Asebter amenzawi

Ameṛḥum Ccix Buɛemṛan yettwemḍel di tmeqbeṛt n Sidi Fredj

LEZZAYER TAMANAɣT - Aselway useqqamu unnig aslaman (HCI), Ccix Buɛemṛan, yewwḍen laɛfu n Ṛebbi ass n laxmis di lɛemṛ-is 92 iseggasen, yettwemḍel ass n lǧemɛa di tmeqbeṛt n Sidi Fredj, deg utaram n Lezzayer tamanaɣt.

tamḍelt iḥeḍṛ-itt uselway useqqamu n waɣlan, Abdelkader Bensalah, aneɣlaf amezwaru, Abdelamalek Sellal, ineɣlafen unabaḍ, d waṭaṣ n wudmawen yettwasnen ama n tsertit, umezruy neɣ d imdukkal d yeqṛiben umeṛḥum.

Deg wawal d-yettwannan lawan n temḍelt yettwabeder-d wayen akk yexdem umeṛḥum ama d adelsan, d ussnawan neɣ d tiktiwin titrarin n Ccix Buɛemṛan.

Aselway n Tegduda, Abdelaziz Bouteflika, yella, deg yiwen n yizen uɛezzi i twacult umeṛḥum, yenna belli Ccix Bouwemṛan "d tigejdit deg weḥric n tussna d umeyez d yedles yefkan tudert-is ɣef usegmi d uwellah n tsutwin yemseḍfaṛen n yinelmaden akk d yemnadiyen".