ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵖⴰⵡⴰⵙ ⴰⵖⴻⵍⵏⴰⵡ ⵏ ⵓⵙⵙⵉⴼⵙⴻⵙ ⵏ ⵜⵙⴻⴽⴽⵉⵔⵉⵏ ⵏ ⵜⴻⴷⴱⴻⵍⵜ: ⵜⴻⴼⴽⴰ-ⴷ ⵜⴻⵙⵎⵉⵍⵜ ⵏ ⵓⵙⵉⴳⴳⵉ ⵜⴰⵛⵔⴰⵡⵜ-ⵏⵏⴻⵙ ⵏ 2015

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⵇⴻⴷⴷⴻⵎ-ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵡⵓⵔⵉ ⵜⴰⵏⴰⴳⴷⵓⴷⵜ, ⴱⴻⵍⴽⴰⵛⴻⵎ ⴱⵧⵓⵛⵀⴻⵎⴰⵍ, ⵙ ⵢⵉⵙⴻⵎ-ⵏⵏⴻⵙ ⴷ ⴰⵙⴻⵍⵡⴰⵢ ⵏ ⵜⴻⵙⵎⵉⵍⵜ ⵏ ⵓⵙⵉⴳⴳⵉ ⵏ ⵓⵙⵙⴻⴼⵄⴻⵍ ⵏ ⵓⵖⴰⵡⴰⵙ ⴰⵖⴻⵍⵏⴰⵡ ⵏ ⵓⵙⵙⵉⴼⵙⴻⵙ ⵏ ⵜⵙⴻⴽⴽⵉⵔⵉⵏ ⵜⵉⴷⴻⴱⵍⴰⵏⵉⵏ, ⵜⴰⵛⵔⴰⵡⵜ (ⵃⴰⵚⵉⵍⴰ) ⵏ ⵜⴻⵙⵎⵉⵍⵜ-ⴰ ⵉ ⵓⵙⴻⴳⴳⴰⵙ ⵏ 2015, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ.

ⵜⴻⵜⵜⵡⴰⵇⴻⴷⴷⴻⵎ-ⴷ ⵜⴻⵛⵔⴰⵡⵜ-ⴰ ⴷⴻⴳ ⵜⴻⵎⵍⵉⵍⵉⵜ ⵏ ⵢⵉⵎⴰⵙⵍⴰⴹⴻⵏ (ⴰⵄⴹⴰ’) ⵏ ⵓⵙⴰⵏⴰⵢ ⴰⵖⴻⵍⵏⴰⵡ ⵏ ⵓⵎⴻⵥⵍⵓ ⴰⵏⴰⴳⴷⵓⴷ ⴷⴻⴳ ⵓⵖⴻⵔⴱⴰⵣ ⴰⵖⴻⵍⵏⴰⵡ ⵏ ⵜⴻⴷⴱⴻⵍⵜ « ⵎⵧⵀⴰⵎⴻⴷ ⵎⵧⵓⵍⴰⵢ ⵎⴻⴷⴻⴳⵀⵔⵉ », ⴷⴷⴰⵡ ⵜⵙⴻⵍⵡⵉⵜ ⵏ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⴼⵧⵓⴰⴷ ⵎⴰⴽⵀⵍⵧⵓⴼ, ⵢⴻⵔⵏⵓ ⵢⴻⴱⴷⴻⵔ-ⴷ ⵓⵕⴰⴱⵓⵍ-ⴰ « ⴰⵟⴰⵙ ⵏ ⵜⴻⵏⵇⵉⴹⵉⵏ, ⴳⴰⵔ-ⴰⵙⴻⵏⵜ ⴰⵙⵙⴻⴱⴷⴻⴷ ⵏ ⵢⵉⵡⴻⵜ ⵏ ⵜⴻⵙⵎⵉⵍⵜ ⵜⴰⴳⵔⴰⵖⵍⵉⴼⵜ ⴻⴷ ⵜⴻⵛⵔⴰⵡⵜ ⵏ ⵢⵉⵅⴻⴷⴷⵉⵎⴻⵏ ⵏ ⵜⴻⵙⵎⵉⵍⵜ ⵉ ⵓⵙⴻⴳⴳⴰⵙ ⵏ 2015 ⴰⵢⴷⴻⴳ 1.437 ⵏ ⵍⴻⵛⵖⴰⵍ ⴰⵢ ⵢⴻⵜⵜⵡⴰⵎⵎⴻⵕⴽⴰⵏ, ⴳⴰⵔ-ⴰⵙⴻⵏ 939 ⵏ ⵍⴻⵛⵖⴰⵍ ⴰⵢ ⵢⴻⴼⵔⴰⵏ ⵢⴻⵔⵏⵓ ⴰⵢⴻⵏ ⴷ-ⵢⴻⵇⵇⵉⵎⴻⵏ ⵍⴰ ⵢⴻⵜⵜⴻⴷⴷⵓ ⴰⴷ ⵢⴻⴼⵔⵓ ».

