⵓⵎⴻⵔⵜ ⵏ ⵡⴰⴷⴰⴼ-ⵏⵏⴻⵙ ⵖⴻⵔ ⵜⴻⵎⵖⵓⵏⵜ 1ⵓⵜ, ⵢⴻⵍⵍⴰⵏ ⴷ ⵜⴰⴷⵢⴰⵏⵜ ⵜⴰⵎⴻⵇⵔⴰⵏⵜ ⴷⴻⴳ ⵓⵎⴻⵣⵔⵓⵢ ⵏ ⵜⴻⵖⵍⴰⵎⵜ-ⴰ, ⵓⵍⵉⵎⵒⵉ ⵏ ⵍⴻⵎⴷⴻⵢⵢⴰ ⵢⴻⵙⵙⴻⴼⴽ ⴰⴷ ⵜⴻⵙⵙⴻⵡⵊⴻⴷ ⵉⵎⴰⵏ-ⵏⵏⴻⵙ ⴰⴽⴽⴻⵏ ⴰⴷ ⵜⵇⴰⴱⴻⵍ ⴰⵛⵇⵉⵔⵔⵡⴻⵏ ⵉⵡⴻⵄⵕⴻⵏ ⵓⴳⴰⵔ ⴷⴻⴳ ⵜⵙⴻⵎⵀⵓⵢⵜ ⵜⴰⴷⴷⴰⵍⴰⵏⵜ ⵏ 2015/2016.
ⵢⴻⵣⵎⴻⵔ ⵍⵃⴰⵍ ⵜⴰⵖⵍⴰⵎⵜ-ⴰ ⵓⵔ ⵜⵣⴻⵀⵀⵓ ⴰⵟⴰⵙ ⴷⴻⴳ ⵡⴻⵎⴽⴰⵏ-ⴰ ⴰⵎⴰⵢⵏⵓ ⴰⵢ ⵜⵜ-ⵉⴷ-ⵉⵚⴰⵃⴻⵏ ⴰⵛⴽⵓ ⵓⵔ ⵜⴻⵙⵄⵉ ⴰⵟⴰⵙ ⵏ ⵢⴻⴷⵔⵉⵎⴻⵏ ⴰⴽⴽⴻⵏ ⴰⴷ ⵜⴻⵎⵎⴰⴳⴻⵔ ⴰⵎⴻⵛⵡⴰⵕ ⴰⵢ ⵜⵜ-ⵢⴻⴳⴳⵓⵏⵉⵏ ⴷⴻⴳ ⵜⴻⵎⵖⵓⵏⵜ ⵜⴰⵙⴰⴷⵓⵔⴰⵏⵜ (ⵎⵓⵃⵜⴰⵔⵉⴼⴰ) ⵡⵓⵖⵓⵔ ⵜⴻⵡⵡⴻⴹ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ.
ⵉⵎⴹⴻⴱⴱⵔⴻⵏ ⵏ ⵡⵓⵍⵉⵎⵒⵉ ⵏ ⵍⴻⵎⴷⴻⵢⵢⴰ ⵥⵔⴰⵏ ⵜⴰⵄⴽⴻⵎⵜ ⵥⵥⴰⵢⴻⵏ ⴰⵢ ⵍⴰ ⵜⴻⵏ-ⵢⴻⵜⵜⵕⴰⵊⵓⵏ ⵢⴻⵔⵏⵓ ⴷ ⴰⵢⴰ ⴰⵢ ⵢⴻⴵⴵⴰⵏ ⴰⴷ ⴷ-ⵢⵉⵍⵉ ⵣⵣⵀⵉⵔ ⴷⴻⴳ ⵜⴻⵙⵖⵉⵎⵜ (ⵎⴰⵇⴰⵔ) ⵏ ⵜⴻⵖⵍⴰⵎⵜ-ⴰ ⴰⵢ ⴷ-ⵢⵓⵙⴰⵏ ⴷⴻⴳ ⵡⴻⴳⵎⴰⵎ (ⵃⴰⵢⵢ) ⵏ ⴰⵀⵎⴻⴷ-ⵙⴰⵔⵉ, ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ ⵏ ⵍⴻⵎⴷⴻⵢⵢⴰ.
« ⵢⴻⵍⵍⴰ-ⴷ ⵓⵙⵙⴻⴱⴳⴻⵙ ⴷ ⴰⵎⴰⵜⵓ ⵓⵍⴰ ⵖⴻⵔ ⵢⵉⵎⴻⴷⴷⵓⴽⴰⵍ ⴷ ⵢⴻⵎⴼⴻⵕⵕⴵⴻⵏ ⵏ ⵜⴻⵖⵍⴰⵎⵜ ⵉ ⵡⴻⵃⵔⴰⵣ ⵏ ⵡⴻⴽⵙⴰⴱ-ⴰ ⴰⵎⴻⵣⵔⵓⵢⴰⵏ » ⴷ ⵓⵃⵓⴷⴷⵓ ⵏ ⵢⵉⵏⵉⵜⴻⵏ ⵏ ⵜⴻⵖⵍⴰⵎⵜ ⴰⴷ ⵢⵓⵖⴰⵍⴻⵏ ⴰⴷ ⵜⴻⵜⵜⵇⴰⴱⴰⵍ ⵜⵉⵖⵍⴰⵎⵉⵏ ⵜⵉⵡⴻⵄⵕⴰⵏⵉⵏ ⵏ ⵜⴻⵎⵖⵓⵏⵜ ⵜⴰⵙⴰⴷⵓⵔⴰⵏⵜ.
« ⵡⴰ ⴷ ⵛⵛⵖⴻⵍ ⵉⵡⴻⵄⵕⴻⵏ, ⵎⴰⵛⴰ ⵓⵔ ⵢⴻⵍⵍⵉ ⴷ ⴰⵡⴻⵣⵖⵉ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ ⴷⴻⴳ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⵏ ⵜⴻⵖⵍⴰⵎⵜ-ⴰ, ⵓⵍⴰ ⵎⴰ ⵜⴰⴳⵏⵉⵜ ⵓⵔ ⴷ-ⵜⴻⵡⵊⵉⴷ ⴰⴽⴽⴻⵏ ⴰⴷ ⵜⴻⵣⵎⴻⵔ ⵜⴻⵖⵍⴰⵎⵜ ⴰⴷ ⵜⴽⴻⵎⵎⴻⵍ ⴰⵎⴻⵛⵡⴰⵕ ⵉⴳⴻⵔⵔⵣⴻⵏ.
