ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⴻⵕⵃⵓⵎ ⵛⵛⵉⵅ ⴱⵓⵄⴻⵎⵕⴰⵏ ⵢⴻⵜⵜⵡⴻⵎⴹⴻⵍ ⴷⵉ ⵜⵎⴻⵇⴱⴻⵕⵜ ⵏ ⵙⵉⴷⵉ ⴼⵔⴻⴷⵊ
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ - ⴰⵙⴻⵍⵡⴰⵢ ⵓⵙⴻⵇⵇⴰⵎⵓ ⵓⵏⵏⵉⴳ ⴰⵙⵍⴰⵎⴰⵏ (ⵀⵛⵉ), ⵛⵛⵉⵅ ⴱⵓⵄⴻⵎⵕⴰⵏ, ⵢⴻⵡⵡⴹⴻⵏ ⵍⴰⵄⴼⵓ ⵏ ⵕⴻⴱⴱⵉ ⴰⵙⵙ ⵏ ⵍⴰⵅⵎⵉⵙ ⴷⵉ ⵍⵄⴻⵎⵕ-ⵉⵙ 92 ⵉⵙⴻⴳⴳⴰⵙⴻⵏ, ⵢⴻⵜⵜⵡⴻⵎⴹⴻⵍ ⴰⵙⵙ ⵏ ⵍⴵⴻⵎⵄⴰ ⴷⵉ ⵜⵎⴻⵇⴱⴻⵕⵜ ⵏ ⵙⵉⴷⵉ ⴼⵔⴻⴷⵊ, ⴷⴻⴳ ⵓⵜⴰⵔⴰⵎ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ.
ⵜⴰⵎⴹⴻⵍⵜ ⵉⵃⴻⴹⵕ-ⵉⵜⵜ ⵓⵙⴻⵍⵡⴰⵢ ⵓⵙⴻⵇⵇⴰⵎⵓ ⵏ ⵡⴰⵖⵍⴰⵏ, ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⴰⵎⴰⵍⴻⴽ ⵙⴻⵍⵍⴰⵍ, ⵉⵏⴻⵖⵍⴰⴼⴻⵏ ⵓⵏⴰⴱⴰⴹ, ⴷ ⵡⴰⵟⴰⵚ ⵏ ⵡⵓⴷⵎⴰⵡⴻⵏ ⵢⴻⵜⵜⵡⴰⵙⵏⴻⵏ ⴰⵎⴰ ⵏ ⵜⵙⴻⵔⵜⵉⵜ, ⵓⵎⴻⵣⵔⵓⵢ ⵏⴻⵖ ⴷ ⵉⵎⴷⵓⴽⴽⴰⵍ ⴷ ⵢⴻⵇⵕⵉⴱⴻⵏ ⵓⵎⴻⵕⵃⵓⵎ.
ⴷⴻⴳ ⵡⴰⵡⴰⵍ ⴷ-ⵢⴻⵜⵜⵡⴰⵏⵏⴰⵏ ⵍⴰⵡⴰⵏ ⵏ ⵜⴻⵎⴹⴻⵍⵜ ⵢⴻⵜⵜⵡⴰⴱⴻⴷⴻⵔ-ⴷ ⵡⴰⵢⴻⵏ ⴰⴽⴽ ⵢⴻⵅⴷⴻⵎ ⵓⵎⴻⵕⵃⵓⵎ ⴰⵎⴰ ⴷ ⴰⴷⴻⵍⵙⴰⵏ, ⴷ ⵓⵙⵙⵏⴰⵡⴰⵏ ⵏⴻⵖ ⴷ ⵜⵉⴽⵜⵉⵡⵉⵏ ⵜⵉⵜⵔⴰⵔⵉⵏ ⵏ ⵛⵛⵉⵅ ⴱⵓⵄⴻⵎⵕⴰⵏ.
ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵍⵍⴰ, ⴷⴻⴳ ⵢⵉⵡⴻⵏ ⵏ ⵢⵉⵣⴻⵏ ⵓⵄⴻⵣⵣⵉ ⵉ ⵜⵡⴰⵛⵓⵍⵜ ⵓⵎⴻⵕⵃⵓⵎ, ⵢⴻⵏⵏⴰ ⴱⴻⵍⵍⵉ ⵛⵛⵉⵅ ⴱⵧⵓⵡⴻⵎⵕⴰⵏ "ⴷ ⵜⵉⴳⴻⵊⴷⵉⵜ ⴷⴻⴳ ⵡⴻⵃⵔⵉⵛ ⵏ ⵜⵓⵙⵙⵏⴰ ⴷ ⵓⵎⴻⵢⴻⵣ ⴷ ⵢⴻⴷⵍⴻⵙ ⵢⴻⴼⴽⴰⵏ ⵜⵓⴷⴻⵔⵜ-ⵉⵙ ⵖⴻⴼ ⵓⵙⴻⴳⵎⵉ ⴷ ⵓⵡⴻⵍⵍⴰⵀ ⵏ ⵜⵙⵓⵜⵡⵉⵏ ⵢⴻⵎⵙⴻⴹⴼⴰⵕⴻⵏ ⵏ ⵢⵉⵏⴻⵍⵎⴰⴷⴻⵏ ⴰⴽⴽ ⴷ ⵢⴻⵎⵏⴰⴷⵉⵢⴻⵏ".