ⴷⴻⴳ ⵜⴻⴳⵏⵉⵜ-ⴰ, ⵢⴻⵛⴽⴻⵕ-ⴷ ⵎⴰⵙⵙ ⴱⵧⵓⵛⵀⴻⵎⴰⵍ « ⵕⵕⵓⵃ ⵏ ⵡⴻⵎⵄⴰⵡⴻⵏ ⴻⴷ ⵓⵅⴻⴷⴷⵉⵎ ⵓⵛⵔⵉⴽⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵖⵍⴰⵎⵜ (ⴼⴰⵔⵉⵇ) ⴰⵢⵖⴻⴼ ⵢⴻⵍⵍⴰ ⴷ ⴰⵙⴻⵍⵡⴰⵢ ».

ⵢⴻⵍⵍⴰ-ⴷ ⵡⴻⵎⵢⴰⴳⴻⵔ-ⴰ ⴷ « ⵜⴰⴳⵏⵉⵜ ⵉ ⵡⴻⵎⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⴳⴰⵔ ⵢⵉⵎⴰⵙⵍⴰⴹⴻⵏ ⵏ ⵙⵏⴰⵜ-ⴰ ⵏ ⵜⵙⵓⴷⴰ (ⵎⵓ’ⴰⵙⵙⴰⵙⴰⵜ) ⴻⴷ ⵡⴻⵎⵙⴻⴼⵀⴰⵎ ⵖⴻⴼ ⵓⵙⵙⵓⴳⴳⴻⵜ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ), ⵏ ⵜⴻⵖⵡⴰⵍⵜ ⴻⴷ ⵓⵙⵙⴻⵎⵢⵓⴷⴷⴻⵙ ⵉ ⵡⴰⵡⵡⴰⴹ ⵖⴻⵔ ⵢⴻⵙⵡⴰⵏ ⴰⵢ ⴷ-ⵃⵓⴷⴷⴻⵏ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ ⵢⴻⵔⵏⵓ ⴰⴷ ⴰⵙ-ⴷⴷⵓⵏ ⴷⴻⴳ ⵍⴻⴱⵖⵉ ⵉ ⵓⵖⴻⵔⵎⴰⵏ ⵙ ⵓⵎⴻⵥⵍⵓ ⴰⵏⴰⴳⴷⵓⴷ ⵏ ⵜⵖⴰⵔⴰ ⴰⴷ ⵢⴻⵙⵙⵉⴼⴻⵙⵙⴻⵏ ⵜⵉⴽⵎⴰⵔⵉⵏ ⵏ ⵜⴱⵉⵔⵓⵇⵔⴰⵟⵉⵜ ⵙ ⵓⵎⴰⵜⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.

ⴰⵣⵡⵓⵔ-ⴰ (ⵎⵓⴱⴰⴷⴰⵔⴰ) « ⵜⵓⴷⴻⴼ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⴼⵄⴻⵍ ⵏ ⵍⴻⵡⵚⴰⵢⴰⵜ ⴰⵢ ⴷ-ⵢⴻⴼⴽⴰ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵙⵙ ⵏ 12 ⵢⴻⴱⵔⵉⵔ 2016 ⵉ ⵡⴻⵎⵛⵉⵡⴻⵕ ⴻⴷ ⵓⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⴳⴰⵔ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵓⵎⴻⵥⵍⵓ ⴰⵏⴰⴳⴷⵓⴷ ⴻⴷ ⵜⵙⴻⵇⵇⴰⵎⵓⵜ ⵏ ⵓⵙⵉⴳⴳⵉ ⴻⴷ ⵓⵙⵙⴻⴼⵄⴻⵍ ⵏ ⵓⵖⴰⵡⴰⵙ ⴰⵖⴻⵍⵏⴰⵡ ⵏ ⵓⵙⵙⵉⴼⵙⴻⵙ ⵏ ⵜⵙⴻⴽⴽⵉⵔⵉⵏ ⵜⵉⴷⴻⴱⵍⴰⵏⵉⵏ ».