ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴱⴰⵜⴻⵏⵜ: ⵉⵖⵔⴻⵎ ⵏ ⵎⴻⵏⵄⴰ ⴷ ⴰⴳⴻⵔⵔⵓⵊ ⵏ ⵜⵙⴻⴳⴷⴰ ⵢⴻⵙⵄⴰⵏ ⵓⴳⴰⵔ 10 ⵏ ⵍⴻⵇⵔⵓⵏ

ⵜⴰⴱⴰⵜⴻⵏⵜ – ⵉⵖⵔⴻⵎ ⵏ ⵎⴻⵏⵄⴰ, ⴷⴻⴳ ⵜⴱⴰⵜⴻⵏⵜ, ⴷ ⵜⴰⵎⵓⴷⴻⵎⵜ (ⵏⴰⵎⵓⴷⴰⴵ) ⵏ ⵜⵙⴻⴳⴷⴰ (ⵀⴰⵏⴷⴰⵙⴰ ⵎⵉⵄⵎⴰⵔⵉⵢⵢⴰ) ⵢⴻⵙⵄⴰⵏ ⵉⵥⵓⵔⴰⵏ ⴷ ⵉⵍⵇⴰⵢⴰⵏⴻⵏ ⵢⴻⵔⵏⵓ ⵎⴰⵣⴰⵍ-ⵉⵜⵜ ⴰⵔ ⴰⵙⵙ-ⴰ ⵜⴻⵙⵙⴻⵡⵀⴰⵎ ⵉⵎⵏⴰⴷⵉⵢⴻⵏ ⵙ ⵜⵉⵃⵃⴻⵔⴼⵉⵜ-ⵏⵏⴻⵙ ⴷ ⵜⵜⴼⴰⵚⵉⵍ-ⵏⵏⴻⵙ ⵉⵙⴻⴳⴷⴰⵏⴻⵏ ⵓⵔ ⵢⴻⵙⵄⵉⵏ ⵜⴰⵎⵜⵉⵍⵜ.

ⵢⵓⵙⴰ-ⴷ ⵢⴻⵖⵔⴻⵎ-ⴰ 85 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵡⴻⴳⵎⵓⴹ (ⵛⴰⵔⵇ) ⵏ ⵜⴻⵎⴷⵉⵏⵜ ⵏ ⵜⴱⴰⵜⴻⵏⵜ ⵢⴻⵔⵏⵓ ⵢⴻⴽⴽⴰ ⴼⴻⵍⵍ-ⴰⵙ ⵡⴻⴱⵔⵉⴷ ⴰⵖⴻⵍⵏⴰⵡ 87 ⵢⴻⵇⵇⵏⴻⵏ ⵜⴰⴱⴰⵜⴻⵏⵜ ⵖⴻⵔ ⵜⴱⴻⵙⴽⴻⵔⵜ, ⵢⴻⵔⵏⵓ ⵢⴻⵜⵜⵡⴻⴱⵏⴰ ⵖⴻⴼ ⵢⵉⵡⴻⵜ ⵏ ⵜⵉⵖⵉⵍⵜ ⵏⵏⵉⴳ ⵡⴰⵙⵉⴼ ⵏ ⵄⴻⴱⴷⵉ ⴷⴻⴳ ⵍⵇⴻⵔⵏ ⵡⵉⵙ 10 ⵖⴻⴼ ⵢⵉⵅⴻⵔⴱⴰⵏ ⴰⵢ ⴷ-ⵢⴻⴳⴳⵔⴰⵏ ⵙⴻⴳ ⵜⴰⵍⵍⵉⵜ ⵏ ⵕⵕⵓⵎⴰⵏ.

ⵉⵖⵔⴻⵎ-ⴰ ⵢⴻⵍⵍⴰ-ⴷ ⴷⴻⴳ ⵡⴻⵎⴽⴰⵏ ⴰⵏⴷⴰ ⴰⵢ ⵜⵜⴻⵎⵍⵉⵍⵉⵏ ⵢⵉⵖⴻⵣⵔⴰⵏ ⵏ ⴱⵓⵣⵉⵏⴰ ⴷ ⵄⴻⴱⴷⵉ ⵢⴻⵔⵏⵓ ⵖⴻⴼ ⵡⴰⵢⴰ ⴰⵢ ⴰⵙ-ⵙⴻⵎⵎⴰⵏ « ⵎⴻⵏⵄⴰ », ⴰⵏⴰⵎⴻⴽ-ⵏⵏⴻⵙ ⴰⵎⴽⴰⵏ « ⵉⵃⴻⵚⵏⴻⵏ, ⵓⵔ ⵢⴻⵜⵜⵡⴰⴹⴹⴰⴼⴻⵏ », ⴷ ⵡⵉⵏ ⵓⵎⵉ ⴷ-ⵣⵣⵉⵏ ⵢⴻⴷⵔⴰⵔⴻⵏ ⵙⴻⴳ ⵢⴰⵍ ⵜⴰⵎⴰ. Ɣⴻⴼ ⵍⴻⵃⵙⴰⴱ ⵏ ⵡⴻⴼⵕⴻⵏⵙⵉⵙ ⴻⵎⵉⵍⴻ ⵎⴰⵙⵇⵓⴻⵔⴰⵢ (1843-1893), ⵉⵙⴻⵎ ⵏ ⵎⴻⵏⵄⴰ ⵢⴻⵣⵎⴻⵔ ⴰⴷ ⵢⵉⵍⵉ ⴷⴰⵖ ⵢⴻⴽⴽⴰ-ⴷ ⵙⴻⴳ ⵡⴰⵡⴰⵍ ⴰⵍⴰⵜⵉⵏⵉ ⵢⴻⵙⵄⴰⵏ ⴰⵏⴰⵎⴻⴽ ⵏ « ⴰⵖⵔⴰⴱ ». ⵎⴰ ⴷ ⴰⵏⵎⴻⵣⵔⵓⵢ ⴰⴷⵣⴰⵢⵔⵉ ⴰⵀⵎⴻⴷ ⵜⴰⵧⵓⴼⵉⴽ ⴻⵍ ⵎⴰⴷⴰⵏⵉ ⵉⵙⴻⵎⵎⴰ-ⴰⵙ ⵉ ⵢⴻⵖⵔⴻⵎ-ⴰ « ⴰⵙⵖⵓⵏ ⵏ ⵡⴻⵡⵔⴰⵙ ».

ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵍⴱⴻⵏⵢⴰⵏⴰⵜ ⵏ ⵢⴻⵖⵔⴻⵎ-ⴰ ⵙⵄⴰⵏ ⵙⵉⵏ ⵏ ⵢⴻⵙⵡⵉⵔⴻⵏ ⵢⴻⵔⵏⵓ ⵜⵜⵡⴻⴱⵏⴰⵏ ⵖⴻⴼ ⵍⴻⵃⵙⴰⴱ ⵏ ⵜⵙⴻⴳⴷⴰ ⵜⴰⵎⴰⵣⵉⵖⵜ ⵢⴻⵎⴳⴻⵔⵔⴰⴷⴻⵏ ⵖⴻⴼ « ⵜⴻⵇⵍⵉⵄⵜ » ⵢⴻⵍⵍⴰⵏ ⴷ ⴰⴳⵔⴰⵏⵢⵓ ⴰⵢⴷⴻⴳ ⵊⴻⵎⵎⵄⴻⵏ ⵍⴻⵔⵥⴰⵇ ⴷⴻⴳ ⵜⴻⵎⵏⴰⴹⵜ ⵏ ⵡⴻⵡⵔⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⴱⴷⴻⵍⴽⵔⵉⵎ ⴱⵧⵓⴷⵧⵓⵀ ⵢⴻⵍⵍⴰⵏ ⴷ ⴰⵎⴰⵙⴷⴰⴳ ⵙⴻⴳ ⵎⴻⵏⵄⴰ.

ⵜⴰⵎⴻⵙⴳⵉⴷⴰ ⵏ ⵙⵉⴷⵉ ⵎⵓⵙⴰ ⴷ ⵏⴻⵜⵜⴰⵜ ⴰⵢ ⴷ ⵍⴱⴻⵏⵢⴰⵏ ⴰⵎⴻⵣⵡⴰⵔⵓ ⴰⴽⴽ ⴷⴻⴳ ⵢⴻⵖⵔⴻⵎ-ⴰ ⵖⴻⴼ ⵡⴰⴽⴽⴻⵏ ⴰⵢ ⴷ-ⵃⴽⴰⵏ ⵢⵉⵎⴻⵣⴷⴰⵖⴻⵏ ⵏ ⵜⴻⵎⵏⴰⴹⵜ, ⵢⴻⵔⵏⵓ ⴷ ⵢⵉⵡⴻⵏ ⵏ ⵡⴻⵔⴳⴰⵣ ⵉⵚⴻⵍⵃⴻⵏ ⴰⵢ ⵉⵡⴻⵚⵚⴰⵏ ⵉⵎⴻⵣⴷⴰⵖⴻⵏ ⵏ ⵜⴻⵎⵏⴰⴹⵜ-ⴰ, 10 ⵏ ⵍⴻⵇⵔⵓⵏ ⴰⵢⴰ, ⴰⴽⴽⴻⵏ ⴰⴷ ⴱⵏⵓⵏ ⵜⴰⵎⴻⵙⴳⵉⴷⴰ ⴰⴷ ⵜⴻⵏ-ⵉⴷ-ⵉⵊⴻⵎⵄⴻⵏ ⴰⴽⴽ ⵖⴻⵔ ⵢⵉⵡⴻⵏ ⵏ ⵡⴻⵎⴽⴰⵏ ⵉⵎⵉ ⴰⵢ ⵍⵍⴰⵏ ⵣⴻⴷⵖⴻⵏ ⴷⴻⴳ ⵢⵉⵎⵓⴽⴰⵏ ⵢⴻⵎⴼⴰⵔⴰⵇⴻⵏ, ⴷⵖⴰ, ⴰⵙⵎⵉ ⴰⵢ ⵜⵜ-ⴱⵏⴰⵏ, ⵙⴻⵎⵎⴰⵏ-ⴰⵙ ⵖⴻⴼ ⵡⴻⵔⴳⴰⵣ-ⴰ ⵉⵚⴻⵍⵃⴻⵏ.